أحمد موسى عن استقبال الإسكندرية ملايين الزوار خلال عيد الأضحى: "ترش الملح مينزلش" (فيديو)

قال الإعلامي أحمد موسى، إن الإسكندرية استقبلت ملايين الزوار خلال إجازة العيد، موضحا أنه تلقى اتصالات من مشايخ مطروح لمعاناتهم من أزمة مياه خلال إجازة عيد الأضحى.

عاجل| أحمد موسى بعد زيادة تخفيف الأحمال ساعة: "أعاتب الحكومة على تأخر البيان" (فيديو) أحمد موسى منفعلًا: 16 شركة سياحة نصبت على الحجاج ولا بد من إجراءات رادعة (فيديو) ازدحام الإسكندرية 

وأضاف "موسى" خلال تقديم برنامجه "على مسئوليتي" المذاع على فضائية "صدى البلد" مساء اليوم الأحد، "السهرات كانت للفجر والكورنيش كان زحمة موت".

وتابع "يا سلام على إسكندرية وجمال إسكندرية كنت ترش الملح مينزلش، أهالي إسكندرية بيضايقوا بيقولوا مش بنعرف نخرج وناخد راحتنا، ولكن الناس بتحبها وبتلاقي فيها كل حاجة بداية من الفول والطعمية".

شكوى من قطع المياه

واستطرد "الرطوبة عالية في إسكندرية بس بتكون جميلة، والساحل الشمالي ومطروح زحمة زي إسكندرية، في حاجة حتى في السويس من أزمة مياه والحاجات دي لازم تتشاف من المحافظين".

وأردف "وحتى أهالي العجمي اشتكوا من أزمة مياه، يعني ينفع بيت ميكونش فيه مياه، دا حتى المياه حياة ولازم كل مسئول يشوف الحكاية لأن الناس بقيت تشتري مياه في فناطيس".

القادم أصعب 

ومن ناحية أخرى قال "أزمة الكهرباء بتأثر على أكتر من حاجة، لأن أزمة المياه في بعض المناطق المرتفعة مش بتطلع لها المياه بسبب انقطاع الكهرباء".

وحذر من ارتفاع الحرارة في الأيام المقبلة، متابعًا "ما زلنا في شهر يونيو ومدخلناش على شدة الصيف وقدامنا أصعب شهرين يوليو وأغسطس".

 

المصدر: بوابة الفجر