«مش هسيب حق ابني المريض».. بسمة وهبة تقاضي شركة شحن عالمية لهذا السبب

قالت الإعلامية بسمة وهبة، إنها ستقاضي شركة شحن عالمية، بسبب تأخرها في توصيل أشعة طبية خاصة بابنها لطبيبه المعالج في ألمانيا، مما تسبب في تدهور حالته الصحية.

بسمة وهبة

ونشرت بسمة وهبة مقطع فيديو عبر حسابها بموقع «إنستجرام»، توضح فيه تفاصيل ما حدث، قائلة: «الرسالة دي لـ شركة الشحن، مش هسيبكم، لأنكم تسببتم في سوء الحالة الصحية لابني، مش هسيب حق ابني العريس اللي كان فرحه بعد أسبوعين وهاخد حقي منكم بالقانون».

View this post on Instagram

A post shared by Basma Wahba (@basma_wahba)

وأضافت: «أنا جيت من السعودية يوم 26، وابني كان تعبان وخد كذا حقنة في العمود الفقري ما ريحتهوش، وبعتنا لدكتور في ألمانيا قال لازم عملية، ولكنه طلب مننا أشعة MRI، وبالفعل تمت وقولت له في مصر أسرع من السعودية لأن المسافة بين السعودية وألمانيا أطول وقولتله هبعتها ليك في مكتب في المطار، وأكد لها العاملون بالشركة أن الأشعة هتوصل في 48 ساعة».

وأكملت بسمة: « ظلت على تواصل مستمر بالطبيب المعالج في ألمانيا والذي ظل يؤكد لها في كل مرة أن الأشعة الطبية لم تصل إليه، وأنه بعد تتبع خط السير الخاص بالطرد، اتضح أنه تم توصيله إلى لندن وليس ألمانيا».

بسمة وهبةمرض ابن بسمة وهبة

وتابعت: «أنا الحقيقة مش عارفة هي ليه شركة الشحن مودية الطرد اللي المفروض يروح ألمانيا لندن.. ليه؟! وبعدين بعد لندن راح ألمانيا بلد تانية بالغلط، الطرد خد 4 أيام دون أن يصل إلى العنوان المُحدد له».

بسمة وهبة

أضافت: «قعدت عندهم أيام 26 و27 و28 و29 صحيوا من النوم وبعتوا السي دي للندن، واكتشفوا أنها جات غلط وبعتوا لألمانيا، والمفروض تروح فرانكفورت بعتوها لبلد تانية في ألمانيا وابني الوجع بيزيد عليه والمفروض يعمل العملية».

واختتمت بسمة وهبة حديثها: «ابني عريس وفرحه بعد أسبوعين، وربنا ميجبش لينا إلا الخير لكن أنتم تسببتم في شر، وإحنا أجلنا الفرح علشان العملية تتعمل بسرعة ويتخلص من آلامه، ولو كنت بعت حد وركبته طيارة كان تقريبًا هيكون نفس السعر لأنكم أسعاركم غالية، ومش هسيبكم وهقاضيكم مش في مصر بس وبره مصر كمان».

اقرأ أيضاً«ادعوا لها».. بسمة وهبة في العناية المركزة

بسمة وهبي عن «أزمتها الصحية»: «ربنا بيبتلينا وبرحمته بينجينا»

إصابة بسمة وهبة مقدمة برنامج 90 دقيقة بأزمة صحية مفاجئة على الهواء

المصدر: الأسبوع