عابد عناني لـ "الفجر الفني": شخصية عوني كانت تحدي وأدوار الشر هي اللي بتنجح
تاريخ النشر: 5th, June 2024 GMT
تألق الفنان عابد عناني، في الفترة الماضية في العديد من الأعمال الدرامية والتي حققت نجاحًا كبيرًا، والتي خطف عابد من خلالها أنظار الجمهور والمتابعين له، وعادة يلفت عابد عناني نظر المتابعين بأدواره المميزة خاصة في أدوار الشر التي يتألق في تجسيدها وتحظى على ردود أفعال إيجابية.
ويعد من أبرز تلك الأدوار في مسلسل "البيت بيتي" الذي تألق به من خلال دور عوني وحاز على ردود أفعال واسعة وإشادات كبيرة من الجمهور.
وكان لموقع الفجر الفني لقاء خاص معه يكشف فيه عن كواليس تحضيره الشخصية وعن أعماله المقبلة.
فجر الفني": ما الذي جذبك لدور عوني؟
اللي جذبني لدور عوني، أنا في الجزء الأولاني مكنتش أعرف أحداث الجزء الثاني، بس أكتر حاجة كانت عاجباني في دور عوني الأحداث والمرحلة في المشهد اللي هو بيحرق فيها القصر وهو كبير في السن.
كنت حاسس إنه تحدي لطيف إن أنا أعمل جزء من الشخصية وهو كبير في السن وسن أكبر من سني فدي كانت أكتر حاجة بالنسبالي متحمس ليها.
حدثنا عن كواليس المسلسل كيف كانت؟
كواليس المسلسل كانت لطيفة جدًا لإنه الشغل مع أستاذ خالد مرعي احترافي بشكل كبير جدًا وممتع.
وهو مخرج سينما كبير وعارف هو رايح يعمل ايه والناس كلها بتبقى في المود واللوكيشن بيبقى خطير.
حدثنا عن كواليس التحضير لمشهد نزول للمقبرة؟
مشهد نزولي المقبرة ده كان مشهد مهم جدًا، ومشاهد المقبرة كلها عمومًا كانت ديكور مبني في ستوديو كبير كان تقريبًا كل الستوديو مبني مقبرة.
وكان الصعب فيه إنه بداية نزول المقبرة كان من فوق وده كان يعتبر في الدور التالت، فإحنا كنا بندخل من فوق وبنفضل ماشيين في جنب نازل لحد مابننزل لمستوى الصفر اللي هو مستوى المقبرة فكان مشهد مجهود شوية في تنفيذه وتصويره كان صعب شوية.
ماهو أصعب مشهد واجهت صعوبة به؟
أصعب مشهد واجهته كان المشهد بتاع الحلقة الأولى في الجزء الأول بتاع حريق القصر لإنه اتصور في كذا يوم وفكرة النار والحريق كانت بنسبة كبيرة كانت حقيقية وبتتمثل حقيقي في التصوير فكان مشهد صعب والخطورة فيه كانت عالية.
ماهو أكثر مشهد تأثرت به نفسيًا؟
الموضوع مكنش واصل إني أنا أكون متأثر بشكل نفسي لإن في الأول وفي الآخر إحنا في خلفية عمل كوميدي إلى حد ما يمكن طبيعة الشخصية اللي أنا كانت شريرة شوية، بس مكنش الموضوع واصل لدرجة التأثر النفسي.
هل حدث مواقف مرعبة أثناء تصوير المسلسل؟
في تصوير الجزء الأولاني اللي كان بيسوق فيه العربية في حتة مقطوعة كانت الأجواء غريبة شوية والمشاهد اللي كان بيجري فيها ورا فتحية، كانت الأجواء غريبة بليل مكان شبه غابة بس مكنش واصل لدرجة إنه رعب.
ماهو الاختلاف الذي طرأ على شخصية عوني بين الجزء الأول والثاني من وجهة نظرك؟
في الجزء الأول كنا شايفينه شوية طماع أكتر من إن هو معندهوش قلب يعني.
في الجزء التاني باين إنه هو مش بس طماع في حق أخوه أو عايز يتخلص من أخوه عشان ياخد الورث كله، لكن هو النوايا دي كانت عنده من زمان وإنه هو شخص شرير.
مش لدرجة الإيمان، أكيد في جن لإن ربنا اللي بيقولنا كده، لكن موضوع لعنة الفراعنة ده مجربتهوش وبالتالي مش مؤمن بيه.
السحر بينقلب على الساحر.. مدى صدقك وإيمانك بتلك المقولة في سياق المسلسل؟
ده أعتقد إنه قانون رباني، فكرة إن كل ساقٍ سيسقى بما سقى المقولة دي موجودة سواء في الحياة أو في الدراما، وأنا مصدقها أكيد.
ماهو رأيك في من يبحثون عن الآثار ويتاجرون بها؟
أكيد ده فعل مخالف للقانون وفعل مخالف لكل حاجة، فأكيد أنا وجهة نظري فيه إنه فعل مجرم ويجب تجريمه.
كيف ترى ردود الأفعال على المسلسل؟
ردود الفعل عن المسلسل شايفها عظيمة جدًا والحقيقة أنا من أول قرايتي للجزء الأولاوني وأنا متوقعها.
حتى لما كنت بتسأل إنت بتعمل ايه الفترة دي، فكنت بقولهم شغال على مسلسل حلو أو ي اسمه البيت بيتي.
فالعادي المفروض ميقولش على الحاجة اللي هو شغال فيها إنها حلوة، لكن أنا فعلًا المسلسل ده أنا بحبه جدًا وبعتبر نفسي مش بس واحد من فريق العمل بتاعه بعتبر نفسي واحد من الجمهور اللي بيتفرج عليه ومستمتع بيه جدًا.
كيف ترى الانتقادات التي تعرض لها الجزء الثاني وأن الجزء الأول أقوى؟
ده دايمًا بيكون ليه علاقة بمدى حب الناس للمسلسل، والمسلسلات الأجزاء في كل العالم بتواجه نفس المشكلة دي إنه الناس بتبدي تقارنها ببعض، وفي الأول والآخر هو مش بيتقارن بمسلسل تاني وهو بيتقارن بنفسه وأظن إن دي حاجة في صالح المسلسل، واتمنى إن لو في جزء تالت ورابع من المسلسل يحاول إنه هو يعوض ويسمع للآراء اللي كانت بتقول إن الجزء الأولاني أقوى ويحاولوا يشوفوه المشكلة فين ويحلوها.
هل كنت متوقع نجاح المسلسل والشخصية بهذا الشكل؟
أنا فعلًا كنت متوقع نجاح المسلسل ده.
كيف ترى الهجوم الذي تعرضت له بسبب شخصية عوني؟
لما قريت الحلقة الأخيرة في الجزء التاني، أنا مبشوفش إنه هو هجوم وبشوفه تفاعل مع الشخصية أكتر من إن هو هجوم بالذات يمكن أنا عندي تاريخ مرتبط شوية بتقديم أكتر من شخصية شريرة في أكتر من عمل سوا في مسلسل الطاووس أو الاختيار.
الناس بتربط دايمًا الممثل المتميز في الأدوار اللي شبه الأدوار دي، إنه نشتم فيه براحتنا.
عابد عناني يرى إنه أصبح محصور في أدوار الشر فقط؟
أنا كنت خايف شوية من موضوع أدوار الشر ده، لكن هي بتنجح نجاح فارق عن الشخصيات التانية.
وأنا في رمضان اللي فات كان عندي مسلسل محارب مكنتش عامل فيه شخصية شريرة خالص بالعكس والناس استقبلتها بشكل لطيف لكن مش بنفس النجاح بتاع الأدوار بتبقى فاقعة ناحية الشر.
ما رايك في المنصات وهل ترى أنها احتلت محل التلفزيون؟
رأيي في المنصات إنها فعلا احتلت مكان التلفزيون، واحنا مش بنتكلم في حاجة لسه هتحصل، إحنا بنتكلم في حاجة حصلت في العالم كله.
ورأي إن هي أظبط وأحسن والتركيز فيها بيبقى أكتر والاهتمام بصناعتها بيبقى أكتر من المسلسلات الطويلة العادية.
ماذا تفضل المسلسلات الطويلة أم المسلسلات القصيرة؟
بفضل المسلسلات القصيرة طبعًا وعن قولًا واحدًا.
هل في أعمال قادمة لك؟
إحنا بنستكمل تصوير مسلسل جودر الجزء التاني الـ 15 حلقة التانيين استعدادًا لعرضه في رمضان اللي جاي 2025 على حد تصريحات اللي حصلت من الشركة المنتجة والقنوات العارضة.
وفي انتظار عرض فيلم أصل الحكاية وفيلم كولونيا ده الأكيد لحد دلوقتي.
المصدر: بوابة الفجر
كلمات دلالية: عابد عناني الفنان عابد عناني مسلسل البيت بيتي مسلسل البيت بيتي الجزء الثاني مسلسل البيت بيتي 2 أحداث مسلسل البيت بيتي الجزء الأول عابد عنانی فی الجزء أکتر من إنه هو
إقرأ أيضاً:
شاهندة عبد الرحيم تشيد بالخدمات الطبية في مستشفى الناس: اللي يقدر يتبرع ما يتأخرش
تابع أحدث الأخبار عبر تطبيق
أجرت الإعلامية شاهندة عبد الرحيم، المذيعة بقناة "إكسترا نيوز"، ونائب رئيس تحرير "البوابة نيوز"، زيارة لمستشفى الناس الخيري لعلاج أمراض القلب والجهاز الهضمي والسكري بالمجان، وذلك في إطار سلسلة من الزيارات التي يقوم بها المشاهير ونجوم المجتمع إلى المستشفى لتقديم الدعم النفسي والمعنوي للمرضى والمشاركة في التوعية.
خلال جولتها، تعرفت الإعلامية شاهندة عبد الرحيم، على جميع أقسام المستشفى بما في ذلك الصيدلية والمطبخ والمغسلة وغيرها من الأقسام التي تتعلق جميعها بتقديم أفضل خدمة ورعاية للأطفال أثناء رحلة علاجهم داخل المستشفى.
وأشادت نائب رئيس تحرير البوابة نيوز بمستوى الخدمات الطبية المتكاملة المقدمة في مستشفى الناس، حيث قالت: «أنا موجودة النهارده في مستشفى الناس، وممتنة جدا لدعوتي للزيارة، وأنا بجد فخورة ومبسوطة إن فيه مستشفى موجودة على أرض مصر ما تقلش أبدًا عن مستشفيات شوفتها في إنجلترا وفرنسا، ومبسوطة جدًا إن هما بيقدموا خدماتهم مش بس للأطفال كمان للكبار، والحقيقة أول حاجة لفتت نظري هنا في المستشفى هي مستوى النظافة، المستشفى نظيف جدا ويهتم بمستويات وجودة النظافة على كل الأصعدة».
وقالت المذيعة بقناة "إكسترا نيوز": «خلال الزيارة نزلت المطبخ وشوفت أد إيه مهتمين ميبقاش في خلط بين أي منتجات غذائية في المطبخ، والتحضير بيكون في مكان والتسوية في مكان تاني، وفي اهتمام بدرجة حرارة الوجبة لحد ما توصل للمريض عشان ميكونش فيها أي نوع من أنواع البكتيريا».
وأضافت الإعلامية شاهندة عبد الرحيم: «أنا كانت معلوماتي عن مستشفى الناس إنها مستشفى بتقدم خدماتها لمرضى القلب أو جراحات القلب، لكن فوجئت إنهم وسعوا تخصصاتهم بشكل كبير وبقوا يعالجوا مرضى السكر من الأطفال، وبيعالجوا مرضى الجهاز الهضمي، ومرضي القلب من الكبار والأطفال، وكمان دخلوا قسم لعلاج الحروق، والحقيقة هما فئة من المرضى المحتاجة مساعدة حقيقية ومحتاجة علاج نفسي وجسدي، وأنا بحييهم على الخطوة دي جدا».
وتابعت الإعلامية شاهندة عبد الرحيم، المذيعة بقناة "إكسترا نيوز": «كمان من أكتر الحاجات اللي أسعدتني هو قسم حديثي الولادة، عشان أنا كمان أم، فكنت مبسوطة جدا لأن إحساس أي أم ابنها مولود بعيب خلقي في القلب أو الجهاز الهضمي، بيدخل يعمل عملية وبيطلع منها محتاج حضانة، والمستشفى هنا زودت عدد الحضانات بدل ما كانت تسع 7 أطفال فقط بعد العمليات، ستصل سعتها إلى 48 طفل، لأن موجود عندهم أكثر من 12 غرفة حضانة حتى الآن تسع لأكثر من سبعة أسّرة في الغرفة الواحدة».
واستطردت الإعلامية شاهندة عبد الرحيم، المذيعة بقناة "إكسترا نيوز"، ونائب رئيس تحرير البوابة نيوز: «أنا سعيدة وفخورة إن المستشفى دي على أرض مصر، كل العلاج هنا بالمجان وبشروط بسيطة جدا إن المريض يقدم حالته بتقديم الفحوصات والتحاليل، وبعد كده تبدأ إدارة المستشفى تتواصل معاه، وأكتر حاجة أسعدتني كمان النهارده إني شوفت فيها جنسيات مختلفة غير المصريين، في سوريين وأطفال غزة طبعا، ومرضي من نيجيريا ودول أفريقية تانية زي السودان، وبلدان عدة، وإدارة المستشفى وضحوا ليا إن أي حد يقدروا يساعدوه بغض النظر عن جنسيته أو ديانته، هما بيقدموا المساعدة على الفور وده شيء بجد يعني بسطني جدا إن كل الخدمات دي مقدمة بالمجان».
وقالت المذيعة بقناة "إكسترا نيوز": «من التفاصيل اللي برضو شوفتها إن عندهم قسم للأسنان، هما مش متخصصين في القسم ده، ولكن عشان أي حد قبل ما يدخل لإجراء عملية قلب مفتوح أو جهاز هضمي أو أي عملية، لو عنده عدوي أو أي مرض في الأسنان بيتعالج عشان متوصلش العدوي دي للأعضاء التانية وتضر باقي الأعضاء بعد العملية، فبجد اهتمامهم بالتفاصيل رهيب والنظافة مفيش أحسن من كده».
واختتمت الإعلامية شاهندة عبد الرحيم، المذيعة بقناة "إكسترا نيوز"، ونائب رئيس تحرير البوابة نيوز، حديثها: «عرفت إن هما بيستعينوا بدكاترة مصريين شغالين في مستشفيات في أمريكا وانجلترا، والمستشفى حازت على نجمات عديدة جدًا في فكرة النظافة، لأن مستوي النظافة بتاعها وصل للشكل العالمي، أنا فخورة بيهم ومبسوطة وبشجع أي حد يجي مستشفى الناس، وكفاية إنكم تقفوا جنب الأطفال وتبسطوهم لو هما داخلين عملية وتشجعوهم لو هما خارجين من عملية، وبجد هما محتاجين دعم نفسي ومعنوي، وأكيد أي حد يقدر يتبرع لمستشفى الناس ميتأخرش دقيقة واحدة».
الجدير بالذكر أن مستشفى الناس واحدة من أهم المستشفيات الخيرية غير هادفه للربح، حيث تقدم خدماتها بالمجان لكل المصريين من الأسر المهمشة والأكثر احتياجا وغير القادرين، ونجحت المستشفى منذ افتتاحها عام 2019 في تقديم أكثر من 506 ألف خدمة طبية، والكشف على أكثر من 27 ألف مريض، كما أجرت المستشفى أكثر من 7 آلاف عملية جراحية بالقلب لحالات حرجة جدًا وعمليات قسطرة تشخيصية وعلاجية، إضافة إلى هذا تفتح مستشفى الناس أبوابها لكل مرضى القلب والجهاز الهضمي، وتعمل على وضع خطة علاجية لهم بأحدث الطرق الطبية ووفقًا لآخر المعايير والضوابط لهذه الأمراض عالميًا، حيث أجرت 630 عملية جراحية ومناظير جهاز هضمي خلال عام 2023.
ويشار إلى أن مستشفى الناس تبلغ مساحتها 30 ألف متر مربع تتضمن 7 أدوار، بطاقة استيعابية 600 سرير، و10 غرف للعمليات، و140 وحدة رعاية مركزة، و4 وحدات قسطرة قلبية، و48 عيادة خارجية، وقد تم افتتاح المستشفى عام 2019.
ويمكن التبرع لمستشفى الناس الخيري للأطفال من خلال الاتصال على الخط الساخن 16441، والانتظار لحين وصول مندوب المستشفى إلى المنزل، إضافة إلى التبرع من جميع البنوك المصرية على حساب رقم 16441 باسم مؤسسة الجود الخيرية – مستشفى الناس، أو عبر الموقع الالكتروني الرسمي للمستشفى https://alnas-hospital.com/donate-now أو من خلال إرسال رسالة تتضمن كلمة "طفل" على رقم 9797، أو منافذ فورى كود رقم 9145، إضافة إلى امكانية التبرع عن طريق شركات الدفع (instapay - أمان - مصاري - OPay- الأهلي ممكن).
شاهدندة عبد الرحيم داخل مستشفى الناس
الأونصة فوق 3200 دولار .. الذهب يسجل مستوى قياسياً جديداً