عمرو أديب يعلق على أزمة تهديد نادي الزمالك بالانسحاب من القمة
تاريخ النشر: 23rd, June 2024 GMT
علق الإعلامي عمرو أديب، علي أزمة تهديد نادي الزمالك بالانسحاب من مباراة القمة أمام النادي الأهلي يوم الثلاثاء المقبل، ضمن مباريات الدوري العام.
وقال عمرو أديب خلال برنامج "الحكاية" المذاع على قناة "إم بي سي مصر": "هو الزمالك هيلعب ماتش يوم التلات اللي جاي ولا لأ دا السؤال المهم في مصر، في ناس بتقول في النهاية الزمالك هيلعب وفيه ناس بتقول لأ خلاص مش هتنزل المرة دي".
وتابع أديب: "أنا رأيي أن الزمالك لازم يلعب مينفعش واحنا جوا الدوري تيجي فرقة معجبهاش ماتش أو كورة نطت علي الخط أو ما نطتش على الخط وفيه مؤجلات أو مفيش مؤجلات وتيجي فرقة تقرر أنها مش هتلعب مفيش حاجة اسمها مش لاعب، والزمالك مش بيلعب الماتش علشان الدوري والكأس الزمالك في المركز الـ11 مش مثلا خلاص والنقطة دي هتفرق معاه".
وأكمل:" أناشد مجلس إدارة الزمالك لو سمحتوا العبوا يوم التلات اللي جاي، وإزاي النهاردة وانا لاعب في الزمالك مبقاش عارف أهم ماتش في الدوري هلعبه ولا لأ، في حين إن الفريق التاني مجهز نفسه لكل شيء لماتش التلات الجاي وابن الزمالك حاطط ايده على خده ومش عارف هيلعب ولا لأ، هو فيه حاجة كده يا جماعة، أنت منتظر من لاعب بتقوله احنا مش لاعبين وبعدين تقول له يلا يا إبراهيم يلا يا محمد بكرة يا حبيبي عايزين نكسب الأهلي مفيش كده يا جدعان".
المصدر: الأسبوع
كلمات دلالية: النادي الأهلي القمة عمرو أديب برنامج الحكاية
إقرأ أيضاً:
مستحيل يحصل.. شوبير يعلق على أنباء تدريب كولر لهذا الفريق بعد الأهلي
علق الإعلامي أحمد شوبير حارس مرمى الأهلي ومنتخب مصر السابق على ما تردد بشأن تدريب كولر لأحد الأندية العربية عقب رحيله عن الأهلي.
وقال أحمد شوبير في تصريحات إذاعية: “فيه تقرير صحفي تونسي بيقول إن نادي الترجي فتح باب التفاوض مع مارسيل كولر لكي يقود الترجي في كأس العالم للأندية”.
وأوضح شوبير: “لو هيدربه في المونديال بس ماشي، لكن تقول لي يقود الترجي علطول صعب جدا لإن كولر مرتبه في الأهلي كبير جدا جدا والاخوة في تونس والمغرب حاطين سقف معين لرواتب المدربين لا يزيد عن كذا عاجبك على كده ماشي مش عاجبك براحتك”.
وتابع شوبير: “فهما في الترجي بعاد جدا عن مارسيل كولر وبعاد جدا عن الأرقام اللي بياخدها، لكن ممكن يكون لإفنت معين حدث ما زي المونديال مقابل مبلغ معين أو مكافأة محددة، خاصة إن الراجل رجله دابة في المنطقة وبيدبدب فيها وعنده خبرة، فممكن يكون لكاس العالم بس لكن يدرب الترجي علطلول صعب جدا”.
وأضاف شوبير: “كولر لن يحصل على الراتب الذي كان يتقاضاه في الأهلي إلا من منطقة الخليج فقط، دي وجهة نظري الشخصية في هذا الأمر”.
العدو الإسرائيلي يشدد إجراءاته العسكرية على حاجز الحمرا في الأغوار الشمالية