والد صاحب واقعة الصفع من عمرو دياب: ابني اتدمر نفسيا.. وحقنا هناخده بالقانون

صرح أسامة الكوتري والد سعد الشاب صاحب واقعة صفعة عمرو دياب، بأنه بالفعل تم تحرير محضر ضد الفنان عمرو دياب بعد صفعه لنجله قائلاً: "إحنا صعايدة وحقنا هناخده بالقانون".

وأضاف والد الشاب، في تصريحات تليفزيونية: "ابني شغال وبياكل عيش من بعد ما اتخرج من الجامعة زي أي شاب، وشغال مع الناس بقالهم فترة ومفيش أي حاجة حصلت منه، وولدي دخل جوه أوضة وقفل على نفسه ومش بيرد على حد ولا راضي يتعامل معانا ولا يكلمنا، ودي إهانة كبيرة لينا وإحنا ناس صعايدة، وكان ضربنا بالنار ولا ضربنا بالقلم".

وفي تصريحات صحفية، ذكر الشاب سعد أسامة أنه لن يتهاون في الحصول على حقه من دياب، لافتا إلى أنه أصيب بالذهول ولم يصدق رد فعل الفنان.

المصدر: الأسبوع