فاطمة عيد:"لو الزوجة غلطت في زوجها يبقى الدنيا خربت"
تاريخ النشر: 7th, July 2024 GMT
كشفت الفنانة فاطمة عيد خلال تصريحات تلفزيونية عن سر استمرار زواجها 50 عامًا والحب المتبادل بينها وبين زوجها على مدار هذه الأعوام.
وقالت: "اللي يخلي الحب يستمر 50 سنة، الأدب بين الطرفين حتى لو الزوج غلط الزوجة المفروض تسامحه وما تغلطش زيه، لأن لو الزوجة غلطت في زوجها يبقى الدنيا خربت، هو راجل له القدسية بتاعته وله كيانه واحترامه وكل حاجة حلوة تخلي الواحدة تحطه فوق راسها".
وأضافت: "مينفعش الزوجة تقل بأصلها مع زوجها وترفع عليه قضايا أو دعوى خلع مهما كان زوجها وحش، مفيش داعي ننشر غسيلنا الوحش للناس ونغلط في بعض، والأدب أفضل من العلم ولو معاها 100 شهادة ومش مؤدبة تبلعهم وتشرب ميتهم".
وتابعت:"زوجي هو أخويا وحبيبي وصاحبي وكل ما أملكه في الدنيا هو زوجي، وطالما فيه احترام متبادل مفيش غلط بيبحصل، ومينفعش الست تقل أدبها على زوجها وتفرج عليه الناس، ولو أنا اتعصبت على زوجي في ساعتها بنصفى، ولو هو غلطان بييجي يبوس راسي ويقولي أنا غلطت في حقك سامحيني وما تزعليش مني".
وأشارت:" الست هي اللي بتدفع الراجل للنكد والراجل مش هيبادر بالنكد من غير سبب، لازم الزوجة نرفزته ووصلته لكده وهو استحالة يزعق لها من الباب للطاق إلا إذا كانت هي بتستفزه وفيه ستات نكدية وأنا بقول شهادة هتحاسب عليها، زوجك هو كل ما تملكيه في الدنيا، لزومه إيه لما نزعل ننشر غسيلنا الوحش".
الرجال قوامون على النساءوواصلت:" بالعكس الرجال قوامون على النساء، الراجل راجل والست ست مهما كان كيانك لو عندك كنوز الدنيا ومعندكيش أخلاق يبقى ملعون أبو الفلوس اللي ما تسعدش صاحبها، ولو مش معاها إلا قوت يومها ومؤدبة وأخلاقها عالية وبتراعي ربنا في جوزها وولادها يبقى الحياة بتستمر وحاجة تشرح القلب الحزين".
المصدر: بوابة الفجر
كلمات دلالية: فاطمة عيد الفجر الفني
إقرأ أيضاً:
«الراجل مش بجيبه».. بودكاست «بونجور يا بيبي» يقدم روشتة لاختيار شريك الحياة
اختيار شريك الحياة واحدة من أصعب القرارات في الحياة سواء للمرأة أو الرجل، لكن بالنسبة للمرأة تتطلع الكثير من النساء للوضع المادي أكثر من أي صفة أخرى، وفي هذه النقطة تحدثت الإعلامية رولين القاسم في برنامجها «بونجور يا بيبي» عبر بودكاست المتحدة، بالتعاون مع البنك الأهلي، وكشفت مواصفات في الرجل أهم من الحالة المادية.
بودكاست «بونجور يا بيبي» يكشف مواصفات في شريك الحياةقالت الإعلامية رولين القاسم في بودكاست«بونجور يا بيبي»، إن الحالة المادية من الممكن أن تكون سبب التعاسة، ولا يشترط أن تكون سبب السعادة، موضحة: «الفلوس مش شرط تكوني سعيدة ومبسوطة معاه، النكت واللقطات اللي بتطلع وتصدقها البنات زي خدي دا علشان فلوسه، الفلوس والصحة والشباب بيروحوا دي سنة الحياة، مبتتحسبش بـ أنا هاخده علشان معاه وممعاهوش، فيه مواصفات تانية أهم».
وأكدت رولين القاسم عبر «بونجور يابيبي» إن أهم شروط اختيار شريك الحياة هي اختيار شخص يحبك، يحترمك ويخاف عليكِ، يتمنى لزوجته الراحة والسعادة، يكون سعيد ومهتم بها.
صفات يجب التركيز عليهاوأهم المميزات التي طرحتها رولين القاسم في بودكاست «بونجور يا بيبي»، عن الزوج المستقبلي هي عقله وروحه، وطموحه في الحياة، وأن يكون له تجربة ويفهم متطلباتها، وألا يكون قاسيًا: «شوفي الراجل دا لو بيمثل ومتصنع مدعي بلاش خالص، والراجل بردو نفس الحكاية لو مش معاك ست مالية قلبك ودماغك أنت خسران وعايش في الحياة على الهامش، الشكل والفلوس والحسب دول بيدوبوا مع الزمن».
واختتمت أن الأهم في علاقات الزواج، القيم التي يؤمن بها الطرفان، مثل النجاح والقيم والمشاريع التي ينوي كل منهما تحقيقها.
واشنطن: "اتفاق المعادن" مع أوكرانيا لا يشمل ضمانات أمنية