أغاني الحج الصعيدي .. رايحة فين يا حجة الأبرز
تاريخ النشر: 5th, June 2024 GMT
تعتبر زفة الحجاج من أهم العادات الشعبية في وداع الحاج، ومن أبرزها رايحة فين ياحجة يام شال قطيفة.. رايحة أزور النبي محمد والكعبة الشريفة”، بهذه الأغاني يودع أهالي الصعيد في القري أهاليهم عند سفرهم لأداء فريضة الحج، ففور إعلان قرعة الحاج واختياره لأداء مناسك الحج، تبدأ مراسم التجهيز للحاج قبل رحيله عن بلده.
أشهر أغاني الحج
حاجة حاجة يام شال قطيفة
رايحة فين يا حاجة.. رايحة أزور النبي محمد والكعبة الشريفة
رايحة فين ياحاجة بشالك الرمادي.. رايحة أزور النبي محمد وأبلغ مرادي
رايحة فين ياحاجة وشاقة البحور.. رايحة أزور النبى محمد وأزمزم شعورى
رايحة فين ياحاجة يام شال سماوى.. رايحة أزور النبى محمد وأرجع علي القناوى
وأدعيلي يامّا من علي الشريفة.. وأدعيتلك يامي ياولدي والكعبة الشريفة
يازايرين النبي خدوني معاكم.. أنا نفسي أزور النبي محمد وأجي معاكم
يافاطنة يافاطنة يابنت نبينا.. افتحي البوابة يافاطمة ده أبوكي داعينا
اركبي يا حاجة وردي غطاكي.. ما يرعبكيش المالح دا ولدك في طولك
اركبي يا حاجة وردي غطاكي.. ما يرعبكيش الجمل ولدك وراكي
ياللى على الحج ناوى.. وزيارة طه نبينا
بلغه مني سلامي.. وقول له مشتاق بيحبك
وحبك يانبينا الغالي.. حرم عليا منامى
بعيدة بعيدة يا بلاد الرسول.. بعيدة بعيدة ونفسى أزور
وأمسح بإيدى شباكه الكريم.. وأكحل عيونى بنور البشير
بعيدة بعيدة وإن عطاني ربي لأروحلك سعيدة.. بعيدة ونفسي إن عطاني ربي لأروحلك بزفة
المصدر: بوابة الوفد
كلمات دلالية: الحجاج رایحة فین
إقرأ أيضاً:
اتكسرت واتلمّيت.. أسما شريف منير تحتفل بعيد ميلادها الـ 38
احتفلت أسما شريف منير، ابنة الفنان شريف منير بعيد ميلادها الـ 38.
وكتبت أسما عبر حسابها على موقع التواصل الاجتماعي فيسبوك: "في عيد ميلادي الـ ٣٨ النهارده مش مجرد رقم جديد، النهارده وقفة مع نفسي، وبصّة ورا على كل خطوة، كل خُسارة، كل ضحكة، وكل دمعة، عدّيت على حاجات كتير، اتكسرت واتلمّيت، اتحبيت واتخذلت، وقعت وقومت… لكن فوق كل ده، اتعلمت".
وتابعت: "٣٨ سنة… و٣٨ حاجة اتعلمتهم خلوني أبقى النسخة دي منّي وهما:
١. اللي بيسيبك وقت ضعفك ما يستحقكش وقت قوتك.
٢. الحب لوحده مش كفاية، لازم احترام وأمان ونية صافية.
٣. مفيش أغلى من راحة البال.
٤. الحدود مش قسوة، دي حب لنفسي.
٥. كل اللي حصل كان لازم يحصل عشان أوصل للي أنا عليه دلوقتي.
٦. الكتم مش قوة دايمًا، أوقات لازم أتكلم.
٧. الجمال الحقيقي جوايا مش في مراية ولا كاميرا.
٨. الناس بتتغير، وأنا كمان. وده طبيعي.
٩. ربنا عمره ما خذلني، حتى في أسوأ أيامي.
١٠. السُكوت مش دايمًا رضا، أوقات بيبقى وجع.
١١. اللي بيحبك بجد هيخليكي تحسي بالأمان مش التوتر.
١٢. اتعلمت أقول لأ من غير ما أبرر.
١٣. في حاجات كتير فقدتها، بس كسبت نفسي.
١٤. المغفرة مش معناها أرجّع الناس لحياتي، معناها أحرر قلبي.
١٥. مش لازم أكون كاملة عشان أكون كفاية.
١٦. الوقت بيكشف، والنية بتبان.
١٧. مفيش صدفة، كله ترتيب إلهي.
١٨. الكتابة أنقذتني.
١٩. لما بحب نفسي، كل حاجة حواليّ بتتغير.
٢٠. مش لازم أرد على كل حاجة.
٢١. اتعلمت أسمع صوتي قبل صوت الناس.
٢٢. كل ما كنت حقيقية، كل ما ارتحت أكتر.
٢٣. اتعلمت أقول “أنا تعبانة” من غير خجل.
٢٤. العلاقات مش كلها للأبد، بس كلها دروس.
٢٥. أتقبل التغيير، حتى لو وجعني.
٢٦. اللي راح مكانش ليّ، واللي جاي أحلى بكتير.
٢٧. لما بنضف قلبي، الدنيا بتنضف معاه.
٢٨. مش لازم كل حاجة تتقال. في حاجات بتتحس بس.
٢٩. الصوت اللي جوايا أهم من أي رأي خارجي.
٣٠. مش دايمًا الصح واضح، بس الإحساس بيقول.
٣١. اللي بيحسسني إني مش كفاية، ملوش مكان.
٣٢. الأمان الحقيقي في حضن ربنا.
٣٣. مش كل حاجة لازم أفهمها دلوقتي.
٣٤. في أوقات لازم أختفي عشان أرجع قوية.
٣٥. النجاح مش شهرة، النجاح سلام داخلي.
٣٦. اتعلمت أكون لنفسي اللي كنت مستنياها من الناس.
٣٧. لما ببطل أقاوم، الحياة بتسوقني للأحسن.
٣٨. أنا لسه بتعلم، ولسه قلبي مفتوح لكل جديد.
واختتمت: “النهاردة بحتفل بكل نسخ أكوني، وبحضن البنت اللي كانت، والست اللي بقت، واللي لسه جاية كل سنة وأنا أقرب لنفسي، وأكتر حب، وأكتر نور”.
لتجنب الضرر.. "النقل" تحذر من التعاقد مع شاحنات أجنبية غير مرخصة داخليًا