«الكهرباء»: في هذه الحالة لن ينقطع التيار نهائيا

متى تتوقف شركة الكهرباء عن قطع التيار الكهربائي نهائيا؟ سؤال يطرحه كثير من المواطنين، لذا، وجهت الشركة القابضة لكهرباء مصر، رسالة للمواطنين، عبر صفحتها الرسمية على «فيسبوك»، كشفت خلالها الإجابة عن هذا السؤال.

وقالت الشركة: «تعرف إن لو وفرنا 10% بس من استهلاكنا للكهرباء، مش هيكون فيه انقطاع للتيار؟».

توفير الكهرباء

وقالت الشركة، في منشور توعوي، الأربعاء، «كل واحد فينا يقدر يساهم في توفير الكهرباء، واللي بدوره هيوفر الغاز المستخدم في إنتاج الكهرباء في المحطات، التوفير ده هيساعد بشكل كبير في خفض معدلات وتوقيتات انقطاع التيار الكهربائي، خلينا نكون جزء من الحل ونساعد بلدنا في تحقيق استقرار الطاقة».

قطع الكهرباءقطع الكهرباء

وأضافت الشركة أن «الكهرباء مش بس سلعة بنستخدمها، هي عملية إنتاج ونقل وتوزيع معقدة، ومع مرور الوقت، الوقود الأحفوري اللي بنعتمد عليه لإنتاج الكهرباء بيتناقص».

المصادر غير المتجددة

وأردفت: «علشان كده، الترشيد يساعد في الحفاظ على المصادر غير المتجددة دي لفترة أطول، الترشيد مش مجرد توفير، هو كمان استثمار في المستقبل، لما نوفر في استهلاك الكهرباء، بنوفر موارد مالية ممكن نستغلها في بناء مصانع جديدة، مدارس، ومستشفيات».

وتابعت: «ترشيد الاستهلاك كمان هيساعدك تقلل فواتيرك الشهرية، يعني فلوس أكتر لتلبية احتياجاتك الشخصية، من خلال ترشيد الكهرباء، بنساهم في استقرار الشبكة الكهربائية وتقليل احتمالات انقطاع التيار، وكمان بنحافظ على البيئة من خلال تقليل استهلاك الوقود الأحفوري وتقليل الانبعاثات الضارة».

واختتمت الشركة رسالتها قائلة: «خلينا نبدأ من دلوقتي ونكون جزءا من التغيير للأفضل، علشان نضمن إن الكهرباء تفضل متاحة لينا وللأجيال اللي جاية، كل خطوة صغيرة بتفرق».

اقرأ أيضاًالاستعلام عن فاتورة الكهرباء 2024.. رابط الدخول

أهمها «إنهاء أزمة الكهرباء والغاز وفتح تراخيص البناء».. تحديات أمام الحكومة الجديدة

بعد قرار غلق المحلات.. ننشر مواعيد عمل قاعات الأفراح لترشيد استهلاك الكهرباء

المصدر: الأسبوع