عضو الزمالك: "عايز أبقى جامد زي الأهلي"
تاريخ النشر: 3rd, July 2024 GMT
علق محمد طارق، عضو مجلس إدارة الزمالك، على موقف الزمالك من عدم خوض مواجهة القمة أمام الأهلي في الدوري المصري الممتاز، ومن ثم التراجع ولعب مباراة سيراميكا كليوباترا.
وتحدث طارق في تصريحات تلفزيونية مع الإعلامي ابراهيم فايق، حيث قال:"الجمهور كان عنده حق في موقفه بالغياب عن مباراة سيراميكا، جمهور الزمالك يريد رؤية ناديه صاحب مواقف و"جامد" مثل النادي الأهلي".
وتابع: “أنا عايز أبقى جامد ذي النادي الأهلي، لكن هناك عوامل لا تساعدنا، أظن أنا موقفنا سينتج عنه مكتسبات وسيحدث تغيير جذري ونظام مختلف”.
وأكمل: "الأهلي كان مصلحته أن الزمالك ميلعبشي مباراة القمة ومش العكس تمامًا".
وتابع: "الأهلي اشتغل علشان المباراة دي متتلعبشي علشان يستفيد بالنقاط بدون ما يلعب أو إرهاق أو اي حاجه".
وأكمل: "مسؤولين الأهلي شطار في تعاملهم مع أزمة مباراة القمة واحترمهم عليها".
وأردف عضو مجلس إدارة الزمالك: "الأهلي كان طرف في مباراة القمة ومن الذكاء أنهم نفذوا اللي عايزينه بدون ما يظهروا في الصوره".
ومن المقرر أن يواجه الزمالك نظيره فاركو في مواجهة الغد، والتي ستنطلق في تمام السابعة مساءًا.
المصدر: بوابة الوفد
كلمات دلالية: محمد طارق الزمالك الأهلي الدوري المصري الممتاز إبراهيم فايق
إقرأ أيضاً:
طارق السيد : زيزو باع الزمالك مبكرًا .. واللاعب يرد
علّق طارق السيد، نجم نادي الزمالك السابق، على الأنباء المتداولة بشأن انتقال أحمد مصطفى زيزو إلى النادي الأهلي.
وقال طارق السيد، خلال تصريحاته في برنامج الكورة مع فايق: "زيزو باع الزمالك بدري أوي، ولازم عقليته تكون مختلفة عن كده. مينفعش اللي عمله بصراحة. هو ربط مشاكله مع مجلس الإدارة بالرحيل، حتى لو هو فاشل".
وتابع: "وأنا بلّغت حازم إمام إن زيزو اتفق مع النادي الأهلي على كل حاجة خلاص. زيزو غلطان، ومجلس الإدارة كمان زيّه.. وطبعًا كلام السوشيال ميديا ولّع الدنيا أكتر".
زيزو يرد عبر "إنستجرام"
من جانبه، أكد أحمد مصطفى "زيزو"، نجم الزمالك، أنه لم يوقع لأي نادٍ، مشددًا على احترامه الكامل لنادي الزمالك.
وكتب زيزو عبر "ستوري إنستجرام" على حسابه الرسمي: "الحمد لله، أنا راجل بحترم كل الناس، لكن للأسف عدم ردي على المعلومات المغلوطة، والتزامي الصمت، زاد عن حده. وكل ساعة خبر عن توقيع أو تجديد عقد زيزو، وكل واحد بيغازل الشريحة اللي عايزها من الجمهور".
وتابع: "بكل وضوح، أنا لم أوقع لأي نادٍ سواء داخل أو خارج مصر. اللي حصل على توقيعي يتفضل يعلن إذا كان كلامه صحيح. كمان، اللي عنده دليل على توقيعي لأي نادٍ، برضو يتفضل يطلعه على الملأ. الناس لازم تعرف كويس".
وواصل زيزو: “أنا بقدّر جدًا الكيان الكبير اللي بلعب فيه، ولا يمكن أنكر فضله عليّا.. لكن فيه حاجة مكنتش حابب أتكلم فيها خالص، لأنه للأسف، الأمور في الإعلام كلها ماشية في اتجاه واحد”.
وأكمل: "ليه محدش اتكلم عن حقوقي المشروعة زي أي لاعب في الدنيا؟ ليه محدش قال إن الناس سايباني بقالها شهور ومش عايزين يجددوا عقدي؟ ليه محدش اتكلم عن المستحقات المتأخرة اللي ليّا بقالها كتير ومش لاقي حد؟".
واختتم: “كمان، محدش اتكلم إن ربنا سبحانه وتعالى أنعم عليّا بعروض مقابلها المالي 10 أضعاف العرض الموجود.. ورغم كل ده، قلت وهفضل أقول: أنا منتظر كلمة النادي، وردّه، لاعتبارات كتير، مش لتجميل الصورة”.
البرازيل تمنح الأولوية للتفاوض لحل أزمة الرسوم الجمركية مع أمريكا