سحر رامي: "أنا وحسين جوازنا نجح علشان مش مجرد اتنين قابلوا بعض في فيلم أو مسلسل"

 

تحدثت الفنانة سحر رامي عن علاقتها بالراحل حسن الامام:' فات ٩ سنين كل ما افتكر المدة ببقي مش مصدقة أنهم ٩ سنين قد إي العمر ببجري بسرعة أوي أما فاكرة كل حاجة كأنها امبارح".

كشفت حقيقة مقولة عدم نجاح زواج الفنانين خلال حوارها مع الإعلامية إنجي هشام في برنامج المنسي عبر قناة هي  :' احنا حالة وفي ناس كتير ناجحة بس احنا عشان تحت الأضواء والفنانين عندهم حس مرهف لكن لما بتكون العلاقات مش وقتية ومش اتنين قابلوا بعض في فيلم أو مسلسل فحبو بعض وبعد المسلسل بيسيبوا بعض، حدوتي مش كده أنا وحسين دماغنا مختلفة علشان كده كنا مستمرين مع بعض بس طبعا ربنا مش رايد.

وتحدثت عن عدم احتفالها بعيد ميلادها بعد رحيله:' خلاص الموضوع ده انا فاكرة بس التاريخ ده، لكن الموضوع انتهى أنا حتى شيلت التاريخ.

أضافت خلال حوارها مع الإعلامية إنجي هشام:' مبصدقش أن الفيلم نجح الفيلم نجح جدا وعمل نقلة في استخدام المجاميع في السينما وهاجمونا ساعتها والأغنية نجحت أو ي وأحمد زكي كان في احلى حالاته ورغدة كانت رهيبةؤ ونا مكنتش هعمل الدور كان في اتفاق أننا هنعمل جروب فني لكن مش همثل، لكن لما جينا انتجنا خيري بشارة أصر اني هعمل الدور وقال لحسين مالكش دعوة ومكنش معانا فلوس كتير كنا عايزين ننجح مش هنتهاجم.

 

وكشفت حقيقة هجومها على الفنان هيثم أحمد زكي بسبب نيته في عمل جزء ثان من فيلم " كابوريا" قائلة:' الحكاية مجاش كده انا فوجئت أن حد بيكلمني فون بيقولي انتي هترفعي قضية على هيثم احمد زكي عشان هيعمل جزء تاني من كابوريا، الكلام ده سمعته من واحد صحفي،. قلتله هو فين الكلام ده هو هيعمل جزء تاني، أنا مش من حقي اقاضيه الجزء التاني ملك عصام الشماع ككتابة، لكن لو اتاخد حتة من الفيلم أو حته من الأغنية بيتاخد عليها فلوس لأن دي حقوق ودا انتاجي لكن لو اتعمل جزء تاني أنا مش طرف في الموضوع.

 

المصدر: بوابة الفجر