يخرب بيت أم "السيلفي".. في مصر أم العجايب الناس بتحب تتصور مع أي حاجة أو أي حد.. صحيح أصحاب "العجول" في نعيم
تاريخ النشر: 16th, June 2024 GMT
تابع أحدث الأخبار عبر تطبيق
"ممكن أتصور معاك قبل ما أدبحك.. ياعم روح في داهية حل عن نافوخي هو انا في ايه وانت في إيه".. عفوا عزيزي القارئ لم يكن هذا هو نص الحوار الذي دار بين الشاب الذي تلقى صفعة مدوية لما حاول ياخد سيلفي مع المغنواتي اللي زي الهضبة بل كان حوار افتراضي دار في عقلي وأنا أستمتع ضحكًا بمشاهدة رواد مواقع التواصل الاجتماعي وهم يلتقطون صورًا تذكارية مع "ضحاياهم" قبل نحرهم.
لدرجة أنني "طقت في نافوخي" ادفع "عشين جنيه" لأي جزار عشان اخد صورة سيلفي جنب عجل أو خروف أو حتى معزة لكنني تخليت عن هذه الرغبة العجيبة في اللحظات الأخيرة وأنا أقول لنفسي (ما يصحش بعد السن ده كله وعلى آخر الزمن أروح أتصور جنب خروف ولا معزة).
فبطبيعة الحال وكعادة المصريون أولاد "النكتة" فإنهم لا يضيعون شاردة ولا واردة إلا ويضفون عليها لمساتهم الساخرة الساحرة.. فبمناسبة عيد الأضحى المبارك وشراء خروف العيد اكتظت صفحات مواقع التواصل الاجتماعي بصور تذكارية التقطها مواطنون المفترض أنهم في كامل قواهم العقلية مع مين تفتكروا: د. احمد زويل الله يرحمه مثلا ولا الكابتن محمود الخطيب أو غيرهم من النجوم الأكابر.. للأسف لا.. طيب يمكن مع تامورة حسني أو حتى صافينار، ربنا يحفظنا، برضه لأ.. إنها المفاجأة الكبرى.. مع الخروف أو العجل.
حيث اكتست صفحات فيس بوك بصور المصريين مع أضحياتهم، وفي الواقع لا ندري إن كان هذا من باب "الغيظ" لزملائهم أمثالي من أولئك الذين لم يحالفهم الحظ بالذبح أو تواجدهم في البيت مع أسرهم وقضاء العيد مع أهلهم زي باقية البشر، أم أن نشر هذه الصور التذكارية من باب "العشرة" اللي صعبانة عليهم مع مخلوق غالي عليهم أوي، ولا من باب توثيق الذكريات لأبنائهم ثم أحفادهم حتى يعلموا التاريخ المجيد الذي كانوا قادرين خلاله على اقتناء خروف العيد الذي ربما يتحول إلى ذكرى بعد عدة أعوام إذا استمر ارتفاع الأسعار بهذه النسبة.
عموما بألف هنا وشفا لجميع المضحين والمضحيات وبنقول لهم بصوت ملهوف وبأجمل حروف ربنا ما يحرمكم من "سلفي الخروف".. وسامحونا ماكانش قصدنا "نألش" عليكم بس نعمل إيه "الآفية تحكم".
المصدر: البوابة نيوز
إقرأ أيضاً:
سعاد تطلب الخلع: فقير في المشاعر ومابيعرفش يقول كلام حلو
وقفت سعاد أمام محكمة الأسرة في الكيت كات طالبة الخلع من زوجها بعد زواج استمر عام ونصف، ولم تكن تعلم حينها أن نهايتها ستكون أمام محكمة الأسرة.
وسردت سعاد قصتها مع زوجها قائلة «لما كان عمري 25 سنة كنت شغالة في شركة ومكنتش بفكر في الجواز ساعتها، ومع مرور الوقت ولما بقى عمري 27 سنة كان في واحد زميلي في الشركة كنا زي الأخوات وبنتكلم مع بعض في الشغل وساعات يتصل بيا ويحكيلي مشاكله ونحلها مع بعض، ومع الوقت بقينا قريبين لبعض جدا، حتى أن كل حاجة كنا بنحكيها لبعض وياخد رأي، وبعد سنة من معرفتي بيه طلب أنه يتقدم لي في البيت».
وقالت سعاد عن قصتها مع زوجها «جه البيت وقعد مع بابا واتفق معاه على كل حاجة وقال أنه عنده شقته في الجيزة وهيتجوز فيها وأنه عايز يتجوز في فترة صغيرة، لأن محمود مكنش عايز فترة خطوبة طويلة، وفعلا بابا وافق واتفقنا على الخطوبة ونزلت أنا وهو واشترينا الدهب، وعملت خطوبة في البيت، وبعد 5 شهور كان ميعاد الفرح، وعملنا فرح كويس واتجوزته ومكنش في بالي أنه مش بيقول كلام حلو ولا بيقولي وحشتيني ولا أي حاجة، وكنت بقول لنفسي يمكن بيتكسف أو عشان مكلمش ولا واحدة».
وتابعت سعاد عن قصتها «بعد الجواز محمود كان بيعمل كل حاجة كويسة عشان يخليني مبسوطة بس للأسف الحلو ما بيكلمش مكنش بيقول كلمة حب واحدة، حتى أني عمري ما سمعت منه بحبك، وده كان بالنسبة لي حاجة مش طبيعية بس كنت بقول لنفسي معلش ما هو بيجيب لي كل حاجة عايزاها ومش بيحرمني من حاجة، والدنيا ماشية، بس كان عندي مشكلة تاني أن حتى العلاقة الزوجية لما يتحصل بيني وبينه، بتكون كأنها حاجة بيعملها في البيت وخلاص، يعني من غير إحساس ولا مشاعر، ودي مش حاجة عادية يعني بين الأزواج».
واختتمت سعاد قائلة «بعد حوالي سنة وكام شهر من الجواز، قعدت مع محمود في يوم وطلبت منه أنه يحاول يقول كلمة حلوة أو أنه يكون رومانسي لكن بردو معرفش، ولا عبرني، ولا حتى قالي هحاول عشانك وده عمل مشكلة بيني وبينه، وحاولت معاه وكنت بحاول أغير من طريقته معايا بس معرفتش وفي الأخر بعد سنين جواز طلبت منه الإنفصال لكن هو رفض وروحت محكمة الأسرة في الكيت كات ورفعت قضية خلع».
اليوم.. بدء تدريب "معلم مادة" بالقاهرة للعام الدراسي 2025