المشدد 10 سنوات لـ 6 متهمين بخطف شاب من داخل مطعم بالجيزة
تاريخ النشر: 30th, June 2024 GMT
عاقبت محكمة جنايات الجيزة، 6 متهمين في واقعة خطف شاب من داخل مطعم لإجباره على توقيع إيصالات أمانة، بشارع كورنيش النيل بالسجن لمدة عشر سنوات.
أحالت النيابة العامة المتهمين "سعيد.ا" وآخرين هاربين لمحكمة الجنايات المختصة بدائرة محكمة استئناف القاهرة، بعد أن وجهت إليهم تهمه خطف شخص، وذلك علي خلفية التحقيقات في القضية رقم 18673 لسنة 2023.
كشف المجني عليه في تحقيقات النيابة العامة: اللي حصل إني أعرف "سعيد. إ" المتهم من نحو 16 سنة، كانت بتربطني بيه علاقة عمل وجيرة، وكان فيه بينا شغل كثير من زمان في مجال المقاولات، وكان هو شغال في تقسيط الأجهزة الإلكترونية، وبياخد نسب من الشغل ده، وكنت بشتغل معاه وبديله مبالغ مالية، وهو كان بيطلعلي منها صافي ربح، وده بقى على حسب الاتفاق اللي ما بنا.
واستكمل المجني عليه: وفي شهر 2022/12 عرفني على وحد أسمه سعيد.س وخلاني أثق فيه في إني هعرف استثمر معاه فلوسي، ولما اتعرفت عليه طلب منى مبلغ مالي خمسه مليون وتسعمئة ألف، مقابل إنه يشغلها في مول تجاري في الشيخ زايد، ويشتري فيلا في كومبوند يعيد بيعها ثاني في مقابل ربح ثابت وقدره 150 ألف.
واستكمل: وبعدها بشهر فعلًا طلعلی صافي الربح ده، وقالي لو عايز أعملك مصلحة تانية من محل تجارى وتجارة في فيلا في نفس الكومبوند، المكسب بتاعها هيبقی زیادة، بس هيتأجر شویه، وساعتها هو عرض عليا أصل المبلغ وقدره 5.900.000، وأنا رفضت عشان أقبل بالعرض التاني، وآخد الربح بتاع الفلوس دي.
المصدر: بوابة الفجر
كلمات دلالية: محكمة الجنايات الجيزة محكمة جنايات الجيزة توقيع ايصالات أمانة
إقرأ أيضاً:
ارتفاع صافي الأصول الأجنبية بالقطاع المصرفي لـ 10.3 مليار دولار بنهاية سبتمبر
تابع أحدث الأخبار عبر تطبيق
كشف البنك المركزي المصري عن تحقيق صافي الأصول الأجنبية للجهاز المصرفي المصري فائضا بقيمة 10.3 مليار دولار (بما يعادل 498.6 مليار جنيه) بنهاية سبتمبر ، مقابل 9.7 مليار دولار (بما يعادل 473.261 مليار جنيه) بنهاية أغسطس الماضي.
وكان صافي الأصول الاجنبية حقق فائضًا للمرة الأولى بقيمة تعادل 676.4 مليار جنيه خلال شهر مايو الماضي، مقابل عجز ما يعادل 174.385 مليار جنيه بنهاية أبريل الماضي لتحقق الأصول الأجنبية فائضا لأول مرة منذ يناير 2022 والتى حققت فائضا وقتها يعادل 9.674 مليار جنيه.
وبلغ إجمالي الأصول الأجنبية للجهاز المصرفي (المركزى والبنوك معا) ما يعادل 3.562 تريليون جنيه بنهاية سبتمبر الماضي، مقابل ما يعادل 3.531 تريليون جنيه بنهاية أغسطس 2024.
وعلى مستوى الإلتزامات، فقد سجلت إجمالي 3.064 تريليون جنيه بنهاية سبتمبر الماضي، مقابل ما يعادل 3.058 تريليون جنيه بنهاية أغسطس الماضي.
موسكو: الاتحاد الأوروبي في طليعة الأطراف المعرقلة لعمل الصحفيين