داخل مكان صغير، يتواجد بداخله عدد من الطاولات، يجلس عليها أطفال مركز كفر الزيات بمحافظة الغربية، ليتلقوا ورشة عمل في صناعة الكروشيه، وعلامات السعادة والفرحة تسيطر عليهم، فبعض الفتيات يجلسن بجوار بعضهن البعض، ماسكات الأدوات بأيديهن ويبدعن في تصميم الأشكال المختلفة من الكروشيه.

جاءت فكرة تقديم ورش عمل في صناعة الكروشيه من قبل أعضاء مجلس مركز شباب كفر المحروق، حيث يشارك في هذه الورش حوالي ما يقرب من 50 طفلا وسيدة، وذلك بهدف تأهيل سيدات القرية للعمل، وأيضا حتى يكون لهن مشروع منتج في المستقبل: «دي أول مرة نعمل في القربية تدريبات خاصة للأطفال والسيدات عشان يكون عندهم مشروع ثابت ويساعدهم على الدخل والإنتاج»، بحسب محمد منصور رئيس مجلس إدارة مركز شباب كفر المحروق، في حديثه لـ«الوطن».

الشعور بالسعادة والفرحة 

حالة من السعادة والفرحة سيطرت على الأهالي بعدما أعلن مسؤولو مركز شباب كفر المحروق، عبر صفحتهم الرسمية على مواقع التواصل الاجتماعي، على ورش العمل الخاصة بصناعة الكروشيه، لتحرص العديد من السيدات على المشاركة بكل شغف وحماس: «لما نشرنا على الصفحة الخاصة بمركز الشباب لقينا سيدات كتير وأطفال جوا عشان يشاركوا في الورش»، بحسب محمد، مشيرا إلى أن الهدف من هذه المبادرة تقديم الدعم الكامل لسيدات وأطفال القرية.

عمل مبادرات مختلفة لأهالي القرية 

لم تكن تلك المرة الأولى التي يقدم فيها المركز مبادرات لأهالي القرية، ولكن في شهر رمضان الماضي، قدم المركز مبادرة «نهر الخير»، لمساعدة المحتاجين طوال شهر رمضان، «ودي مش أول مرة نعمل مبادرات مساعدة للمحتاجين، كنا عاملين قبل كدا عن احتياجات الأطفال للمستلزمات الدراسية»، وأيضا من قبل تم تكريم الأطفال الفائزين في المسابقة القرآنية كنوع من التشجيع، ليشمل  التكريم أكثر من 500 طفل، تتراوح أعمارهم ما بين 5 إلى 18 سنة.

المصدر: الوطن

كلمات دلالية: الكروشية تعليم الكروشية مشروع منتج تعليم الأطفال

إقرأ أيضاً:

التمريض الرجالة خناشير والسيدات قمر الليالي.. جراح كبير بقصر العيني يثير الجدل

أثار الدكتور الجوهري محمد الجوهري طبيب جراح بـ قصر العيني الجدل علي جروبات الأطباء والتمريض علي مواقع التواصل الاجتماعي بعد نشر بوست له عبر صفحته الرسمية اعتبرها التمريض إهانة كبيرة لهم.

ووصف الجراح التمريض الرجال بالخناشير والشحطة متابعا أنا هركز في مخ العيان ولا في الشحط اللي معايا.

وواصل الطبيب إهانته للتمريض من خلال بوست كان نصه . 

جراحة 12 ساعة.. جمال شعبان يروي تفاصيل معجزة طبية على يد أطباء الأزهرنظر دعوى الرؤية المقامة من جدة طفل طبيبة الشيخ زايدطبيب يكشف أسباب الصداع في الصيف وطرق الوقايةطبيب الزمالك يعلن تطورات إصابة محمد عواد

الجرّاحين العواجيز اللي زي حالاتي طول عمرهم متعودين إن حكيمة العمليات بتبقي واحدة ست، متجوزة بقي و لا بنت بنوت مش مهم ، المهم إنها تكون ست.
الستات برضوا حنينين، و البصّه في وشّهم بتشفي العليل ، فما بالك بالجراح الشقيان ! و بعدين هما أساتذتنا القدام زمان كانوا هبل مثلا ، اشمعنا يعني اختاروا الستات لغرف العمليات !! كانوا أساتذة بجد ، حتي في اختياراتهم، و عشنا علي كده سنين وسنين أنا و الجراحين ، المخضرمين اللي زي حالاتي: الحكيمات ؛؛ ستات، 
لغاية ما اقتحم المهنة ، الخناشير، الرجّالة يعني ، تلاقي الواحد من دول طول بعرض و بيشتغل : حكيمة عمليات ، طيب أنا طول عمري بسمي حكيمة العمليات اللي بتشتغل معايا في العملية ، بسميها ؛ قمر الليالي: هاتي مشرط يا قمر الليالي ، هاتي مقص يا قمر الليالي،أو امسكي الشفاط يا قمر الليالي ،و بتبقي مبسوطة و قلبها بينط من الفرحة ، من اسمها الجديد،إنما الأخ الخنشور ده هانده عليه و أقول يا إيه ؟


الحقيقة بقول له برضو : يا قمر الليالي ، و يزعل بقي و لا ما يزعلش ، يتفلق، هوا أنا هاركز في مخ العيان و لا في الشحط اللي معايا ،، و بعدين مع الوقت الشحطّه اكتسحوا الملعب ، و شطّار الحقيقة،،و بقي الستات في العمليات عملة نادرة.


النهارد كان عندي عملية ، و النهارد شم النسيم و مش عاوز وجع دماغ ، عاوز اخلص العملية و تني مروٰح للترمس و البيض الملون،و مش ناقصة خناشير هيه، و لجل رحمة ربنا بواحد زي حالاتي نازل يشتغل في الاجازة ، تطلعلي حكيمة العمليات واحدة بنت، و مش أي واحدة، يعني جمعت بين الحسنيين:الالتزام و الشطارة ،  و الحلاوة و الحنية ، مش بس كده ،، دي طلعت من دمياط ، و أنا من زمان بقول : يا هناه و يا سعده اللي يتجوز من دمياط؛؛ احسن شعب في مصر ، بلا منازع، شطارة تلاقي و امانة تلاقي ، و حرص علي الفلوس ( مش بخل لا سمح الله ) تلاقي ،
و أدب ما قولاكش، و ما يعرفوش الكدب أبدا و ما يعرفوش قعده القهاوي و لا الكافيهات ، ،و لا الكلام الفارغ ده،، و فوق كل ده و ده الدمايطة عشرة عمر من أيام راس البر. سبحان الله هي دي كانت عمليه بقي و لا فسحة شمّ النسيم». 

 الطبيب يعتذر  

وسرعان ماعاد الطبيب وأعتذر عن البوست وحذفه ، ونشر بوست جديد كان نصه 

 « امبارح كان شمّ النسيم يوم جميل كلنا بنحبه و بنحتفل بيه بأكل الفسيخ و الترمس و البيض الملون ، فحبيت أعيد علي المصريين بطريقة ظريفة و كتبت بوست احكي فيه بعفوية عن حيا الشقي و التعب اللي بعيش فيها الأطباء، و الجرّاحين منهم بالذات، الجراحين دول ملهمش إجازات ، ينزلوا يشتغلوا عادي في أي يوم ، شمّ النسيم ماشي العيد الصغير او العيد الكبير ، ينزل يشتغل و دا اللي حصل معايا امبارح.

خرجت من العملية و كتبت بوست فكاهي ، لا اكتر و لا اقل ، و يبدو انه اتفهم غلط.

لأني صحيت النهارده الصبح علي كم هائل من التفاعل علي هذا البوست.

اولا : أنا بعتذر لسوء الفهم.

ثانيا : احنا كجراحين اكتر ناس نعرف فضل و قيمة هيئة التمريض في العمليات.

و نجاح أي عملية يعتمد عليهم في المقام الأول ، و دي حقيقة يعلمها كل الأطباء،

مش محتاجه مني او من غيري التأكيد عليها، و هيئة التمريض سواء كانوا من الرجال او من السيدات في مصر ، هم من افضل هيئات التمريض حول العالم، و دي حقيقة ايضاً يعرفها كل الأطباء،

ثالثا : و دا الأهم أنا كتبت في هذا البوست ( محل الخلاف ) بالحرف ان الممرضين من الرجال ، شُطار الحقيقة، يعني لم أنكر فضلهم، و دي فعلا حقيقة مش محتاجة مني تأكيد ، و يعلمها القاصي و الداني .

رابعاً: الجرّاح اللي زي حالاتي بيقعد في العملية في بعض الأحيان بالأربعة و عشرين ساعة واقف علي رجليه باصص في الميكرسكوب، يعني باصص من خرم ابره علي جرح بالكتير ٣ سم أيديه نفسها اللي بيشتغل بيها ما بيبقاش شايفها ، فما بالك بباقي غرفه العمليات ، اللي زي خلية النحل ، خلية النحل دي اللي بيبقي مشغلها هي حكيمة العمليات، لوحدها، فلهم مني عظيم الاحترام والتقدير، الرجال منهم و السيدات.

نقابة الأطباء تحيل طبيب للتحقيق بعد تصريحات مسيئة لمهنة التمريض

تابعت النقابة العامة للأطباء بأسف شديد ما نُشر على لسان أحد الأطباء من تعليقات تحمل إساءة واضحة لأعضاء فريق التمريض، دون أي مبرر مهني أو أخلاقي.

وإذ تؤكد النقابة أن مهنة التمريض بجميع أفرادها، نساءً ورجالاً، تُعد ركيزة أساسية في المنظومة الصحية، ولا يمكن الاستغناء عن دورها في دعم الأطباء وتقديم الرعاية الصحية المثلى للمرضى، فإنها تشدد على أن الاحترام المتبادل بين جميع أفراد الفريق الطبي هو من صلب أخلاقيات المهنة، ولا يجوز المساس به تحت أي ظرف.

وعليه، وبناءً على شكاوي وردت لنقابة الأطباء، قررت النقابة العامة للأطباء، إحالة الطبيب صاحب المنشور إلى لجنة آداب المهنة للتحقيق فيما صدر عنه، من إساءات لا تليق بأخلاقيات المهنة، ومحاسبته وفقًا لما تقره لائحة آداب المهنة.

مقالات مشابهة

  • شروط صرف اللبن المدعم من وزارة الصحة.. يوزع مجانا لهذه الفئة
  • الاتحاد السعودي للإنقاذ والسلامة المائية يُعلن عن دورة تدريبية للرجال والسيدات بالمدينة المنورة
  • مركز الملك سلمان للإغاثة يُجري 27 عملية لزراعة القوقعة للأطفال في السنغال
  • السيسي وجيله يرحبان بمبادرة افتتاح مركز الأزهر الشريف لتعليم اللغة العربية في جيبوتي
  • تشغيل مركز رعاية للأطفال ذوي الإعاقة والأمهات البديلة
  • القصيم.. 6 عمليات قسطرة قلبية ناجحة للأطفال بيوم واحد في مركز الأمير سلطان
  • أهالي شطورة يستغيثون بعد تشهير مجهولين بفتيات القرية عبر فيسبوك
  • إطلاق فعاليات دورة "التدريب التكنولوجي" لأعضاء مركز شباب الأقالتة بالأقصر
  • رسالة شكر للرئيس السيسي.. أهالي قرية ادلديب بحلايب يودعون وزير الرياضة
  • التمريض الرجالة خناشير والسيدات قمر الليالي.. جراح كبير بقصر العيني يثير الجدل