رقم غريب قالي لم أختك.. اعترافات المتهم بقتل شقيقته خنقًا حتي الموت بالصف| مستندات
تاريخ النشر: 6th, June 2024 GMT
يستكمل موقع "الفجر" نشر أقوال المتهم بقتل شقيقته خنقًا حتي الموت بسبب شكه في سلوكها بالصف، وذلك على خلفية التحقيقات في القضية رقم 4761 لسنة 2024 جنايات الصف.
أدلى المتهم باعترافات تفصيلية أمام جهات التحقيق وجاءت كالتالي:
استكمل المتهم بقتل شقيقته: عرفت بعدها بخمس شهور ان في عريس ثاني اتقدملها من المنيا برضوا اللى كانت متجوزه منها العريس الأولاني ولما عرفت روحت اتعرفت عليه ولقيته عيل محترم، وبعدها بنحو عشرة أيام تجوزت وراحت عاشت معاه هناك وبرضوا معداش سبع شهور وغضبت ثاني وراحت بيت ابويا وقالت إنه ا عايزه تتطلق وابويا وافق على طلاقها وطلقها ولقيت ابويا راح مشغلها في مصنع ملابس في مدينة نصر معرفش اسمه لانى مكنتش عايش معاهم وروحت قولتله ازاى تسببها تشتغل بعد اللى حصل ده.
وأشار المتهم: عمي قالی ملکش دعوه وسكت وبدات من هنا الناس في البلد يشوفوا اختى وهيا رايحة وجايه ولابسه " فساتين ضيقه "، واخدت بالي الكلام كثير عليها واما الناس بدات تکلمی تقولی کده روحت ساعتها اتكلمت مع ابوها ثاني مخدش بكلامي وساعتها المحكمة حكمت على ابويا في قضية النفقة اللي امي رافعاها على ابويا واخدت اختي تعيش معايا رجعتها البيت تعيش مع امي واخواتي في الشقة اللي انا واخدنها في الشرقا ومعداش يومين ولقيت أمى بتكلمني وبتقولى اختك سابت البيت وراحت عند عمها عشان انا كنت مقفل عليها الدنيا وكنت مانعها من التليفونات والخروجات.
وتابع اسلام المتهم بقتل شقيقته: بعد كده جالي تليفون من واحد معرفوش وبيقولي لم اختك رنيت على الرقم ده مردش عليا خالص بعد ما بعتلي الرسائل دى واديت الرقم لاخويا يشوف الرقم ده بتاع مين، صاحب الرقم ده بعت لاخويا اسكرينات ورسائل وصوره لاختي وکلام محدش يستحمله طلعت على عمى عبد الناصر، وقولتله راح قالي الصور دى مفتركه والكلام ده من نحو خمس شهور، وبعديها هي تعبت واخدتها لفيت بيها على المستشفيات واتحجزت في الرعاية وبعد كده طلعت وراحت عند بيت عمى عاشت معاه واديتي التليفون اللي معاها، وقالتي انا مش هشيل تليفونات ثاني واكتشفت بعد كده إنه ا اشتغلت وجابت تليفون ثاني وروحت لما حصل كده اتكلمت مع عمى طردني وقالي متجيش هنا ثاني.
وأضاف إسلام: بعد إلى حصل مبقتش اطلع من بيتنا ورجعت على الشغل والكلام ده من نحو عشرين يوم وروحت شغلی، وأول ما نزلت البلد سألت عنها ولقيتها بتعمل اللى بتعمله وإنه ا زى ما هي وعرفت ان حصل مشكلة بين ولاد اعمامي يوم الخميس، ومسكوا في بعض عشان كلام الناس إلى كثر جزء من ولاد اعمامي بيدافع عنها والباقي بيقول مينفعش نسبها تعمل كده فمسكوا في بعض يوم الخميس إلى فات ده على طول وفضلت قاعد في البيت يوم الجمعة، وامي قالتلي روح صلى قولتلها لا انا مش هعرف اروح المسجد والناس في البلد تشوفى خالص، روحت اول يوم الجمعة بليل أتكلم معاها ومكنش في نيتى حاجة بس ملقتهومش في البيت وانا عارف ان انا مبعرفش أتكلم معاها لو عمى موجود.
وتابع: تاني يوم الصبح عارف ان عمي بيروح يجيب الفطار بدرى على الساعة 8، فروحت البلد واعدت على الشارع إلى عند عمى، كنت هناك على الساعة 7 ونص الصبح وفضلت واقف ساعة ونص مستنى عمى يطلع يجيب الفطار عشان ادخل لاختي فرح وميكنش عمى موجود وعلى الساعة ثامنة وتلت بالظبط طلع يجيب الفطار وانا وقفت بعيد عن طريقه عشان مايشوفيش.
ودخلت البيت لقيت عمى أصلا سايب الباب الحديد إلى من برا مفتوح ودخلت وفتحت باب الشقة ولقيتها نايمه على السرير إلى في الأوضة إلى جوه وجنبها تليفونها والشنطة السوداء بتاعتها، وأول ما صحيتها اتخضت أول ما عينى جت في عينها قامت من على السرير وقعدت جنبها على السرير اتكلم معاها وقولتها ايه اللي انا بسمعه عنك ده وازاي بعد ما اخدت منك التليفون تجيبي واحد ثاني لقيتها بترد عليا وهو نفس الرد محدش ليه حاجه عندى.
أحالت النيابة العامة المتهم "اسلام.ر"
لمحكمة الجنايات المختصة بدائرة محكمة استئناف القاهرة بعد أن وجهت إليه تهمة قتل شقيقته، وذلك علي خلفية التحقيقات في القضية رقم 4761 لسنة 2024 جنايات الصف.
ألقى رجال المباحث بمديرية أمن الجيزة، القبض على شاب، لاتهامه بقتل شقيقته، بسبب شكه في سلوكها حتي قام بخنقها حتي الموت في الصف، وتم إحالته إلى النيابة المختصة للتحقيق.
ورد بلاغا لمديرية أمن الجيزة، بالعثور على جثة فتاة داخل مسكن أسرتها في الصف، حيث انتقلت قوة أمنية لمكان العثور على الجثة، وتبين مقتل فتاة على يد شقيقها، حيث خنقها نتيجة خلافات أسرية.
ألقى رجال المباحث القبض على المتهم، وحُرر محضرا بالواقعة، وتولت النيابة المختصة التحقيق
20240605_162633 20240605_162638المصدر: بوابة الفجر
كلمات دلالية: قتل شقيقته جنايات الصف المتهم بقتل شقيقته المتهم بقتل شقیقته
إقرأ أيضاً:
“بدأت أشك” .. سيدة أمام محكمة الأسرة: «قالي مش هقدر أعيش معاكي لسبب خارج عن إرداتي»!!
أقامت سيدة شابة دعويين نفقة عدة ومتعة أمام محكمة الأسرة ضد طليقها، قائلة: «إنه طلقني غيابي ورفض طلبي أنه يردني لعصمته لتربية ألأبناء»، مضيفة: أن سببه الغريب الإصرار على تطليقي وعدم ردي لعصمته جعلني لا أحزن على عشرة العمر»، حسب ما أفادت أمام محكمة الأسرة بالقاهرة.
وأضافت السيدة الثلاثينية: «تزوجت منذ 13عاما وأنجبت بنت 11سنة وولد 8 سنوات، وكنا نعيش حياة مستقرة، يلبى لنا زوجي كل طلباتنا، مكنش يعرف يقعد في البيت من غيرنا، يحضر معي كل المناسبات الخاصة بعائلتى، كنت سعيدة بتصرفاته واهتمامه بيا، كل العيلة كانوا بيحسدونى عليه».
وذكرت المدعية أمام محكمة الأسرة : «من حوالى 10 أشهر بدأت تصرفاته تختلف، يحاول التهرب منى أنا وأولاده، وكل لما أكلمه وهو في شغله مايردش، بدأت أشك أنه في شيء طرأ على عليه جعل حياتنا تنقلب رأسا على عقب، وعندما عاتبته على إهماله لي ولطفليه، أخبرني بأن هناك مشاكل في عمله ومديرة الجديد يضطهده، صدقت كلامه ولم أخونه».
واستطردت المدعية أمام محكمة الاسرة: «تطور العلاقة بيننا، وكان يرفض النوم في حجرتنا ودائما ما يذهب لغرفة طفلينا، شعرت مرة ثانية أن الموضوع ليس له صلة بالعمل كما يدعي، وإحساسي أنه رافضنى أنا، تحدثت معه بهدوء وتطور الحديث إلى مشادة كلامية ترك على إثرها المنزل».
وأضافت: «عندما اتصلت به قال لى أنا طقلتك غيابى، أبلغت والديه لأني أعيش معهم في بيت عيله وأخبرتهما عما بدر من ابنهما، فاعترض والده واتصل به هاتفيا وقاله رجع مراتك فكان رده غريب مش هقدر أعيش معاها لسبب خارج عن إرادتى ولما سألناه عن السبب مع إصرار الجميع قال إنه تزوج من أخرى وشرط إتمام الزواج تطليقها، ولما عرفت السبب قلت ياخسارة العشرة وعمرى اللى ضيعته في خدمته».
المصري اليوم
إنضم لقناة النيلين على واتساب
الفنان خالد كمال: بجدد دعمي الشخصي لمهرجان الإسكندرية للفيلم القصير