خاص.. أحمد شاهين يتحدث عن دوره في "الوصفة السحرية" وسعيد بردود الأفعال (حوار)
تاريخ النشر: 29th, June 2024 GMT
فنان موهوب ومتميز استطاع أن يلفت أنظار الجميع منذ الوهلة الأولى، بسبب اختياره المتميز للأدوار التي يقدمها، ترك بصمة مميزة خاصة به. قدم عدة أدوار كانت تمثل نقطة فارقة في مشواره الفني منها شخصية الطبيب في مسلسل "الكبير أوي"، وشخصية المحامي في مسلسل "صوت وصورة" وآخرها دور "عز" في مسلسل "الوصفة السحرية"، فيعتبر حاليًا واحد من أهم الفنانين الشباب في الوقت الوقت الحالي، حديثنا اليوم عن الفنان الشاب "أحمد شاهين".
حاور "الفجر الفني" الفنان أحمد شاهين، عن دوره في مسلسل “الوصفة السحرية” واستعداده للشخصية وردود الأفعال والكثير من الأمور الأخرى وإليكم نص الحوار:
كيف تم ترشيحك للدور في مسلسل “الوصفة السحرية”؟
بالنسبة للترشيح للدور كان بقالنا فترة أنا وأستاذ خيري سالم، مستنيين حاجة حلوة تناسبني علشان أكون موجود معاه فيها لحد الحمدلله جاءت الحاجة المناسبة، وأنا مبسوط إن أنا بشتغل لأول مرة مع أستاذ خيري سالم ومبسوط إن هو كمان كان منتظر الدور الذي يناسبني،مش فكرة إني اشتغل معه فقط، هو بيحب الممثل يأخذ خطوات للأمام،فكان منتظر الدور اللي يناسبني علشان أكون متواجد معه وهذا بالفعل الذي حدث، فأول ما شافني في شخصية عز مترددش يبلغني وأنا كمان مترددتش إني أوافق طبعا.
ازاي استعديت لشخصية “عز”؟
هي شخصية لطيفة جدا وشبهنا كلنا يعني موجودة،يعني شخصية "عز" موجود في حياتنا زي صاحبنا، أخونا،جارنا، شخصية معانا في الشغل فشخصية "عز" حوالينا فكرة الشخص الـ "Good Boy" مش متعدد العلاقات النسائية وعايز يدخل البيت من بابه فهي شخصية موجودة حوالينا، ويمكن علشان شبهي شوية فمتعبتش.
ما هو أكثر شئ حمسك للدور؟
أكثر شيء حمسني، هي فكرة البطولة الشبابية، التركيبة كلها شباب وشيري عادل وعمر الشناوي وإسلام جمال وبسمة داود وكارولين عزمي وهيدي كرم، يعني تركيبة كلها لطيفة جدا تحمس أي حد إن هو يخوض التجربة دي، أنا شخصيا بحب أشتغل مع الشباب ويكون في بطولة جماعية ونضيف لبعض فطبعا حمسني جدا، غير طبعا الورق قصته حلوة جدا بيناقش قضية يمكن لم تناقش قبل ذلك بالشكل ده، كذا قضية في البيت يعني كذا بيت في كذا مشكلة فمبسوط إنه يتناقش.
حديثنا عن كواليس العمل؟
كوليس المسلسل كانت حلوة جدا جدا بصراحة، يعني بنذاكر مع بعض كلنا،مبنترددش نقول لبعض، لو في حد عنده حاجة كويسة يضيفها للآخر، أستاذ خيري سالم متعاون جدا أنا دائما بحب أشتغل ولو في حاجة أقولها، فبصراحة لما كان بيبقى في حاجة أقولها لم يعترض نهائي فكان لطيف جدا بصراحة، فالحكاية كلها جميلة من مخرج لـ "كرو" الإخراج كله والتصوير وكاست العمل فالواحد كان يشعر أنه مش في لوكيشن أنه في بيته، فالحالة النفسية في اللوكيشن للممثل مهمة جدا جدا جدا لإنها بصراحة بتخليني أصور وأنا سايب إيدي "فاكك زي مابيقولوا".
هل هناك شخصيات حقيقية في حياتك مشابهة لشخصيات العمل من حيث المشاكل والوصفة السحرية وغيرها؟
والله في شخصيات كتير حوالينا، كمان إذا انتبهنا لشخصيتي وشخصية شريف البردويل الذي يجسد شخصية "سيف" وهم يبحثوا عن شخصية البنت التي تكون مترددة أو محتارة بين الـ "Good Boy" ولا شخصية الـ "Bad Boy" وده حلو ولا سيء فباين أوي التنوع والاختلاف بيني وبين شخصية "سيف" كواحد متعدد العلاقات النسائية والآخر لم يعجبه،وهذا كان واضح من أول ظهور لنا في مشهد "لما كنا متجمعين مع بعض في البيت وهو كان معاه واحدة صاحبته ".
هل عدد الحلقات يخيفك في ظل اتجاه معظم المسلسلات لـ 15 حلقة وأقل؟
لا على الإطلاق تماما، مادام الحدوتة لسه سخنة والإيقاع مشدود وطالما الناس تنتظر أن تشاهد ماذا يحدث في الحلقة القادمة فلو 100 حلقة لم يخيفني على الإطلاق بالعكس دي حاجة حلوة جدا، والحمد لله المسلسل متشاف كويس جدا وأنا مبسوط جدا بردود الأفعال على المسلسل وعلى دور عز، ومحقق كويس جدا في الشارع فهذا بالنسبة لي أهم اختبار، وطبعا السوشيال ميديا مهمة جدا جدا جدا ولكن أنا بالنسبالي الإختبار الحقيقي في الشارع والحمدلله في الشارع ملموس الناس بتتفرج وبتسألني وايه اللي هيحصل فهذا بالنسبة لي من أهم الأشياء.
المصدر: بوابة الفجر
كلمات دلالية: مسلسل الوصفة السحرية الوصفة السحرية مسلسل صوت وصورة الفنان أحمد شاهين الفجر الفني أحمد شاهين مسلسل الكبير اوي الفجر الفن الوصفة السحریة فی مسلسل
إقرأ أيضاً:
منة عرفة توجه اعتذارا لإلهام شاهين وأشرف زكي.. ماذا قالت؟
قامت الفنانة منة عرفة، بتقديم عدة اعتذارات لعدد من الفنانين، خلال الساعات القليلة الماضية، عبر حسابها الرسمي على موقع التواصل الاجتماعي، وذلك بسبب الأزمات التي حدثت معها، خلال فترة زواجها.
منة عرفة تعتذر لـ إلهام شاهينوالبداية جاءت عند الفنانة إلهام شاهين، حيث وجهت لها منة عرفة رسالة اعتذار، قائلة:«أستاذتنا ونجمتنا الكبيرة وقدوتنا اللي دايماً بنفتخر بيها، دايماً بكون مبسوطة وفرحانة بحضرتك لما بشوفك في أي احتفالية أو مهرجان أو تكريم لإنك بجد تستاهلي كل التقدير والاحترام والمحبة».
وأضافت منة عرفة: «أنا عايزة استغل الأيام الجميلة المفترجة اللي إحنا فيها دلوقتي وأقولك كل سنة وحضرتك طيبة جميلة وقلبك طيب وجميل وأبيض زي ما اتعودنا عليه وناجحة وبخير دايمًا يا رب وعايز أقولك أنا آسفة عن أي حاجة صدرت مني تجاه حضرتك في يوم من الأيام».
وتابعت: «أنا مكنتش أقصدها أنا بحبك وبحترمك جداً وبقدرك وبقدر فنك وإبداعك اللي كلنا كبرنا عليه واتعلمنا منه كتير وآخر حاجة بتنمنالك كل النجاح والتوفيق وكل الخير اللي في الدنيا لإنك تستاهلي كل حاجة حلوة زيك».
منة عرفة تعتذر لأشرف زكيوقدمت بعد ذلك منة عرفة اعتذارا للدكتور أشرف زكي، نقيب المهن التمثيلية، قائلة: «نقيبي وأستاذي ومعلمي والأب الروحي ليا ولينا كلنا، بعتذر لك عن أي حاجة ضيقتك مني في يوم من الأيام أو أي حاجة صدرت مني بدون قصد تجاه حضرتك».
واستطردت منة عرفة: «كلنا أولادك وبنتعلم من حضرتك وأنا أولهم وآسفه لحضرتك على أي لحظة حضرتك اتضايقت فيها وكنت أنا السبب حتى لو كانت مش مقصودة ولا عمري أقصد، وكل سنة وحضرتك طيب وبخير بمناسبة الأيام المفترجة اللي إحنا فيها، أنا بحبك جدًا وحضرتك عارف غلاوتك عندي قد إيه مقدرش على زعلك أبداً، مليش غيرك يا دكتور أنت أبونا كلنا».
هل ينوي رجال الأعمال السوريون العودة إلى وطنهم بعد سقوط نظام الأسد؟