صحافة العرب:
2025-03-14@23:56:41 GMT

حميدتي لماذا صنعوه ؟ (المقال الثاني)

تاريخ النشر: 3rd, August 2023 GMT

حميدتي لماذا صنعوه ؟ (المقال الثاني)

شاهد المقال التالي من صحافة السودان عن حميدتي لماذا صنعوه ؟ المقال الثاني، دقلو حميدتي لماذا صنعوه ؟ المقال الثاني سلمى حمد __________ توطئة —تهدف سلسلة المقالات هذه إلى رصد وتحليل المراحل و الأسباب التي حولت .،بحسب ما نشر النيلين، تستمر تغطيتنا حيث نتابع معكم تفاصيل ومعلومات حميدتي لماذا صنعوه ؟ (المقال الثاني)، حيث يهتم الكثير بهذا الموضوع والان إلى التفاصيل فتابعونا.

حميدتي لماذا صنعوه ؟ (المقال الثاني)
دقلو

*حميدتي لماذا صنعوه ؟**(المقال الثاني )**سلمى حمد*__________*توطئة* :—تهدف سلسلة المقالات هذه إلى رصد وتحليل المراحل و الأسباب التي حولت الدعم السريع من قوة شبة نظامية مساندة للقوات المسلحة الى قوة موازية محاربة للجيش .. وكيف تطورطموح حميدتي من السعي لكسب رضى قيادات الدولة والجيش إلى السعي إلى قيادة الدولة وتفكيك الجيش .. وكيف ولماذا لعبت قوى سياسية محلية وقوى إقليمية وأخرى دوليه أدواراً هامة في تغذية هذا الطموح وهندسة هذا التحول.*الاتحاد الأوربي والهجرة إلى السودان* :–_______________*عملية الخرطوم* :–في العام 2014 أعلن الاتحاد الأوربي عن مبادرة تختص بتحديات الهجرة غير الشرعية عرفت باسم (عملية الخرطوم) تنولى ادارتها الوكالة الالمانية للتعاون الدولى (GAZ ) وبالتوازي معها تم انشأ مركز استخباراتي أوربي في قلب الخرطوم (RoCk) اسندت إدارته لشركة أمنية حكومية فرنسية .. قالوا أن التركيز على السودان مبعثه هو ان السودان بلد منشأ وعبور ومقصد و أنه ملتقى طرق هجرة من شرق وغرب أفريقيا إلى اوروبا والشرق الأوسط ..في العام 2015 انشأ الاتحاد الأوربي صندوقا بقيمة 2 مليار يورو (الصندوق الائتماني للاتحاد الأوربي لافريقيا ) وتم تكليف عملية الخرطوم بتفيذ المبادرات الممولة عبر الصندوق . صرح متحدث باسم الاتحاد الأوربي لشبكة DW (إذاعة صوت المانيا ) بأن أحد المشروعات التي تقودها المانيا يوفر المعدات والتدريب لقوات حرس الحدود (الدعم السريع) ( ورد في تقارير منظمة اوكسفام وهيومن رايتس ووتش إن المواطنيين في السودان يتحدثون عن تمويل الاتحاد الأوربي لقوات الدعم السريع وعن ان هذا التمويل يستخدم في شراء الأسلحة المتطورة) لويز سوليفان التي عملت كمستشار من أجل “إدارة أفضل للهجرة” 2017-2019. نُشر في مايو.2021…و ينص موقع BMM على أن أموال الاتحاد الأوربي توفر المساعدة الفنية و الأدوات و المعدات للدعم السريع… اتفق جميع المراقبين في المنظمات والهئيات المهتمة بمتابعة قضايا الهجرة والقضايا الإنسانية على أن تمويل عملية الخرطوم معقد وغير شفاف وهو بذلك يفتح الباب على كثير من الاتهامات حول توفير المعدات و تمويل الجنحويد .2023-06-04. صحيفة أوبزيرفر البريطانية ???? الاتحاد الأوروبي يدفع المليارات للعصابات المسلحة في أفريقيا كي تمنع المهاجرين).الباحث عن الحقيقة القادر على استنباط المعلومات وربط الشواهد مع ما جرى ويجرى في السودان والمنطقة يدرك تماما أن عملية الخرطوم التي أسهمت في تمويل و تدريب الدعم السريع انما كانت غطاءً لعدد من العمليات و المهام التي شاركت بعض الدول الأوربية في التخطيط والترتيب لها وعلى رأسها ، ثورة ديسمبر ومقتل ادريس دبي وفوز محمد بازوم في انتخابات النيجر والفوضى في مالي و افريقيا الوسطى ، ويكتشف أن لعملية الخرطوم هدف مستتر بالإضافة لهدفها المعلن و هو جعل الخرطوم نفسها وجهة لهجرة جديدة يتم عبرها افراغ دول افريقية بعينها من بعض مكوناتها القبلية و العقدية ليتم توطينها في السودان . و القبائل المعنية هي قبائل مشتركة بين دول الإقليم ، وتشكِّل حواضن قبلية لحركات جهادية و تنظيمات متطرفة ..مثّل السودان بتنوعه الإثني و امتداده القبلي و مساحته و ثرواته و وضعه السياسي و الاقتصادي الهش فرصة ذهبية لدول استعمارية يعتمد اقتصادها على ثروات وموارد دول افريقيا الفرنسية ( مصطلح يستخدم للتعبير عن دول كانت تحت الاحتلال الفرنسي وما زالت تحت وصايته الاقتصادية والسياسية ) تنتمي معظم دول اقليم الساحل والصحراء لهذه المجموعة .. وقد أصبحت المانيا مؤخراً شريك أساسي لفرنسا في محاولات إبقاء تلك الدول تحت الهيمنة .. تدخلت فرنسا عسكرياً في افريقيا ما بعد الاستقلال حوالي ثلاثين مرة و مازالت تمتلك عدة قواعد عسكرية داخل الاقليم ، زار الرئيس الفرنسي الحالي مانويل ماكرون افريقيا إلى الآن خلال فترة حكمه 18مرة ، أما المستشار الألماني اولاف شولتس والذي تمتلك بلاده ايضا قواعد عسكرية في المنطقة فقد قصد افريقيا في اول جولاته الخارجية .. تواجه معظم دول الساحل والصحراء اضطرابات مسلحة وحركات تمرد وتطرف ينتمي معظمها لذات القبائل المشتركة التي يغلب عليها العنصر العربي الجهيني الذي ينتسب إليه معظم قادة وجنود الدعم السريع . مجموعة دول الساحل والصحراء تضم (ليبيا، بوركينا فاسو، مالي، تشاد، السودان، النيجر، إريتريا، جمهورية أفريقيا الوسطى، السنغال، غامبيا، جيبوتي، مصر، المغرب، تونس، نيجيريا، الصومال توغو وبنين) +الكاميرون .. تتداخل المكونات القبلية مع الحركات المتطرفة في معظم دول الإقليم الغني جدا بالموارد ، والتي يعتمد عليها الاقتصاد الفرنسي ثم الألماني (شكل ضعف الدولة الأفريقية وهشاشتها لاسيما في المناطق الحدودية التي تعاني من غياب الأجهزة والمؤسسات الأمنية أحد العوامل التي ساعدت على تنامي الارتباط

185.208.78.254



اقرأ على الموقع الرسمي


وفي نهاية المقال نود ان نشير الى ان هذه هي تفاصيل حميدتي لماذا صنعوه ؟ (المقال الثاني) وتم نقلها من النيلين نرجوا بأن نكون قد وفقنا بإعطائك التفاصيل والمعلومات الكامله .

علما ان فريق التحرير في صحافة العرب بالتاكد منه وربما تم التعديل علية وربما قد يكون تم نقله بالكامل اوالاقتباس منه ويمكنك قراءة ومتابعة مستجدادت هذا الخبر او الموضوع من مصدره الاساسي.

المصدر: صحافة العرب

كلمات دلالية: ايجي بست موعد عاجل الدولار الامريكي اليوم اسعار الذهب اسعار النفط مباريات اليوم جدول ترتيب حالة الطقس الاتحاد الأوربی المقال الثانی الدعم السریع

إقرأ أيضاً:

اختفاء حميدتي منذ بداية الحرب أثار التكهّنات حول موته

اختفاء حميدتي منذ بداية الحرب أثار التكهّنات حول موته؛
والناس اختلفت واتغالطت كتير؛
حتّى بعد ظهوره في لقطات متفرّقة، فضلوا ناس مصرّين على فكرة موته، وتبنّوا نظريّات الذكاء الصناعي ثمّ الشبيه؛
عن نفسي، فضلت أميل للاعتقاد بأنّه على قيد الحياة؛
بي شوف البصيرة، ما البصر؛
: قادر ألقى مبرّر موضوعي لاختفائه عن الأنظار؛
وهو تفادي الحرج؛
لأنّه في بداية الحرب ركّب مكنة الشجاع البتقدّم الصفوف، القاعد مع جنوده تحت شدرة، في مقابل تصوير غريمه البرهان كجبان متدسّي في بدرون؛
وبمجرّد ما طال أمد الحرب، اتّضح جليّا العكس؛
والشجاعة الأظهرها البرهان ماااا بقدر عليها حميدتي؛
من ناحية، كونه جبان، خايف يموت؛
ومن ناحية تانية، ثمين، خايفين عليه يموت؛
المهم؛
“عمل ميّت!”
دا التفسير المنطقي بالنسبة لي لاختفاه طول أمد الحرب؛
اعتماداً على “الغايب عذرو معاه”؛
وفي غيابه ياما أولياه شالوا اللوم!
لــــــــــــكـــــــــــن؛
اختفاء حميدتي من لقاء نيروبي أعاد للسطح بقوّة الاعتقاد حول موته؛
لأنّه دي لحظة تتويج ما مفروض يغيب عنّها؛
مستشاره قال مشغول بحاجات أهم؛
والناس علّقت ساخرة إنّه إلّا كان مشغول بسؤال الملكين!
فالاختفاء الأخير إذن فعلاً مُريب؛
ولاقوني كتيرين بدوا يقتنعوا بموته، حتّى لو حصلت وفاته لاحقاً
ـ ????: إنت رايك شنو؟!
رأيي إنّه ما مهم؛
المهم بالنسبة لي إنّه #حميدتي_انتهى!
العبارة دي دارت حولها حوارات كتيرة شديد خلال أمد الحرب؛
ما بين الما قادر يفهم مقصودها، والبفهمها بمعنى مات؛
وما بين المؤمن بيها، والبسخر منّها؛
لــــــــــــكـــــــــــن؛
ما أظن فيه أيّ اتنين ح يختلفوا حولها اليوم؛
حميدتي فقد خانته تماماً في ترتيبات نيروبي؛
وعبد الرحيم تمدّد فعليّا لشغل الفراغ؛
فإعادة حميدتي للمشهد بقت باهظة التكلفة للغاية على معسكر أولياه؛
عملياً إلّا “يقوم بعّاتي” على قول السفير عشان يقلع خانته الاتملت ويستعيد إيمان ناسه بيه الاتفقد؛
في الحقيقة المؤمنين بيه ذاتهم حسّة مشغولين بسؤال الملكين، وتم استبدالهم بجنجويد جديد؛
فموضوعيّا كدا #حميدتي_انتهى؛
لو فيه زول لسّة ما اقتنع يورّينا في التعليقات؛
لكن أفضل إفادة حول قناعة الناس لاقتني قبل شويّة في تعليق على بوست قصير كتبت فيه “#حميدتي_انتهى”، فقط لاغير [١]؛
قاعد اكتب الاستيتس دا كلّ حين، لو فيه زول ماخد باله، أجسّ بيه الراي العام؛
لفترة طويلة كان بيقابل بالتريقة والسخرية؛
في الشهور الأخيرة، بعد انقلاب الميزان العسكري، بقى يقابل بالصمت التام من أولياء الميليشيا، والتأمين من أولياء الحق؛
أمّا اليوم ..
– انت عرفتوا الان ياخوي
– من اول طلقه انتهي
– عامل فيها سياسي
– خبر ذي دي بخصم منك
– انت زول شاطر
دا تعليق طريف لاقاني من ورا بروفايل مقفول؛
وسط ضحك المتفاعلين من شدّة شتارة التعليق؛
لكن بالنسبة لي، التعليق مفيد للغاية؛
معناتو حتّى الجداد البرسّلوه ليك يهاترك وصل حد اليقين انّه حميدتي انتهى؛
وكمان “من أوّل طلقة”؛
يعني بأثر رجعي؛
بمعنى إنّه الجميع استيقن نهايته، وبقينا نتغالط منو العرف أوّل؛
زي ما كتبت بالضبط في نهاية يناير الفات [٢]:
“قريباً ان شاء الله ح يكون فيه إجماع إنّه #حميدتي_انتهى، ويبدا الغلاط منو العرف أوّل!”
إذن #حميدتي_انتهى، كلّنا متّفقين حول النقطة دي؛
نطوي الصفحة دي، ونشوف البعده؛
فاصل ونواصل!
—————————
عبد الرحيم؛
وما أدراك ما عبد الرحيم!
في نهاية ٢٠٢٠، كتبت بوست فحواه [٣]:
“عبد الرحيم دا باقي لي ح يجيب خبر اخوه!”
بعض الرفاق طروه الليلة نكتوه بعد خطاب عبد الرحيم؛
وعملوني كاهن و”أسعد تاي الغلابة” على قول أحدهم؛
ما متذكّر بالضبط المناسبة الكتبت فيها الكلام دا؛
لكن يمكن قادر أتذكّر طشاش كدا انطباعي وقتها عن عبد الرحيم كزول أهوج؛
أو يمكن “أهطل” زي ما بقولوا؛
وأعتقد إنّه أكثر الناس البتقرا معاي لحدّي السطر دا يكون لسّة محتفظة بالانطباع دا؛
لــــــــــــكـــــــــــن؛
بالنظر لشكل الدنيا الحالي، واستصحاب الأحداث الحصلت خلال الأربعة سنوات دي؛
فكرتي تغيّرت كتير، وبقيت شايف منظر مختلف تماماً:
—— عبد الرحيم رجل المرحلة! ——
دا طبعاً من منظور المشروع بتاعهم؛
من منظورنا نحن يمكن نقول “عدو المرحلة”؛
المهم؛
استبدال حميدتي بعبد الرحيم ما حصل بالغلط، وإنّما متوافق جدّا مع فلسفة التاريخ ومبدأ الانتخاب الطبيعي: البقاء للأصلح!
وعبد الرحيم هو الأصلح حاليّا لقيادة المشروع، زي ما ح أشرح ليك بعد شويّة؛
لكن نقيف أوّل عند اختلاف عبد الرحيم من حميدتي؛
فلسفة التاريخ “بتجسّد روحها في شكل دوافع وصراعات زي دي على مستوى الأفراد”، زي ما ناقشت في بوست طويل حول لقاء نيروبي [٤]؛
تناولت فيه صراع التسيّد، dominance، بين “الألفوات”، “الفحول”، في مستويات مختلفة من الوعي بين “الحدس”، intuition, و”الحس”، sensing؛
خلّونا ناخد القصاصة دي، المتعلّقة بعبد الرحيم:
《 والمسلسل دا تكرّر في أكثر من دورة؛
ممكن نتابعها من استخدام الترابي للبشير، متجاهل الشراسة الكامنة فيه كضابط صاقعة؛
فالبشير اتمسكن لحدّي ما قلب الطاولة على الإسلاميّين؛
لكن رغم نجاحه في قهرهم حسّيّا، ما كان مآمن مكرهم الحدسي؛
فتقوّى بحميدتي، ضبع الخلا؛
والأخير بعد داك نجح في إخضاع النخبة المدنيّة السايدة في عهد الثورة، وقهرهم حسّيّا، لكن ما أمن مكر حدسهم؛
فاستعان بقبيلته؛
وهنا ظهرت مفاجأة غير متوقّعة؛
هنا ظهر فحل الخلا الما كانوا ناس المدينة قادرين يشوفوه، ولا هو كان قادر يلقى فرقة معاهم؛
عبد الرحيم دقلو!
عبد الرحيم لييي رقبته، داير ياخد المقام اللقاه حميدتي، أخوه الصغيّر؛
فباختصار شديد، لكن غير مخل؛
عبد الرحيم نجح في إخضاع المذكورين أعلاه في اللقاءات القابلهم فيها؛
ما عارف كيف؛
لكن البقدر اتخيّله إنّه كل واحد كان تفكيره مقتصر على فحول المدينة المتصارع معاهم، فقبل الديل العرضه عليه عبد الرحيم لمساعدته في تحقيق سيادة على منطقته ترضي طموحه؛
وزي ما قلنا؛
فالنور حمد مثلاً ما ح يقدر يصل المقام المحمود؛
ولا إبراهيم الميرغني بيلحق المقام العلي؛
ولذلك فممكن يقبلوا بالعرض بتاع عبد الرحيم إنّه يخلق ليهم مقامات جوّة عين الناس الما قدّروا قيمتهم ديل! 》
دا توصيف على مستوى دوافع الأفراد؛
لكن هو انعكاس لمرحلة مهمّة على مستوى فلسفة التاريخ؛
وهي مرحلة “انحسار المعاني”؛
ماف “رسالة” قادرة تقود الناس؛
فيه إفلاس أخلاقي، وحالة من عدم الثقة في “دين” أو نظام المجتمع؛
زي حالة “الجاهليّة” البتسبق مبعث الرسل بمنهاج جديد يناسب شكل الحياة المعاصرة؛
في الظروف دي بيحصل تراجع تدريجي من الالتفاف حول الأفكار للالتفاف حول الأشخاص؛
بدئاً من مستوى حسن الترابي في أعلى هرم الفكر التجريدي، لحاادّي عبد الرحيم دقلو في قاعدة هرم التفكير الواقعي؛
ومن المهم هنا ملاحظة إنّه دا ترتيب مستقل من الخير والشر؛
يعني المفكّر التجريدي ما معناها بالضرورة زول كويّس، ولا التلقائي الواقعي بالضرورة كعب؛
وكمثال حي، فالتسلسل المذكور دا، من الترابي للبشير لحميدتي لي عبد الرحيم، كلّه أشرار، بس بتباينوا في نمط تفكيرهم بين التجريد والواقعيّة، أو الحدس والحس لو الكلمات دي خالقة معنى عندك؛
وهنا، في المستوى دا، يمكن يقع ليك تشبيه كيكل بن الوليد، وتفهم برضو استنكار النخبة ليه؛
فكيكل في نفس نمط التفكير الواقعي والزعامة المباشرة العند عبد الرحيم، لكن انتقل من جانب الباطل، من منظورنا طبعاً، لجانب الحق؛
زي انتقال خالد بن الوليد من معسكر الذين كفروا لمعسكر الذين آمنوا؛
النخبة ما بتقدر تشوف المقابلة دي لأنّها رابطة الخير والشر بتركيبة الوعي، مش محتواه؛
خالد تحوّل لشخص نبيل ما بسبب تطوّر وعيه نحو التجريد، وإنّما بفضل محتوى الرسالة الآمن بيها؛
لكن فضل “فارس”، ما تحوّل لي “عالم” زي بن مسعود مثلاً؛
ولو معسكرنا فيه رسالة نبيلة، فكيكل بكل تأكيد ح ياخد مكان خالد بن الوليد؛
وإلّا، ف ح يتحوّل لي فارس ضمن معسكر الأشرار، زي ما انتهى الأمر بعمرو بن هشام زمان، أو زي ما بتشوف عبد الرحيم اليوم؛
المهم؛
سيبنا من كيكل؛
خلّينا في عبد الرحيم!
قلنا الأمر انتهى لعبد الرحيم بفضل انحسار المعاني وإفلاس الفكر وغلبة الواقعيّة؛
ووعدت أشرح الحاجة دي؛
والشرح بسيط؛
عاين بس للعالم الحولنا؛
فيه حاجة يمكن تكون ما منتبه ليها؛
لكن مجرّد ما يلفتوك ليها، أظنّك تشوفها زي الشمس؛
—— لاحظ الشبه بين عبد الرحيم دقلو ودونالذ ترامب! ——
الاتنين ياما وصفوا بالهطلات؛
لكن بتفكير تجريدي، يمكن “الوقاحة” تكون وصف موضوعي أكتر؛
وسبب اختيارنا لأوصاف زي “هطلة” نابع من اعتقادنا بأنّه سلوكهم مرفوض وبالتالي ح يعجّل بنهايتهم والناس تنفض من حولهم؛
صاح وللا ما غلط؟!
لكن المشاهدات متّفقة في إنّنا حاسبين غلط؛
جرأتهم ووقاحتهم في الحقيقة هي مصدر قوّتهم وسبب التفاف الناس حولهم؛
فـ لمن عبد الرحيم كان بقول بي كلّ قوّة عين “نحن قبل كدا فضّينا خمسة اعتصامات”، كنّا بنضحك على سذاجته: ما بقولوها كدا يا عوير؛
وكلّنا ثقة بأنّه “السيستم” ح يتخلّص منّه ويخلّصنا؛
لكن كنّا جاهلين بفلسفة التاريخ؛
ما وعينا بأنّه الظواهر زي عبد الرحيم دقلو دي تجلّي لحالة رفض شعبوي للسيستم نفسه؛
وكذا الحال بالنسبة لترامب؛
واللي ممكن يساعدنا نفهم أكتر؛
في وقت قريب جدّا، كنّا بنسمع الأساطير حول مدى نفوذ الجماعة ????️‍???? في العالم الغربي: أبقى راجل جيب سيرتهم ساي؛
كانوا بيمضّوا الكل على إقرار بحقوقهم؛
واليوم، بكلّ بساطة، ترامب مسح حقوقهم الببنوا فيها دي بي جرّة قلم، وسط ترحيب وارتياح كبير من المجتمع العريض الناقم على هذه الظواهر؛
وانا الآن ما بصدد مناقشة حقوق الجماعة ديل أو عدم استحقاقهم؛
وإنّما داير أضرب بيهم المثل لشرح مسألة الرفض الشعبوي للسيستم نفسه؛
فبغض النظر عن موقفي الشخصي من قضيّة الجماعة ديل، بقدر أشير بتجريد لمشكلة جوهريّة: مشكلة الناس ديل تظل مشكلتهم هم، ما مشكلة الدنيا، زي ما بيحاولوا يصوّروها؛
يعني الناس ما ممعوطة من وجودهم بقدر ما متضرّرة من الأولويّة الماخدينّها على حساب مشاكل أعم في المجتمع؛
بتذكّر أخونا Fki Ali كتب مقال بيعكس الحاجة دي لمن بدت النخبة العندنا تهيّص بالموضوع دا بعد الثورة وتتناوله في الإعلام؛
ودا حال النخب في كلّ العالم اليوم؛
ودا الإفلاس البقول عليه: الغوص في التفاصيل بدل تقديم رؤية تقدّميّة شاملة؛
شويّة شويّة النخب المترفة دي بتبدا تنفصل من واقع الناس؛
وتخلي مكانها لي ترامب وللا عبد الرحيم قادر يخاطب الناس بلغة واقعيّة: أمسك لي واقطع ليك؛
و”الانفصال” من الواقع دا حرفيّا هو “الفسوق”؛
ومن ثمّ ممكن نفهم: ﴿وَإِذا أَرَدنا أَن نُهلِكَ قَريَةً أَمَرنا مُترَفيها فَفَسَقوا فيها فَحَقَّ عَلَيهَا القَولُ فَدَمَّرنٰها تَدميرًا﴾ [الإسراء ١٦]!
شبّهنا عبد الرحيم بي ترامب؛
لكن في الحقيقة الزيّهم كتار؛
أحسب معاك نتنياهو؛
ويونوهو؛
وعرّج بهناك على بوتين؛
وهوباااا؛
ح تلقى الحاجة دي متحوّلة لي ظاهرة على كلّ المستويات؛
—— بلطجة بالمفتشر ——
دا الوصف المشترك؛
والناس في المستوى الشعبوي متقبّلة الحاجة دي؛
لو ما كانت مرحّبة بيها عديل؛
ح تشوف مثلاً أخونا عبد العظيم منصور البنا مبسووط من “أبو إيڤانيكا” وهو بيعرّي زيف الغرب، رغم وعيه الكامل بأنّه في النهاية ح يـ…ـنا كلّنا [٥] ياهو دا التعبير الشعبوي البقول ليك عليه عن رفض السيستم؛
وسبب الرفض دا هو إحساس بخيانة النخب: أخير لي بلطجي أموره واضحة زي ترامب من أفتدي مستهبل ياكل حقّي بالحلال والبلال زي بايدن!
—————————
#حميدتي_انتهى؛
دي انتهينا منّها؛
لكن عبد الرحيم ابتدى يادوب؛
دي الحاجة المحتاجين نستوعبها كويّس عشان نعرف نتعامل معاها صاح؛
دي حاجة مختلفة تماماً، ما مجرّد امتداد؛
والمرحلة الجايي ما نتوقّع تكون أسهل، دا لو ما بقت أصعب؛
لكن هي مختلفة على كلّ حال؛
ناخد شواهد تساعدنا على فهم التغيير الحصل؛
أوّل حاجة ممكن نلاحظها إنّه حميدتي مشوا معاه “أصحاب القضيّة”، زي عزّت في الميديا وزي جلحة في الميدان؛
ما لازم تكون قضيّتهم عادلة يعني أو نبيلة، لكن عندهم فكرة مصدّقينّها وحاجات مؤمنين بيها: faith؛
وممكن نذكر في السياق دا رسالة جلحة لي شارون؛
هو ما بالضرورة صادق أو كاذب في رسالته، لكن على كلّ حال بيعتقد إنّه دي الحاجة السايدة في المجتمع، وبيعلن التزامه بيها؛
أها ديل مشوا؛
جوا بدلهم ناس الفاضل منصور في الميديا، ومرتزقة عديييل في الميدان؛
ونفس التغيير دا بعد داك ح تشوفه في كلّ المستويات لحدّي القمّة: عبد الرحيم والقوني؛
بجاحة ووقاحة؛
بيخاطبوا مصالح الناس ومخاوفهم بشكل مباشر، ما بغلّفوها بي كلام نبيل؛
يعني الجماعة مجتمعين عشان يعلنوا حكومة السلام، والقوني بتوعّد في الشعب!!
وتمتد الوقاحة لتشمل حتّى الحلفاء؛
نفس البعمل فوقه ترامب مع أوروبا وكندا بعمل فيه عبد الرحيم بي جاي؛
ما عنده احترام لي أولاد المهدي ولا حمدوك ولا غيرو؛
كلّ زول يعرف مقامه ويقعد في علبه!!
فعبد الرحيم عمل في النخبة الموالية ليه العمله ترامب في الجمهوريّين: زط!
—————————
نحن نعمل شنو؟!
قبل ما أورّيك تعمل شنو، نبدا بالما مفروض تعمله؛
ما تستهتر؛
ما تراهن على أيّ نظام أو عرف اجتماعي إنّه يهزم عبد الرحيم وللا نتياهو وللا ترامب وللا أيّ ضكر من النوع دا في واقعنا الحالي؛
النظام القيمي انتخب ليك الناس ديل للتعبير عن فشله؛
فما تنتظرهم يتلاشوا تلقائياً؛
طيّب بنتهوا كيف؟!
ياهو، زي ما قلنا؛
دي الجاهليّة البتسبق ميلاد دين جديد يعيد نصاب الأمور، ويتوافق مع شكل الواقع؛
وأظنّنا كلّنا، من أخلص مسلم لي أغلظ ملحد، متّفقين إنّه ماف رسول ح ينزل عشان يجيب لينا دين جديد؛
بس هنا بختلف مع أخوانّا السلفيين؛
لا، الإسلام ما هو الحل؛
ما ح نقدر نقلّص واقعنا عشان يشبه واقع المدينة عشان نستخدم تشريعاتها؛
وبختلف كذلك مع الأخوان الجمهوريين؛
لا، ولا الإسلام برسالته الثانية الفي النصوص المكّيّة، زي ما حاول محمود يفصّلها على واقعه: التغيير من زمن محمود لي واقعنا أكبر من التغيير من عهد محمّد ‎ﷺ لي عهد محمود؛
فلا الرسالة التانية ولا التالتة وللا العاشرة؛
ماذا إذن؟!
قناعتي الكاملة، واللي اجتازت امتحان الزمن بالنسبة لي، إنّه رسالة محمّد ‎ﷺ ما إنّه يسلّمنا دين محدّد، وإنّما يعلّمنا كيف نطوّر دين يتناسب مع واقعنا؛
فالرسالة الجاية ح نعملها أنا وانت، وكلّ من يأنس في نفسه الكفاءة للمشاركة في كتابة “إنجيل الثورة”، زي ما سمّيته قبل كدا؛
دي رسالتنا نحن، على مسئوليّنا الخاصّة؛
ولحدّي ما نؤدّيها، ح يواصل عبد الرحيم دقلو، والتحته لحدّي أتفه جنحويدي، والفوقه لحدّي أكبر ترامب، ح يواصلوا في أداء رسالتهم في تمزيق صحائف المنظومة الثقافيّة والدينيّة والقيميّة البالية الما عادت قادرة تواكب الواقع؛
يعني عبد الرحيم صادق في الرؤية الطارحها ببناء سودان جديد؛
بس ما هو الحيبنيه، وإنّما دوره هو تشليع السودان الموجود؛
وكذا الحال بالنسبة لترامب في أمريكا، ونتياهو في الشرق الأوسط؛
وترا ماشّين كويّس في شغلهم؛
باقي نحن نستلم شغلنا!!

عبد الله جعفر

إنضم لقناة النيلين على واتساب

مقالات مشابهة

  • ???? طرد المليشيا من الخرطوم يعنى طردها من كل السودان
  • ستة قتلى في قصف قوات الدعم السريع لمدينة استراتيجية  
  • مصادر سودانية تؤكد رفض الخرطوم تهجير فلسطينيي غزة إلى السودان
  • صحف عالمية: التجويع المتعمد للمدنيين في غزة جريمة حرب
  • الخارجية الروسية: موسكو وسعت قائمة عقوباتها ردا على حزمة العقوبات التي فرضها الاتحاد الأوروبي
  • المستشار السياسي السابق لـ”حميدتي” يكتب عن مستقبل الدعم السريع في السودان
  • اختفاء حميدتي منذ بداية الحرب أثار التكهّنات حول موته
  • ماذا كان يريد حميدتي من الميرغني؟
  • الجيش السوداني يتقدم في محور وسط الخرطوم
  • بعد أوكرانيا.. هل يجد داعش ثغرة جديدة لاختراق المشهد الدولي؟