كندة علوش تكشف أصعب لحظات بحياتها بعد إصابتها بسرطان الثدي: أمي مصابة بنفس المرض
تاريخ النشر: 23rd, June 2024 GMT
كشفت الفنانة كندة علوش عن أصعب لحظات حياتها أثناء مراحل علاجها من مرض سرطان الثدي، وهي علمها أن والدتها مصابة بنفس المرض، وهذا ما وصفته "كسرة حقيقية"، مشيرة: بعد شهر اكتشفت إن ماما عندها نفس المرض.
أوضحت كندة علوش عن أصعب لحظات حياتها، قائلة: "أي حد عارفني، عارف علاقتي بأمي هي صاحبتي وأمي وسندي وربنا يارب يحميها ويخليها، ومن يوم ما اتجوزت وخلفت وأنا معتمدة عليها في كل حاجة وهي معايا وهي من النوع اللي بيساعد من غير ما تحس بوجوده، في ناس بتساعدك وتحسسك، ماما زي النسمة وشالت معايا تقل كبير ومكنتش حاسة إن حد شايل التقل ده".
تابعت كندة علوش: "الحقيقة وانتِ عشان صديقة مقربة مني ومن العيلة أنتِ عارفة، إن الكسرة الحقيقية كانت إني بعد شهر اكتشفت إن ماما عندها نفس المرض، في الثدي اليمين، نوع الورم والحالة والمرحلة كان مختلف وكانت صدمة أكبر بكتير من معرفتي بإصابتي بالمرض".
واكملت كندة علوش حديثها: "ماما كانت في سوريا ورجعت، أثناء جلساتي للكيماوي، وكنت حريصة إني ماخدهاش معايا الجلسات عشان بخاف عليها ماتبقاش قلقانة وزعلانة، وقالت لي إنها شاكة في حاجة لأن فيه كتلة، واتعصبت عليها جامد بشكل غير مبرر، وقولت لها انتي هتتوسوسي عشاني، وليه بتعملي كدة، وليه بتفكري في الأفكار السودا، خلاص عايزة تكشفي تعالي نروح نكشف".
واضافت كندة علوش: وروحنا عند نفس الدكتورة وكلمني المعمل وقالي إن والدتك عندها، والشكل والمرحلة والعلاج مختلفين، والخبطة دي هي إللي خدت مني وقت عشان استوعبها، بس وحياة غلاوة عيالي وجوزي وأمي، ماقولتش ليه يا ربنا في نفس الوقت أنا وأمي، قولت أكيد في رسالة، أكيد ربنا بعت لي رسالة، هي اهتمي بنفسك وصحتك ومامتك اكتر اهتمي بصحتك اكتر وأنا مديكي نعمة، الصحة نعمة، وعلاج ماما مختلف، عملت العملية على طول وبعدها بناخد الجلسات مع بعض، بنحط الطاقية التلج على راسنا عشان الشعر مايقعش، بس أنا شعري وقع 60% منه، ولحسن حظي شعري وقع من كل راسي، بان شعري أخف، وأنا الآن أضع وصلات، أما أمي شعرها وقع كله وهذا شيء ضايقها".
وعن رحلة علاجها مع والدتها، قالت كندة علوش: "بحكم أن أنا مسلمة أمري أوي وماما قلوقة، أنا اللي كنت بقوي ماما، ماما بتخاف من الحقن وتتوتر وتزعل وتتوجع، أنا لا، مجتش على حقنة، الواحد لما بيدخل الرحلة دي هيبقى صاحب الحقن، هي جزء من روتينك اليومي".
المصدر: بوابة الوفد
كلمات دلالية: كندة علوش الفنانة كندة علوش سرطان الثدي والدة كندة علوش نفس المرض کندة علوش
إقرأ أيضاً:
زلزال بقوة 5.4 يضرب صالة أفراح في الفلبين .. فيديو
وكالات
شهدت إحدى صالات الأفراح في الفلبين لحظة غير متوقعة عندما ضرب زلزال بقوة 5.4 درجة محيط القاعة أثناء إقامة حفل زفاف، ما أثار الذعر بين الحضور وحوّل الفرح إلى لحظات من الترقب والقلق.
ووفقًا لشهود عيان، فإن العروسين كانا يقفان أمام المأذون في اللحظة التي نطق فيها العريس بكلمة “أقبل”، ليهتز المكان فجأة، وسط صيحات المدعوين الذين هرع بعضهم إلى الخارج بحثًا عن الأمان، بينما اختبأ آخرون تحت الطاولات.
وبالرغم من قوة الهزة، لم تسجل أي إصابات بين الحاضرين، فيما أكد منظمو الحفل أن البناء لم يتضرر بشكل كبير، ما سمح للعروسين باستكمال مراسم زفافهما بعد لحظات من التوتر.
وتقع الفلبين ضمن “حزام النار” في المحيط الهادئ، مما يجعلها عرضة لنشاط زلزالي متكرر، إلا أن المصادفة هذه المرة جعلت الحدث مرتبطًا بلحظة استثنائية في حياة العروسين، ما دفع البعض للمزاح بأن زواجهما بدأ بـ”هزة قوية” قد تجلب لهما السعادة مدى الحياة.
https://cp.slaati.com//wp-content/uploads/2025/03/ssstwitter.com_1741338529077.mp4إقرأ أيضًا:
زلزال بقوة 5 درجات يضرب جنوبي الفلبين
القبض على عزت.. أحداث الحلقة الثامنة من مسلسل قلبي ومفتاحه