بيعمل عمليات إجهاض كتير تحت السلم.. ننشر أقوال سكرتيرة عيادة دكتور نساء شهير بالجيزة| خاص

حصل موقع "الفجر" على أقوال سكرتيرة بثينة 45 سنة تعمل بالعيادة الخاصة بالطبيب نساء وتوليد شهير بالجيزة، وذلك على خلفية التحقيقات في القضية رقم 264  لسنة 2024 جنايات الجيزة.

وجاءت أقوال السكرتيرة في تحقيقات النيابة العامة كالتالي: 
 

س: ما هي صلتك وعلاقتك بالمتهم صبحي؟

هو صاحب العيادة وأنا شغاله في العيادة كسكرتيره للمكتب بقطع التذاكر.

 

س: ما هي معلوماتك بشان الواقعة محل التحقيق؟

اللي حصل ان نورا دي كان ليها معاد كشف عندنا يوم الأحد ۲۰۲۲/۱۲/۳ وقطعت كشف مستعجل، وبعد كده دخلت عند دكتور صبحي ولما دخلت عند الدكتور خرجت كان عليها دم ولقيت دكتور صبحي بيقولي دي هتنزل تحت في الدور الأرضي بسرعه، وقالي نزليها تحت وخليها تستنائي تحت عقبال ما انزلها، فنزلت فتحتلها الاوضه وقولتلها استني الدكتور صبحي لما ينزلك عشان هو كان نازل يعملها عمليه اجهاض بناءا علي طلبها، وممكن يكون مضاها زي ما بيمضي ناس كتير علي إقرار بالعملية دي ان علي مسئوليتهم الشخصية.

وتابعت السكرتيرة: هو متعود إنه علي طول بيعمل عمليات دي في المكان ده اللي في الدور الأرضي، ومجهزوا وبعد انا مدخلت نورا، انا روحت ومعرفش حاجه عن الموضوع، وانا عايزه أقول أن دكتور صبحي بيعمل عمليات اجهاض كتير جدا في المكان اللي تحت مش في العياده بتاعته، ودي حالات هو بيستقبلها بنفسه وانا مليش دعوه بيها ومعرفش حتى حسابها ايه.

وأضافت: انا كل اللي اعرفوا في المكان هو الكشف العادي ۲۰۰ جنيه والكشف المستعجل ب ٣٠٠ جنيه لكن حالات العمليات الجراحية والكحت والإجهاض هو اللي كان بيستلمها انا مبعرفش عنها حاجه، كان بيدي فلوس لرضا صاحب البيت، عشان يسكت علي اللي هو بيعمله، وبعد  القبض دكتور صبحي يوم الأربعاء /٢٠٢٢/١٢/٦ راح دخل رضا المكان تحت اللي في الدور الأرضي، ونظفه وشال كل حاجه خباها عشان يخفي اثار جريمتهم هما الاثنين، وده كل اللي حصل، وانا اعرفوا بس انا مليش دعوه بحاجه خالص.
 

أحالت النيابة العامة بالجيزة طبيب نساء وتوليد شهير بالجيزة، إلى المحاكمة الجنائية، بتهمة تحويل عيادته إلى وكر لإجراء عمليات الإجهاض، وذلك علي خلفية التحقيقات في القضية رقم  264 لسنة 2024 جنايات قسم الجيزة.

وجاء في أمر الإحالة في القضية، أن المتهمين في القضية هم "صبحي ع. س. ج. – 74 سنة – طبيب نساء وتوليد، ونورا أ. ح. – 18 سنة – طالبة، وسمر ج. ع. – 37 سنة – عاطلة، ومحمود أ. ح. – 25 سنة – عاطل".

وتضمن أمر الإحالة أن المتهم الأول حال كونه طبيبا حول عيادته إلي وكرا لإجراء عمليات الإجهاض غير المشروعة، واجري للمتهمة الثانية بأن استعمل وسائل مؤدية إلى ذلك، فأجرى جراحة لسحب الجنين محل حمل الأخيرة، والتي أدت إلى إجهاضها، وكان ذلك برضائها.

وجهت النيابة العامة للمتهمة الثانية، تهمة إسقاط الجنين بمساعدة  المتهم الأول الذي استعمل الوسائل التي تسبب عنها إسقاطها.

ووجهت إلى المتهمة الثالثة تهمة أنها اشتركت بطريقي الاتفاق والمساعدة مع المتهمة الثانية في ارتكاب الجريمة، وذلك بأن اصطحبت الأخيرة للمتهم الأول وسددت له مبلغا نقديا، فوقعت الجريمة بناء على ذلك الاتفاق وتلك المساعدة.

كما وجهت إلى المتهمين من الثانية وحتى الرابع تهمة أنهم أخفوا جثة متوفية دون إخطار جهات الاختصاص وقبل الكشف عليها وتحقيق حالة الموت وأسبابه.
 

20240320_130730

المصدر: بوابة الفجر