إيلاف الزهراني عن طليقها: اللي بيني وبينه انتهى بكل خير واحترام
تاريخ النشر: 5th, June 2024 GMT
خاص
كشفت مشهورة منصات التواصل الاجتماعي، إيلاف الزهراني، عن تفاصيل علاقتها مع خطيبها، مؤكدة على أنها ترفض الإساءة إليه.
وتفاعل المتابعين مع فيديو الزهراني، متسائلين عن سبب انفصالهما وعدم عودتهما حتى الآن رغم الاحترام والتقدير المتبادل بينهما.
وقالت إيلاف في مقطع الفيديو: “أنا جايبة منه بنتان هذا أبوهم في النهاية، ما لا أرضاه على نفسي لا أرضاه عليه.
وتابعت: “اللي بيني وبينه انتهى بكل خير وبكل احترام وتقدير وغصب عني وعنه، الله يوفقه ويرزقه ويخليه لبناته، لو أنا حصل فيا حاجة هو سند بناته، أنا مستحيل إني أتكلم عنه أو أقول حاجة عنه، ده أبو لارين، لارين غالية عندي، عندي بنتين لارين وإيلاف، الأخيرة ما أحب أدخلها في السوشيال ميديا على عكس لارين.. اللي بخليها دايماً تتكلم”.
المصدر: صحيفة صدى
كلمات دلالية: ايلاف الزهراني طلاق منصات التواصل الاجتماعي
إقرأ أيضاً:
أسما شريف منير تكشف عن 38 شيئا تعلمته من تجارب الحياة
كشفت أسما ابنة الفنان شريف منير، عن 38 شيئا تعلمتهم خلال تجاربها بالحياة، وذلك تزامنا مع حلول عيد ميلادها 38 اليوم.
وكتبت أسما عبر حسابها بموقع الصور والفيديوهات«إنستجرام»: «عيد ميلادي الـ 38 مش مجرد رقم جديد، النهارده وقفة مع نفسي، وبصة ورا على كل خطوة، كل خُسارة، كل ضحكة، وكل دمعة، عدّيت على حاجات كتير، اتكسرت واتلمّيت، اتحبيت واتخذلت، وقعت وقومت… لكن فوق كل ده، اتعلمت".
عرض هذا المنشور على Instagramتمت مشاركة منشور بواسطة ???????????????? c???????????????????? ???????????????????????? - اسما شريف منير (@asma.sherif.moneer)
وأضافت: «38سنة… و38 حاجة اتعلمتهم خلوني أبقى النسخة دي مني وهم كالتالي:
1. اللي بيسيبك وقت ضعفك ما يستحقكش وقت قوتك.
2. الحب لوحده مش كفاية، لازم احترام وأمان ونية صافية.
3. مفيش أغلى من راحة البال.
4. الحدود مش قسوة، دي حب لنفسي.
5. كل اللي حصل كان لازم يحصل عشان أوصل للي أنا عليه دلوقتي.
6. الكتم مش قوة دايمًا، أوقات لازم أتكلم.
7. الجمال الحقيقي جوايا مش في مراية ولا كاميرا.
8. الناس بتتغير، وأنا كمان. وده طبيعي.
9. ربنا عمره ما خذلني، حتى في أسوأ أيامي.
10. السُكوت مش دايمًا رضا، أوقات بيبقى وجع.
11. اللي بيحبك بجد هيخليكي تحسي بالأمان مش التوتر.
12. اتعلمت أقول لأ من غير ما أبرر.
13. في حاجات كتير فقدتها، بس كسبت نفسي.
14. المغفرة مش معناها أرجّع الناس لحياتي، معناها أحرر قلبي.
15. مش لازم أكون كاملة عشان أكون كفاية.
16. الوقت بيكشف، والنية بتبان.
17. مفيش صدفة، كله ترتيب إلهي.
١٨. الكتابة أنقذتني.
19. لما بحب نفسي، كل حاجة حواليّ بتتغير.
20. مش لازم أرد على كل حاجة.
21. اتعلمت أسمع صوتي قبل صوت الناس.
22. كل ما كنت حقيقية، كل ما ارتحت أكتر.
23. اتعلمت أقول “أنا تعبانة” من غير خجل.
24. العلاقات مش كلها للأبد، بس كلها دروس.
25. أتقبل التغيير، حتى لو وجعني.
26. اللي راح مكانش ليّ، واللي جاي أحلى بكتير.
27. لما بنضف قلبي، الدنيا بتنضف معاه.
28. مش لازم كل حاجة تتقال. في حاجات بتتحس بس.
29. الصوت اللي جوايا أهم من أي رأي خارجي.
30. مش دايمًا الصح واضح، بس الإحساس بيقول.
31. اللي بيحسسني إني مش كفاية، ملوش مكان.
32. الأمان الحقيقي في حضن ربنا.
33. مش كل حاجة لازم أفهمها دلوقتي.
34. في أوقات لازم أختفي عشان أرجع قوية.
35. النجاح مش شهرة، النجاح سلام داخلي.
36. اتعلمت أكون لنفسي اللي كنت مستنياها من الناس.
37. لما ببطل أقاوم، الحياة بتسوقني للأحسن.
38. أنا لسه بتعلم، ولسه قلبي مفتوح لكل جديد.
واستكملت: «النهاردة بحتفل بكل نسخ أكوني، وبحضن البنت اللي كانت، والست اللي بقت، واللي لسه جاية كل سنة وأنا أقرب لنفسي، وأكتر حب، وأكتر نور».
اقرأ أيضاً«المفروض نكبر».. مها الصغير ترد على منتقدي نجلها في مسلسل سيد الناس | فيديو
«الصفا الثانوية بنات» يحافظ على المركز الثاني بالأسبوع الأول لعرضه (صور)
ارتفاع درجات الحرارة على جميع الأنحاء اليوم مع رياح مثيرة للأتربة