اها .. انت لحدي هسي لسة عندك شوية شك انو القحاتة محايدين
تاريخ النشر: 27th, June 2024 GMT
اها ….انت لحدي هسي لسة عندك شوية شك انو القحاتة محايدين وواقفين في منطقة وسطية؟ و خايفين على المواطن و الجيش السوداني عشان كدة عايزين الحرب تقيف و عايزين تفاوض الليلة قبل بكرة؟…..
و في ايام تقدم الجيش سبحان الله بتزيد الكواريك و الصياح المطالبة بالتفاوض و نشر معلومات انهزام الجيش بتزيد و المنشورات بتزيد و الواحد فيهم بتلقاه بنزل ٢٠ بوست ساخر في اليوم ….
ولو حصل انتصار صغير حقيقي للجنجويد في اي معركة اليوم داك ما بنوم عديل من الفرحة البتخونو و بتظهر في كلامو و بحاول يدسها ليك في نهاية كل جملة بعبارة ( عشان كدة قلنا ليكم يا جماعة الحرب دي لازم تقيف)
انا شايف الناس تبدا توزع كدمولات للناس دي ساي … حاول لف كدمولك في الشمس يا اخوي … البرقص ما بغطي دقنو ….
يعني هسي المحايد المثقف الرافض للحرب جملة و تقصيلا ماهر ابو الجوخ اول امس عامل ليهو لايف ساعتين و بداهو بعبارة ( انحنا رافضين للحرب من حيث المبدأ ..) و بعدها ب ٤ دقايق بقول انو ( لييييييه البرهان ما عمل ترقية استثنائية للشهيد الملازم اول معاش محمد صديق …. ليه لسة مخليهو ملازم اول معاش رغم انو جايي مستنفر ) …..
انت يا زول مش ضد الحرب؟ مفترض تفاصيل زي دي ما بتعنيك اساسا …. لكن كيف يضيع فرصة المشاط السياسي و محاولة زرع فتن بعد ما فشلت حركة المذيعة بتاعت قناة التلفزيون القومي و غيرها من محاولات ممارسة الجياد …
و سبحان الله نفس ماهر ابو الجوخ الفي يوم كان شايف انو الطلقة ما بتقتل بقتل سكات الزول …. هسي خايف على المواطنين من الرصاص و بقول في نفس اللايف اوعك بغشوك و تحمل سلاح لانك في اللحظة البتشيل سلاح وضعك بيتغير من مواطن ل عسكري …و كدا المليشيا بتستهدفك و تقتلك … ( يعني الطلقة طلعت بتقتل و هو خايف علينا)
يعني قصدو ليك ارخي جسمك و خلي يخشوا بيتك يعملوا الدايرينو و يعاملوك كمواطن….
كضب عينك عينك ..نشر معلومات مضللة …. تشكيك …. استعجال نشر اي معلومة بتفيد بالسقوط … مهاجمة اي زول بقول حاجة ايجابية عن الجيش او انو الجيش حينتصر … خلق واقع موازي عبر تحليلات مغلفة بكلمات شخص مثقف و فاهم و ذو نظرة ثاقبة وهو سجم رمادو ما عارفو .. بس اللهم عاير يحبطك و عايز الجيش يتهزم….
و من هسي . بعدين لمن الجيش ينتصر .. حيشبكوكم لكن شوفوا البلد اتدمرت قدر شنو… وشوفوا فقدنا كم زول .. ده لا انتصار لا شي ولو كنتوا سمعتوا كلامنا و مشيتوا للتفاوض ( و جبتوا لينا الجنجويد و اليسار السجمان في السلطة) ما كان حصل الحصل ده كلو…
المؤامرة كبيرة جدا جدا … و لكنها الى زوال ان شاء الله
Ahmed Crash
إنضم لقناة النيلين على واتسابالمصدر: موقع النيلين
إقرأ أيضاً:
الجيش الإسرائيلي: رصدنا هدفا جويا عبر من لبنان
#سواليف
قال #الجيش_الإسرائيلي إنه رصد ما وصفه بـ”الهدف الجوي المشبوه” عبر من #لبنان فوق #الجليل_الغربي وخليج حيفا، مشيرا إلى أنه لم يعرتضه حتى الآن.
تعرض دورية لليونيفيل لإطلاق نار في جنوب لبنان