يوسف حسن لمجلس إدارة الزمالك: حسبنا الله ونعم الوكيل في كل ظالم
تاريخ النشر: 13th, June 2024 GMT
كشف يوسف حسن مهاجم الفريق الأول لكرة القدم بنادي الزمالك، أسباب غيابه عن التدريبات الجماعية للفريق الأبيض خلال الفترة الأخيرة.
وكتب حسن على صفحتة الرسمية بموقع التواصل الاجتماعي فيس بوك: أنا هتكلم بس مش عايز جمهور الزمالك يزعل مني ف اي حاجه.. أنا بسبب اللي بيحصل معايا ده هبطل كوره بالشكل ده انا لا بتأهل ولا بتدرب ومستقبلي بيضيع".
وأضاف:" أنا الكورة هي شغلي وأكل عيشي ومش عارف انا أذنبت في اية ولا عملت اية علشان اللي بيحصل معايا دة.. عمر ما حد شاف مني حاجة وحشة ولا شاف اني بعمل مشاكل أنا دايما فحالي".
وتابع:" بس اللي حصل فيا مش قليل عارف الناس ممكن متصدقش اللي بيحصل معايا بس وحياة الأيام المفترجة دي.. أكيد انتم عارفين بموضوع العملية ومحدش كان راضي يعملها من الإدارة وعملتها بعد مجهود كبير جدا جدا بعد 6 شهور قاعد ف البيت".
وأكمل:" بتحصل معايا نفس الحاجة بعد ما الإدارة الجديدة وعدوني هنوديك علاج طبيعي انت لاعيب مهم وانت وانت وانت.. أول شهر ودوني لدكتور علاج طبيعي اسمه خالد الشناوي.. روحت شهر و اتنين والنادي مدفعش الفلوس لدكتور العلاج الطبيعي وكل شوية يطلب فلوسه".
وواصل:" طبعا انا اتكسفت اني اروح تاني العلاج الطبيعي أنا بقالي 3 شهور قاعد في البيت.. وحياة ربنا وحياة ربنا ما حد عبرني بمكالمة تليفون ولا حد بيرد عليا أصلاً.. حسبنا الله ونعم الوكيل في كل ظالم.. أول مرة اشوف كده اول مره أشوف ظلم بعيني فعلا عمري ما حصلي كدة في حياتي".
وأردف:" كل ما اروح لحد يقولي اتكلم مع الإدارة اتكلم يقولولي مش عارف اية.. مفيش حد وقف معايا نهائي بس غلطتي اني مكنتش بطلع اتكلم.. انت جايبني بفلوس مش قليلة مفروض تقدرني مفروض أنا لاعيب منتخب مصر".
وأتم:" ليه بيحصل معايا كدة أنا في نادي كبير واسم كبير.. وجمهور الزمالك عارف انا بحبهم ازاي بس انا اتظلمت كتير وغلطتي اني كنت ساكت مش عايز اتكلم.. ولما لقيت الناس كلها بتهاجمني انا وفاكرين انا اللي قاعد في البيت بمزاجي.. محدش يزعل مني اي حد زعلته حقه فوق دماغي أنا بحب جمهور الزمالك".
المصدر: الأسبوع
كلمات دلالية: الزمالك فريق الزمالك مجلس إدارة الزمالك يوسف حسن مهاجم الزمالك يوسف حسن لاعب الزمالك
إقرأ أيضاً:
شوبير يعلق على شكوى الزمالك: رزقي على الله.. فيديو
ماجد محمد
تحدث الإعلامي الرياضي أحمد شوبير، عن الشكوى التي قدمتها ضده إدارة الزمالك في المجلس الأعلى للإعلام الفترة الماضية.
وأعلن النادي المصري، في بيان رسمي تقديم شكوى للمجلس الأعلى للإعلام، اعتراضًا على تصريحات شوبير حول جماهير القلعة البيضاء، خلال مباراة القمة التي أُقيمت ضمن منافسات الجولة الخامسة عشرة من الدوري المصري الممتاز، حيث طالب بمعاقبة الجماهير بعد خروجها عن النص خلال اللقاء.
وقال شوبير في بداية حلقته عبر قناة الأهلي الرسمية، على عقوبات رابطة الأندية المحترفة، ضد النادي، بإيقاف جماهيره وتوقيع غرامة مالية، عقب مباراة حرس الحدود الماضية في بطولة الدوري المصري.
وأضاف شوبير: “تم توقيع عقوبات على جماهير الأهلي بإيقاف المتواجدين في لقاء حرس الحدود مباراتين وغرامة 200 ألف جنيه، وأنا موافق على العقوبات اللي خرجت ضد الأهلي، وأقول برافو”.
وتابع: “المرة السابقة غضبت لأن تطبيق اللائحة تأخر لأنها يجب أن تطبيق على الجميع، وقلت لا تجامل هذا أو ذاك، فلماذا غضب مني المسؤولون المرة الماضية أنني قلت الكلام نفسه، ومن وضع اللائحة ولا يطبقها لا يستحق أن يستمر في مكانه”.
واستطرد: “لن أغير كلامي طالما تم تطبيق اللائحة ضد الأهلي، لذلك كمسؤول ستنجح إذا لم تطبقها اترك منصبك، ولكن من أمن العقوبة أساء الأدب، اعملوا حساب القانون فقط وإذا طبقت على الجميع لن يحدث أي أزمة، ولكن الأزمة ستحدث لو طبقتها على ناد دون آخر، وهذا كلامي وأكرره أما الأرزاق فهي على الله، وهذا قولا واحدا، ولن أتحدث إلا بما أراه صحيحا”.
واختتم: “الناس الذين خرجوا لكي يهاجموني ونظموا حملات ضدي، أنت حر ومن يريد أن يتقدم بشكوى ضدي أقول له هذا حقك لا يوجد أي مشكلة، القوانين وضعت علشان يكون فيه نظام والقانون يطبق على الكل”.
https://cp.slaati.com//wp-content/uploads/2025/03/X2Twitter.com_Q3dYDhvOrX9AqjBJ_720p-1.mp4
فريدة سيف النصر: الست لو عدت الـ 60 سنة من حقها تقلع الحجاب شرعًا