هنا شيحة تجلد منتقدي شقيقتها بعد أزمتها الأخيرة وعودتها للفن|حقيقة ارتباطها (شاهد)
تاريخ النشر: 6th, August 2023 GMT
هاجمت الفنانة هنا شيحة من خلال تصريحات لها، الانتقادات التي تواجه شقيقتها الفنانة حلا شيحة، ولك نتيجة عن خلعها الحجاب مؤخراً، وقرار عودتها للفن مرة أخرى، مشيرا أن كل بني آدم مسئول عن نفسه، فيما يخص علاقة الشخص الدينية.
هنا شيحة تجلد منتقدي شقيقتها "مبتدخلش في حاجة متخصنيش"
أوضحت هنا شيحة من خلالها تصريحاتها قائلة: "إحنا إخوات برا الوسط الفني، لكن أنا كفنانة مليش علاقة بيها كفنانة، وهي ليها اختياراتها وحياتها ومينفعش أتدخل في ده، أو يبقى ليا رأي سواء كان مع أو ضد".
واضافت هنا شيحة في حديثها: "أنا مبتدخلش في حاجة متخصنيش، بشوف إن كل بني آدم مسئول عن نفسه، في ناس بتقولي إنتي أختها، بس أنا مش المحامية بتاعتها ولا المتحدثة الرسمية، فياريت محدش ياخد رأيي ولا يسألني عن المواضيع الخاصة دي".
وتابعت هنا شيحة معلقا: "أنا مبدخلش في الحياة الشخصية لأي شخص وكل شخص ليه الحرية في حياته الشخصية، وإحنا مش شغلتنا نتحكم في بعض ولا نحكم على بعض ولا نجلد بعض، علاقة الشخص الدينية دي بينه وبين ربنا، أنا مالي مبتدخلش في حياة حد، ولا مرة طلعت اتكلمت في موضوع أختي ولا موضوع أي فنانة المواضيع الخاصة دي أنا مبتكلمش فيها".
وحرصت هنا شيحة علي توضيح شائعات ارتباطها خلال الفترة الماضية، قائلة بأنها ليست في علاقة ارتباط حاليًا وهي سينغل ماما: "الموضوع مش سهل بالنسبة ليا ومفيش علاقة حب براجل لكن في علاقة حب لنفسي، وبدأت أبني علاقة إيجابية مع نفسي، لأني كنت حزينة من نفسي في فترة ودائمًا أبحث عن السعادة، ومع الوقت والقراءة اكتشفت السعادة طلعت من جوايا أنا".
وعن علاقتها بأولادها، علقت: "أنا كان حظي حلو لأن والدتي كانت بتساعدني وقت التصوير، وأنا من النوع اللي بينسق ما بين الأولاد والشغل، ودلوقتي هما كبروا وعارفين إني بشتغل ممثلة فخلاص مباقوش بيضايقوا خالص، ودائمًا بقول الحمد لله إن زمان كان عندي وقت أكتر أكون معاهم".
وتحدثت هنا عن رأيها في فكرة اختفاء الفنانين وعدم تقديم أعمال فنية، قائلة: "لو حد حس إنه مش مطلوب، فالمفروض يشتغل على نفسه لأن السوق عرض وطلب، وفي ناس بتختفي ولما بتعمل كده الناس بتبطل تشوفهم، واتقال ليا إني بختفي وده بسبب إن مش عجبني اللي بيتعرض عليا فبستنى وده الصح، لكن مش عشان معجبكش المعروض عليك تختفي، لأ لازم تشتغل على حاجة أنت عايزها واعملها، الحركة بركة يعني اللي مش عاجبه المعروض عليه يعمل هو حاجة تانية".
المصدر: بوابة الوفد
كلمات دلالية: هنا شيحة الفنانة هنا شيحة حلا شيحة الفنانة حلا شيحة هنا شیحة
إقرأ أيضاً:
شهيرة ترد على منتقدي مي فاروق: "اتقوا الله في لسانكم هتعملوا إيه يوم الحساب"
تابع أحدث الأخبار عبر تطبيق
علقت الفنانة شهيرة، على الهجوم الذي تعرضت له المطربة مي فاروق، عقب إعلان زواجها من الفنان محمد العمروسي، حيث أعربت عن استيائها من الانتقادات السلبية التي وجهت لها عبر حسابها الرسمي على موقع التواصل الاجتماعي "فيسبوك".
وكتبت شهيرة، على حسابها الرسمي السلام عليكم ورحمة الله وبركاته، بألقي السلام عليكم في الأول لأن نفسي يبقي فيه بينا سلام أيوه سلام نفسي بين الناس وبعضها، وبين الناس المتنمرين والشتامين للفنانين بالأخص هو أنتم إيه مشكلتكم؟ تطاول عمال على بطال وبدون سبب؟والتدخل في حياتنا الشخصية بدون وجه حق نفسي من فترة طويله أتكلم في الموضوع إلى أن وجدت الفرصه الذهبية اللي حمستني وأستفزتني وهو فرح الجميلة مي فاروق.
وتابعت: “إيه الجرم اللي عملته علشان عايزة تفرح هي وعريسها، مالكم أنتم تعمل فرح ولا متعملش ولادها فرحانين ولا مش فرحانين مالكم أنتم أوصياء عليهم، إيه الرخامة دي هو أنتم عايزين تلطشوا فينا عشان نفسيتكم تستريح طيب ما تروحوا لدكتور نفسي يريحكم وهيلاقي حل أكيد لكمية الحقد والغل والسواد اللي مالي قلوبكم طيب أنتوا بتقولوا إحنا ما بنخفش من ربنا ماشي خافوا أنتم منه واتقوا الله في لسانكم هتعملوا إيه يوم الحساب، يللي بتعرفوا ربنا طيب الآيه اللي بتقول: (هل يكب الناس في النار على وجوههم إلا حصائد ألسنتهم) إيه موقفكم من الكلام ده، ياللي بتعرفوا ربنا هتتشدوا كده من لسانكم على النار بسبب تطاولكم وجرحكم لناس معملوش حاجه غير أنهم اتجوزوا على سنة الله ورسوله وأعلنوا عن زواجهم”.
وواصلت: “طريقتهم مش عجبتكم انتوا مالكم ما كل واحد حر في حياته يحتفل ويفرح براحته عيب والله تضايقوا ناس فرحانه وتقرفوهم كده الست ياعيني في مداخله مستغربه من ردود أفعال المتنمرين والشتامين، المهم الناس دي لو شافوا فنان في اي مكان يجروا وراه بالمشوار ممكن صورة، ممكن سلفي، إيه التناقض العجيب ده، والله دايما أقول بيحبوا الفن والفنانين لدرجة الكره (الكراهية) بأدعي لربنا أن الناس دي تروح تتعالج مش كلام بجد والله، لأن حسابكم بعد كده عسير وبتاخدوا برضه مننا دعوات حلوة”.
وأختتمت تعليقها قائلة: “عايزة أهني مي والعمروسي بزفافهم وبليلتهم اللي كانت أكتر من رائعه بروحكم الحلوة، وحب كل الموجودين لكم، يارب العمر كله بالسعاده والهناء، والسلام عليكم، انهي البوست بتاعي بالقاء السلام عليكم لكي يعم السلام والمحبة بين الناس”.
رسالة غير مرئية.. 5 أبراج أكثر عرضة للتفكير المفرط.. كيف يغير مسار حياتهم