رمضان 2025.. هنا الزاهد تكشف تفاصيل مسلسلها "الزواج سم قاتل"
تاريخ النشر: 2nd, July 2024 GMT
أعلنت النجمة الشابة هنا الزاهد مشاركتها في الماراثون الرمضاني المقبل 2025 بعنوان مسلسل الزواج سم قاتل، بعيد غياب 3 سنوات منذ آخر مسلسلاتها "النمر" مع محمد إمام.
وكشفت هنا الزاهد تفاصيل مسلسلها الجديد الذي تنافس به في رمضان 2025، قائلة: "اسم المسلسل الزواج سم قاتل مع المخرجة ياسمين أحمد كامل وإنتاج محمد السعدي وهيكون 30 حلقة، المسلسل هيكون مفاجأة، وهما لسه بيختاروا فريق العمل".
وأضافت هنا الزاهد: "أنا متحمسة أوي أني هشتغل مع ياسمين عجبني مسلسلها "أعلى نسبة مشاهدة" هي شاطرة جدا وكل الناس اللي في المسلسل كانوا شاطرين".
وأشارت هنا الزاهد في حديثها عن سبب غيابها بموسم دراما رمضان السنوات الماضية، معلقه: "كنت السنين اللي فاتت بحب أكتر المنصات وكنت مبسوطة بـ"سيب وأنا أسيب" و"حلوة الدنيا سكر" و"أنا وهي" وكانوا شاغلني عن رمضان وكنت مكتفية بده بس حسيت يلا أعمل حاجة لرمضان".
وإلى جانب مسلسلها لرمضان 2025، انتهت هنا الزاهد قبل أشهر من تصوير مسلسل "إقامة جبرية" الذي لا تعرف حتى الآن موعد عرضه، وتحدثت عن المسلسل قائلة: "مسلسل غامق جدا ودراما وسايكو وفيه جرايم مسلسل صعب وشخصيتي صعبة وحقيقية أنا بحب الحاجات دي جدا بحب الدراما أكتر".
وأكملت هنا الزاهد: "عمري ما شفت نفسي كوميدية الناس شايفني في الحتة دي عشان الأعمال اللي بعملها فيها لايت كوميدي وبتكون أفلام عائلية".
من ناحية أخري، تواصل هنا الزاهد تصوير فيلمها الجديد "ري ستارت" الذي تتعاون فيه مع الفنان تامر حسني.
فيلم "ري ستارت" بطولة تامر حسني وهنا الزاهد وعصام السقا وباسم سمرة وميكا ومن تأليف أيمن بهجت قمر وإخراج سارة وفيق.
المصدر: بوابة الوفد
كلمات دلالية: هنا الزاهد النجمة هنا الزاهد رمضان 2025 هنا الزاهد
إقرأ أيضاً:
على أنغام جامدين جامدين.. تامر حسني يشارك الجمهور كواليس ريستارت
حرص تامر حسني على مشاركة الجمهور كواليس فيلمه الجديد "ريستارت" على أنغام أحدث أغنياته "جامدين جامدين".
منشور تامر حسني
ونشر تامر حسني من خلال حسابه الشخصي بموقع تبادل الصور والفيديوهات إنستجرام فيديو الكواليس مع باسم سمرة معلقًا:"من كواليس ريستارت جامدين جامدين بعون الله".
تفاصيل أغنية جامدين جامدينتعد أغنية جامدين جامدين من كلمات محمود سليم وألحان تيام علي وتوزيع هشام محمد
قصة الأغنية
تشير الأغنية للسعادة والطاقة الإيجابية من خلال إسعاد الآخرين وجعلهم يشعرون بالسعادة والفرح وسط من يحبونهم، وطرح تامر حسني الأغنية من خلال فيديو على حسابه الرسمي بمنصة يوتيوب.
لو حد زعلان قابلك، هاته من ايديه، قوله في ناس فرحانه، وجو جديد عليه، لو جالنا بس هيطلع، من كل اللي فيه، احنا لمتنا دي، بالدنيا كلها، كل دقيقه انبساط بنستغلها، والسكه اللي بتزعل نمشي عكسها، رقص اللي مكشر دلعه، وتعالى من الحزن نطلعه، يالا خلي اليوم ده نولعه، ونكتر الحلوين، جامدين جامدين وده كده كده، صحبتنا الحلوه مأكده، لأ بقى والحلو في كل ده، احنا كده من سنين، لسه الأيام الحلوه بينا مكمله، والسهره جامده معانا ولسه مبيته واكيد بكرا اللي جاي اجمل من كده، عدي وفوت وكبر، وانسى ومتقفش، فك الزعل علشان بقى، وشك ميكرمش، هنعيش الدنيا مره ياعم
فكها، رقص اللي مكشر دلعه، وتعالى من الحزن نطلعه، يالا خلي اليوم ده نولعه ونكتر الحلوين، جامدين جامدين وده كده كده صحبتنا الحلوه مأكده، لأ بقى والحلو في كل ده احنا كده من سنين.
وفي سياق منفصل يذكر أنه يقوم حاليًا نجم الجيل تامر حسني بتصوير فيلم ري ستارت، وهو فيلم كوميدي يجمع هنا الزاهد وتامر حسني معًا مرة أخرى بعد فيلم " بحبك" وفيلم ري ستارت ينتمي إلى فئة الأفلام الاجتماعية الكوميدية والذي يدور في اطار من الاثارة والتشويق.
فريق عمل ري ستارت
يشارك في بطوله فيلم ري ستارت كوكبة كبيرة من النجوم المتميزين إلى جانب الفنان تامر حسني وهم الفنانة هنا الزاهد، باسم سمرة، عصام السقا، محمد ثروت، وهو من تاليف ايمن بهجت قمر وإخراج سارة وفيق.