صانع ألعاب مصر للمقاصة يودع فريقه نهائيا
تاريخ النشر: 7th, August 2023 GMT
عبر أحمد سودانى، صانع ألعاب فريق مصر للمقاصة، عن حزنه لرحيله عن صفوف الفريق بإنتهاء تعاقده مع الفريق الفيومى والصعود لدورى المحترفين .
وكتب "سودانى " ، عبر صفحته الشخصية "فيس بوك " : "يوم صعب عليا جدا بعد 12 سنة داخل النادي انتهي تعاقدي مع نادي مصر المقاصة، وبشكر مجلس الإدارة وبشكر كل المدربين اللي اتمرنت معاهم، وبشكر كل الدكاتره وكل العمال داخل النادي وباذن الله النادي هيرجع لمكانه الطبيعي، الفترة الجاية ولينا عودة للأضواء تاني، واتمني التوفيق ليا ف المرحله القادمه شكرا نادي مصر المقاصة النادي اللي ليه فضل عليا كبير وأكيد مش هيقف ع حد زي ما اتعودنا والحمد لله ع كل شئ" .
وأعلن مسئولي مجلس ادارة نادي غزل المحلة بإتمام التعاقد مع اللاعب أحمد سودانى صاحب ال٢٣ عاما لاعب ف يق مصر للمقاصة لمدة موسمين في صفقة إنتقال حر .
المصدر: صدى البلد
إقرأ أيضاً:
رحاب الجمل: هعمل تريند في رمضان.. الهدوء مفروض عليا رغم إني بحب الدوشة| حوار
تعيش الفنانة رحاب الجمل حالة من النشاط الفني، خلال الفترة الحالية حيث تشارك بمسلسلين في الموسم الدرامي الرمضاني المقبل، الأول هو «عايشة الدور» مع الفنانة دنيا سمير غانم، والثاني هو «أشغال شقة 2» مع الفنان هشام ماجد.
وكشفت رحاب الجمل، في حوار مع موقع صدى البلد الإخباري، كواليس مسلسلي عايشة الدور وأشغال شقة 2، ورأيها في مسلسلات الـ 15 حلقة، وطقوسها في رمضان.
في بداية الحوار، قالت رحاب الجمل، إنها محظوظة بالمشاركة في مسلسل عايشة الدور، وتكرار التعاون مع الفنانة دنيا سمير غانم والتعاون المرة الأولى مع المخرج أحمد الجندي، معلقة: «التجربة شيقة جدا لي وأنا أحب الكوميديا ومسلسل عايشة الدور به شكل عائلي ويخص بالجمهور الأطفال والكبار».
وحول طبيعة الشخصية التي تلعبها، قالت رحاب الجمل: «شخصيتي في مسلسل عايشة الدور هتكون مفاجأة للجمهور مش عاوزة أحرقها لكن في مفاجأة جوة المسلسل هتكون تريند السوشيال ميديا في رمضان».
وحول كواليس المسلسل، قالت رحاب الجمل: «أنا مكملة تصوير وهرجع للتصوير الاسبوع الجاي ورغم إن مسلسل عايشة الدور كوميدي لكن التصوير مع المخرج أحمد الجندي جد جدا وأنا اتعلمت حاجات من الهدوء في اللوكيشن إنه بيعمل ابداع.. ووقت التصوير بيكون اللوكيشن خلية نحل كل واحد بيعمل شغله صح قوي وبنقرأ وبنفكر .. ولو حد عنده سؤال أو اقتراح بيقوله وفي مذاكرة بشكل حلو قوي قبل المشهد على طول».
وتابعت رحاب الجمل: «احنا لحد دلوقتي ما هزرناش في اللوكيشن والتصوير هادي جدا رغم إني بحب الدوشة رغم إني بحب الدوشة.. وأنا شايفة إن التركيز ده عشان الكوميديا صعبة والمصريين أصلا دمهم خفيف وولاد نكتة وده باين على السوشيال ميديا وعشان كدة الجمهور المصري صعب تضحكه بسهولة».
وأشارت رحاب الجمل، أن الارتجال في المشاهد لابد أن يكون متفق عليه مع المخرج لأن ساعات الارتجال بيقلب الكوميديا إلى سخافة ولو في فكرة معينة نتناقش فيها مع المخرج أولا ولو كانت حلوة نصورها.
وحول العمل مع دنيا سمير غانم، قالت رحاب الجمل: «أكتر مشاهدي في مسلسل عايشة الدور مع دنيا، وأنا من معجبيها وهي رقم واحد في الكوميديا بين النجمات بالنسبة لي .. وعندما شاهدت برومو المسلسل عجبني الأغنية لأنها بتعبر عن كل البنات والشباب وكلماتها بتدي طاقة للإستمرار الاغنية دي انا مستنية اول ما ادخل لوكيشن اقول لهم كلهم كده أنا فرحانة قوي لأنها بتعبر عننا في الشغل».
وتابعت رحاب الجمل: «حصل قبل كده في مسلسل جت سليمة، دنيا سمير غانم عملت أغنية نجحت وكسرت الدنيا وانا متوقعة نفس النجاح لأغنية عايشة الدور.. لأن ما بقاش عندنا فوازير رمضان والناس كانت بتحب الغناء والاستعراض في الفوازير».
وحول مسلسل أشغال شقة 2، قالت رحاب الجمل: «لما بعتولي السنادي حسيت يعني رعب مسئولية انك بتشارك في عمل ناجح انت داخل عند ناس ناجحة. هم. ناس لهم جمهورهم ودي حاجة جميلة اني أكون جزء من النجاح الجديد اللي هم حققوه في الجزء الأول وأنا بهتم أعرف ردود الفعل عني من خلال الصحافة والجمهور».
رحاب الجمل تكشف عن رأيها في مسلسلات الـ 15 حلقةوحول مشاركتها بمسلسلين من 15 حلقة في موسم دراما رمضان 2025، قالت رحاب الجمل: «السنة اللي فاتت شاركت بمسلسلين 30 حلقة (بيت الرفاعي وصدفة) لكن السنادي باخد راحة شوية ذهنيًا وفنيًا لكن مع نفس الجودة ونفس التركيز.. وعاوزة وأقول إن المسلسل الـ 15 حلقة بيحتاج تركيز مكثف لأن مساحة العرض أقل فبركز مجهودي في مدة عرض أقل».
وتابعت رحاب الجمل: «أنا شايفة فكرة الـ 15 حلقة لطيفة جدا بتدي فرصة للجمهور انه يبقى عنده كذا عمل بيتفرج عليهم وبيستمتع في خلال التلاتين يوم بيبقى عدد اكتر يختار منهم اللي يناسبهم».
رحاب الجمل وطقوسها في شهر رمضانوحول طقوسها في شهر رمضان، قالت رحاب الجمل: «لو ما عنديش تصوير والدنيا لطيفة بتفرج على الأعمال اللي أنا مشاركة فيها وأعمال زمايلي.. ولو شغالة تصوير بيكون حظي مش حلو إني اتفرج لايف لكن بشوفها بعد رمضان ما يخلص».
وزير الري يستعرض موقف إدارة وتوزيع المياه والنقاط الساخنة