إنجي وجدان تروى موقف أنقذت به ابنة إحدى المعجبات
تاريخ النشر: 6th, June 2024 GMT
صرحت الفنانة إنجي وجدان موقفًا لها مع إحدى المعجبات والتي أثر بها بشكل كبير، وذلك من خلال فيديو لها عبر حسابها الشخصي على موقع تبادل الصور والفيديوهات “إنستجرام”.
وقالت إنجي وجدان في الفيديو: “من كام يوم كنت ماشية وقابلت ست لطيفة جدًا، وقفتني وقالت لي عاوزة أقول لك حاجة أنا مش بحب أعمل كده خالص، بس كنت عاوزة أقول لك إنك انتي أنقذتي بنتي من الاكتئاب، وبنتها كانت بتتعرض للتنمر وإني أنا السبب في أن بنتها مبقاش عندها اكتئاب، وإنها بتحب مسلسل طلعت روحي وبتتفرج عليه دايمًا”.
وتابعت إنجي وجدان: “الموقف ده أثر فيا وكنت هعيط، وحاجة زي دي لما بسمعها بتبسط جدا ومش أول مرة تحصل لي، لكن أنا طول الوقت بحاول أدي ثقة للبنات وأخليهم يحبوا نفسهم وينسوا الكلام الجارح اللي بيتقال ليهم”.
وأردفت: “في ناس مؤذية، وحياتها قايمة على إنها تأذي الناس التانية، وفي ناس كلامها جارح جدا وقاصدين يجرحوا اللي قدامهم، والتنمر مش حاجة قليلة خالص، لكن إني أقدر أطلع واحدة من الاكتئاب دي حاجة كبيرة جدًا بالنسبة لي”.
وأضافت: “كل واحدة تحب نفسها زي ما هي.. والله العظيم الواحد لما يحب نفسه ويثق في نفسه وينفض لأي كلام داخل، هيحس أنه حاجة تانية خالص وساعتها أي حاجة ممكن تحصل، لكن طول ما إحنا في دايرة الاكتئاب مفيش حاجة هتحصل ولازم نقف على رجلينا.. حبوا شكلكم وجسمكم ولونكم، وبطلوا تبصوا على الفنانين والأفلام بره، لأن دي شغلانتنا ومجهود رهيب، وفي الطبيعي مش هتلاقوا الناس كلها بيرفكت كده.. وبطلوا تحطوا الرموش اللي بتتلزق ومش بتطلع وتعملوا اكستنشن دايم لأنه بيوقع الشعر، ممكن تجربوا حاجات بتتشال وتتحط”.
واختتمت إنجي حديثها قائلة: “المشكلة إننا بقينا في زمن أنا نفسي ساعات ببص على الحاجات وبقول هل إحنا المفروض شكلنا يبقى كده.. والناس كلها بقى شكلها بيرفكت كده.. مش الفنانين بس لكن صحابي ناس عادية واللي بيظهروا لي على إنستجرام.. إحنا مش بيرفكت لكن بنحاول نظهر بصورة كويسة ومش لازم كلنا نكون شبه بعض لأن ربنا مخلقناش كده وكل واحد ليه شكل، حبوا نفسكم وثقوا في نفسكم ونفضوا لأي كلام وحش بيتقال ولازم تردوا على اللي ضايقكم، وكلموا نفسكم وحبوا نفسكم وما تخلوش حد يجي عليكم.. إنتي جميلة زي ما إنتي”.
المصدر: بوابة الفجر
كلمات دلالية: الفنانة إنجي وجدان طلعت روحي الاكتئاب إنجی وجدان
إقرأ أيضاً:
«حياة كريمة» تتكفل بتجهيز ابنة بائع بطاطا بعد وفاة نجله الأكبر
يجر عربة البطاطا الثقيلة، ويتجول بها في شوارع الدقي بمحافظة الجيزة ليلًا ونهارًا، حتى يؤمن قوت يومه، ومبلغًا بسيطًا يرسله إلى أسرته، التي تعيش في محافظة سوهاج، حتى تسنح له الفرصة برؤيتهم، مرة كل 6 أشهر، حتى قررت مؤسسة حياة كريمة مساعدته في تجهيز ابنته، لتخفف من أعبائه.
عاطف محمود، 56 عامًا، من سوهاج يسكن في الدقي وهو من الصعيد، يذهب إلى أبنائه كل 6 أشهر، وقد تطول المدة إلى سنة كاملة، إذ قرر العمل ليلًا ونهارًا للإنفاق على أبنائه، الذين يتعلمون بالمراحل التعليمية المختلفة، ويحتاجون إلى مصروفات دراسية، بحسب حديثه لـ«الوطن»: «ممكن أشتغل ليل ونهار عشان أصرف على عيالي، باخد 100 أو 200 أو 300 جنيه في اليوم».
توفي أكبر أبناء «عاطف»، ليترك في قلبه جرحًا، لا يمحوه الزمن، خاصة أنه رزق به بعد 18 عامًا، بالإضافة إلى مرض زوجته، ومن هنا قررت مؤسسة حياة كريمة تجهيز ابنته فأخذوا بائع البطاطا إلى محلات الأجهزة الكهربائية واشتروا جميع الأجهزة لها حتى تكون مكافأة له.
مهرجان الفيلم العربي في تورنتو.. نافذة المهاجر على السينما العربية