عبدالحفيظ: الأهلي أنسحب من البطولات الأفريقية سنة 94 ازاي الكاف هيجامله بلقب نادي القرن؟
تاريخ النشر: 23rd, June 2024 GMT
أكد سيد عبدالحفيظ مدير الكرة السابق بالنادي الأهلي، أن الاتحاد الأفريقي لكرة القدم لم يجامل المارد الأحمر بحصوله على لقب نادي القرن، مضيفا أنه كيف سيجامله رغم أن النادي الأهلي أنسحب من البطولات الأفريقية بعد سنة 1994.
أضاف سيد عبدالحفيظ ردا على تصريحات أحمد عفيفي المحلل الرياضي عبر قناة ام بي سي مصر: نادي القرن هو الأهلي، تقنتع بها أو لا براحتك، المعايير ان في نقاط بتتجمع علشان تحصل على اللقب، ولكن السؤال المهم، (لو الاهلي اتعمل له حاجه علشان ياخد لقب نادي القرن) في سنة 94، خدت قرار بعدم المشاركة في بطولات افريقيا، أزاي هيتحط ليا معايير تكسبني لقب وانا بنسحب وببوظ قيمة تسويقية على الكاف.
ووضع عبدالحفيظ مثال آخر حول صعود أندية إلى كأس العالم للأندية 2025، رغم أنها حصلت على عدد بطولات أفريقية أقل من الزمالك، مثل نادي صن داونز، مشيرا إلى أن ذلك جاء بسبب تصنيف الفرق حسب كاف.
أشار سيد عبدالحفيظ: كأس العالم للأندية 2025 خدوا صنداونز إزاي؟ كان بطولاته الأفريقية أكتر ولا بتصنيف النادي وترتيبه؟
وتابع: سيد عبدالحفيظ: كأس العالم الجاي في أمريكا فيه 4 فرق في افريقيا رايحين البطولة، ( الأهلي - الترجي - الوداد - صن داونز).
وأكمل: صن داونز معاه بطولة واحدة هي مش الـ 5 أكبر من الواحد؟ الترجي معاه 4 بطولات، طب الـ خمسة مش أكبر من الـ4؟ الوداد عنده 3 بطولات طب الـ خمسة مش أكبر من الـ3؟ ولا هيا الـ 9 أكبر من الـ 7 مع الأهلي بس.
وجاء ذلك بعد تصريحات أحمد عفيفي أن نادي الزمالك الأكثر حصدا للألقاب بالقرن ال 20 ومع ذلك لم يحصل على لقب نادي القرن.
وتابع: الأهلي حصد لقب نادي القرن بعد عودته للمشاركة بالبطولات الأفريقية، قواعد اختيار نادي القرن مجحفة وعجيبة خدمت الأهلي بشكل يثير الريبة.
وواصل: لوائح نادي القرن عملها مصطفى مراد فهمي وهو كان عضو مجلس إدارة في الأهلى، فهمني بقى بعد دا كله إزاي الأهلى نادي القرن.
المصدر: بوابة الوفد
كلمات دلالية: الأهلي صن داونز عبدالحفيظ سيد عبدالحفيظ المارد الأحمر لقب نادی القرن سید عبدالحفیظ أکبر من
إقرأ أيضاً:
«علي جمعة»: أرفض إلغاء تدريس أى علم من العلوم العقلية وهذا سبب تراجعنا في القرن السادس
قال الدكتور علي جمعة، عضو هيئة كبار العلماء بالأزهر الشريف ومفتي الجمهورية الأسبق، إن بعض التيارات المتشددة تهاجم العلوم العقلية وتزعم أنها أضرت بالحراك العلمي الإسلامي، بينما تدعي تيارات أخرى أن العلماء أهملوا تلك العلوم وقاوموا التنوير.
وأضاف الدكتور علي جمعة، خلال بودكاست "مع نور الدين"، المذاع على قناة الناس، اليوم الخميس: "أنا موقفي، أو من رأيي، إن ماينفعش علم يغني عن علم، والأزهر عنده توازن كبير، يعني لما أراد يدرس أصول الفقه، درس معاه المنطق، ودرس البلاغة كمان، أنا اللي فهمني المنطق كان الشيخ شمس - رحمه الله، والبلاغة فهمناها على يد الشيخ شيخون - رحمه الله، وفي الأصول درسنا على الشيخ أبو النور زهير، وكمان الشيخ نور، كنا نقوله مازحين: يا مولانا، إنت لو مشيت وعرقت، هتعرق أصول! يعني ما شاء الله، يفرز جمل أصولية حتى في العرق!".
وتابع: "هو اللي فهمنا المنطق؟، هو اللي فهمنا البلاغة؟، وكان بيجيب لنا أعاجيب في البلاغة ما سمعناهاش قبل كده، والبلاغة ليها علاقة بالمنطق، لأنها كأنها عقل المنطق، واللغة والفكر وجهان لعملة واحدة، والمنطق هو قوانين بترتب حركة الفكر، سواء كانت حركة النفس في المحسوسات أو المعقولات، يعني مفيش استغناء أبدًا عن العلم، في ناس كانت بتقول إن التعمق في العلوم العقلية بيقسّي القلب، فضيّقوا عليها، لدرجة إن في فترة من الفترات الأزهر لغى تدريس المنطق!، وده خطأ، لا، ده احنا نتبحر فيه، ونتوسع فيه، ومافيش كلام".
ثم استشهد الدكتور علي جمعة بما ورد في أحد الكتب التراثية: "الزركشي، في كتابه نهاية المنثور، قال: 'إن من العلوم ما نضج واحترق' بس إحنا بنقول: مفيش علم بيحترق!، العلم ملهوش كلمة أخيرة، العلم شغّال من المحبرة للمقبرة، وكل يوم فيه جديد في كل العلوم، توليد العلوم كان من سمات الحضارة الإسلامية، ولما التوليد ده خف بعد القرن السادس، إحنا اتأخرنا".
وتابع: "العَضُد مثلًا لما وضع علم الوضع، ده كان علم بيني، بين علوم اللغة والمنطق، واخترع علم أفاد في عمق الفهم، فمفيش حاجة اسمها: العلوم احترقت أو انتهت، ولا فيه حاجة اسمها: نوقف تدريس علم أو نهمّله".
وأكمل: "اللي يقول إن القرن الثامن والتاسع كانوا عصور جمود، ده مش دقيق، دول ناس شالوا العلم، وكملوا عليه، واستخرجوا مناهج جديدة من نفس العلوم، واخترعوا كمان مناهج تانية شبيهة، ودي إضافة، وطبقوا ده في الشروح، والحواشي، والتقارير، والتعليقات، علشان يرجعوا ملكة اللغة العربية لناس كانت بدأت تبتعد عنها، كل مرحلة من مراحل العلم - سواء كانت الشرح، أو الحاشية، أو التعليق - كانت مناسبة لعصرها. واللي بيقول إننا في تدهور، ده مش دقيق، الموضوع أوقات بيبقى مرتبط بقرارات إدارية داخل المؤسسات، والقرارات دي ممكن تكون محل نقاش".
وتابع: "لغينا مثلًا علم الهيئة؟ أنا مش مع ده، لغينا علم الوضع؟ برضو مش مع ده، أنا ضد إلغاء أي علم من العلوم، علشان ما يتنساش، ومايبقاش فيه فجوة بيننا وبين مصطلحاته أو مراجعه".
انطلاق برنامج “أردننا جنة” بحلة جديدة ووجهات متنوعة