من على ارتفاع 120 متر.. تامر حسني يبهر جمهوره في حفله الأخير (صور)
تاريخ النشر: 18th, June 2024 GMT
في لقطة مثير للإهتمام قام الفنان تامر حسني بالتحليق لمسافة 120 متر في حفله الأخير بالشيخ زايد وهو ما أثار حماس الجمهور .
ونشر تامر حسني على صفحته الرسمية على موقع تبادل الصور والفيديوهات الأشهر انستجرام مجموعة صور له من الحفل معلقًا عليها قائلًا:" من أعماق قلبي شكرًا لجمهور Zed East الضخم المحترم الراقي.
ووجه تامر حسني الشكر لمغني الراب زاب ثروت على مشاركته الغناء خلال الحفل قائلًا: «كل الشكر لأخويا الفنان المحترم زاب ثروت شرفتني يا حبيبي».
وأضاف:" تاني حاجه …. كون إني أسجل النهارده أكبر رقم حضور جماهيري في تاريخ حفلات ZED رغم النجوم العالمين الأجانب اللي غنوا فيها حقيقي شرف كبير ليا و كرم كبير من ربنا ليا و بشكر جمهوري الكريم الراقي المحترم صاحب النجاح ده ????????".
ونشر أيضا مقطع فيديو له أثنا الحفل يوثق لحظة طيرانه قائلًا:" طرت ١٢٠ متر لآخر واحد في الجمهور والحقيقه هي مخاطره كبيره و أكبر من مخاطرة حفلة الساحل السنه اللي فاتت .. بس لأني كل شويه بشوف حبكم ليا أكتر فبيزيد عندي الشغف و الطموح إني فعلاً أفرحكم جداً بتطوير المسرح العربي و اعمل حاجه مختلفه تليق بحلاوتكم و بمشوارنا مع بعض من يوم ما ظهرت … بشكر إدارة زد إيست على إعلانهم ان الحفله دي أكبر حضور جماهيري في تاريخ حفلاتهم و الفضل يرجع ليكم يا أغلى الناس ❤".
المصدر: بوابة الوفد
كلمات دلالية: تامر حسني الشيخ زايد زاب ثروت تامر حسنی
إقرأ أيضاً:
تامر حسني ورامي صبري يطرحان دويتو فعلاً مبيتنسيش الاثنين المقبل
أعلن النجمان تامر حسني ورامي صبري عن إطلاق عمل غنائي جديد يجمعهما بعنوان "فعلاً مبيتنسيش".
من المقرر أن يتم طرح الأغنية يوم الاثنين الموافق 6 يناير 2025، في تمام الساعة السادسة مساءً، عبر قناة يوتيوب الرسمية لكلا الفنانين وجميع منصات الاستماع الرقمية.
وكان قد رد الفنان تامر حسني علي منشور الفنان رامي صبري عبر صفحته على موقع التواصل الاجتماعي فيسبوك.
وكتب تامر حسني:"حبيبي يا رامي إنت قبل ما تكون نجم كبير و مُهم إنت صاحبي من أيام الطفوله و دي حاجات الناس متعرفهاش و يمكن مكنش في فُرصه نحكي ده قبل كده .. إنت يا رامي صاحب عُمر و مشوار مشيناه من الطفوله و أنا في الصوره ماسك المايك لأخويا و لصوت مصري عظيم يستحق …. شُكراً يا حبيبي على كلامك الغالي اللي من القلب أنا فعلاً إشتغلت معاك من كل قلبي و بكُل حرص علينا إحنا الاتنين بكُل التفاصيل بدافع الحُب و الصداقه و إن ربنا يكرمنا مع بعض … أعتقد إن التعاون ده هيحمس كُل جيلنا إنه يعمل أفكار مشاركه كده وأنا بنادي بيها من زمان من أيام تامر و شيرين و بعدها تامر و بهاء في أغنية قوم اقف وأنا وإنت بعدها إتكلمنا من سنين عشان نجمع البعض من جيلنا و عملنا المستحيل و للأسف معرفناش فقولنا نبدأ بنفسنا عشان نحمس الكُل … حقيقي جمهورنا يستاهل مننا كُل الجديد و كل المُفاجآت اللي تفرحه و المطربين اللي هييجوا بعدنا يستحقوا إنهم يتعلموا ده مننا عشان يكملوه للي بعدهم إنتظروا كليب فعلاً مبيتنسيش بيني و بين أخويا النجم الكبير رامي صبري باشا".
وكان قد علق الفنان رامي صبري علي صورة له رفقة الفنان تامر حسني عبر صفحته على موقع التواصل الاجتماعي فيسبوك.
وكتب رامي صبري :"أنا بشوف الصورة دي بشكل تاني خالص ..أولاً تامر فنان أخ وغالي ومحترم ( وواثق في نفسه ) ودي للاسف مش موجودة كتير في مغنيين كتير ناجحين ولكن عندهم مشاكل كبيرة".
وأكمل :" ومايعرفوش يبقوا زي الراجل المحترم اللي ماسك المايك ده تامر حسني فنان كبير جداً جداً ولما اشتغلت أنا وهو في الديو اللي هاينزل الفترة اللي جاية فهمت هو ليه محبوب جداً .. أولاً علشان عنده صفاء نفسي مش موجود عندي أنا شخصيا".
وأضاف رامي صبري :"اه والله أنا دايماً ليا رد فعل انما هو بيسيب الحاجات زي ماهي وما بيحبش يرد ودي حاجة صعبة جداً جداً .. عاوز أقول مش كل فنان أو نجم يستحق .. لان دايما الأخلاق واحترام زمايلك هو الموضوع مش بس الفن ".
واختتم :"شكراً تامر حسني على ذوقك واحترامك ليا دايما في التصوير ودايما كنت تقولي انت مبسوط ايه رايك محتاج حاجه ؟ كل ده ماينفعش يطلع غير من فنان حقيقي عنده احساس بالناس والأهم واثق من نفسه قريباً جداً هتشوفوا وهاتسمعوا أغنية ( فعلاً مبيتنسيش) على جميع منصات الموسيقى في العالم".
محافظ الدقهلية يتفقد سوق اليوم الواحد بعد افتتاحه أمس