تحرش وسب.. ضبط المتهم بالتعدي على فتاة بالقليوبية (فيديو)

نجحت الأجهزة الأمنية في القبض على المتهم، مندوب مبيعات، البالغ من العمر 35 عاما، على خليفة اتهامه بالتعدي على فتاة بالقليوبية.

وأوضحت المجني عليها: "أنا مبركبش مواصلات عامة بسبب خوفي من التعرض للتحرش من رجالة بلدنا ومرتبي كله ضايع ع اوبر".

وأضافت: "النهاردة الدنيا مكانتش زحمة أو ي ف قولت فيها ايه لما اركب مواصلات ونوفر النهاردة يا حسناء؟، وكالعادة طلع قرار خاطئ تماما، قاعدة ف الكرسيين اللي جنب السواق حاطة السماعات، كل شوية احس بايد بتتحط ع الكرسي بتاعي من ورا ولازقة ف ضهري، بصيت لقيته راجل كبير قولتله ممكن بس ايدك بعد اذنك يا حج، بصلي باستغراب ومتحركش، ف قدمت انا بنفسي قدام، كل شوية ايده بتتحرك مرة تانية إما تشد شعري أو تعمل حاجة غريبة انا مش قادرة احددها، لفيت قولتله بعد اذنك بس يا حج إيديك من عالكرسي، قالي ايه هو انا لمستك انتي فاكراني بعاكسك يعني! قولتله انا مقولتش ان حضرتك بتعاكسني ممكن بس ايدك من عالكرسي؟ راح ماسك الكرسي بايديه الاتنين وقعد يخبط فيه وقالي لا مش هسيبه هو انتي فاكراني قدك وهعاكسك قولتله هو انت بتعمل ايه شيل ايدك من عالكرسي !!! ماليش دعوة قدي ولا لا انا بقولك الكرسي بتاعي ! لقيت ولد جنبه بيقولي انتي بتتكلمي كدا ليه ده راجل قد ابوكي! قولتله خليك ف حالك لو سمحت انا مغلطتش فيه".

وتابعت: "لقيت البطل اللي ف الفيديو اللي تقريبا مستحملش يشوف واحدة راجل كبير ضايقها ف بترد عليه وبدأ يقولي انتي بتتكلمي كدا ايه يا بنت ومن كتر ذهولي وخضتي منها فضلت ساكتة شوية ومجاش ف بالي غير اني اطلع الموبايل اصوره".

المصدر: بوابة الفجر