رد ناري من مرتضى منصور بشأن استقالة مجلس الزمالك

وجه مرتضى منصور رئيس نادي الزمالك المعزول بحكم فضائي، رسالة إلى مجلس إدارة القلعة البيضاء.

أخبار متعلقة

«مفيش وقت».. ميدو يوجه رسالة نارية لمجلس الزمالك

ميدو يحذر من رحيل أوسوريو عن الزمالك لهذا السبب

«اللي بيحصل في الزمالك كتير.. النادي بينهار».. نجم الفريق الأبيض يوجه رسائل نارية

وقال مرتضى منصور، في فيديو، نشره عبر صفحته على موقع «يوتيوب»: «البعض يقول أنني دعيت مجلس الإدارة لجلسة اليوم لمطالبتهم بالاستقالة مثلما أنا استقلت، هذا الكلام غير صحيح، نادي الزمالك مش مرتضى منصور، ولا جمال عبدالحميد، ولا نور الدالي، نادي الزمالك هو نادي الزمالك، أنا من مصلحتي كمرتضى منصور، مامشيش أنا رئيس نادي بالانتخاب 5 دورات، ولكن لقيت من مصلحة النادي في الوقت ده لازم أمشي، عشان ممدوح عباس، يرفع الحجز، وأنا لن أرجع في قراري».

وأضاف: «أنا دعيت المجلس للاجتماع، عشان أقولهم (أوعى حد يستقيل، المسؤولين عن الرياضة مش عاوزين يحلوا مجلس الإدارة، لأنهم يرون وجود المجلس الشرعي المنتخب استقرار للنادي».

وتابع: «الدولة مش عاوزة تحل مجلس الإدارة، ولكن بعض الزملكاوية، عاوزين يحلوا المجلس! احنا عاوزين المجلس يقوم عندنا مشاكل عاوزين نحلها مشكلة القيد الخاصة بمستحقات سبورتنج لشبونة واتشيمبونج، وعندنا مشاكل المرتبات ومشاكل إننا تدفع للاعيبة فلوسها».

وواصل: «انا بره وجايب المجلس عشان أقولهم بعض الحلول عشان المجلس يقف على رجله والنادي يقوم من تاني، اللي بيحب النادي مش لازم يبقى موجود على الكرسي، الكرسي زائل وملوش لازمة».

الزمالك مرتضى منصور

المصدر: المصري اليوم