بسبب "ليالي الحلمية".. فرودس عبد الحميد غضبت من أسامة أنور عكاشة
تاريخ النشر: 31st, May 2024 GMT
ردت الفنانة فرودس عبد الحميد، على الأقاويل التي أنتشرت عنها خلال مشوارها الفني، بأنها تعمل في الفن من خلال زوجها المخرج محمد فاضل كونها تشارك في جميع أعماله، وأنها تعمل من خلال وساطته.
وقالت فردوس عبد الحميد، أن الفيصل في ذلك الموضوع هو كيفية تقديم الدور بشكل جيد وهل الزوج متحيز لزوجته لذلك أعطى لها الدور، أم الفنانة لم تنجح في تقديم الدور ببراعة، وتلك الحالة لم تنطبق عليها.
وتابعت الفنانة فردوس عبد الحميد، خلال مداخلة هاتفية مع الإعلامية نهال طايل في برنامج "تفاصيل"، المذاع على قناة "صدى البلد 2"،: "أعتقد أن كل الأدوار اللي أعطهاني محمد فاضل نفذتها بشكل كويس أوي، هو ده الفيصل في القضية وأنا موضوعية جدا لدرجة أني أنا في بعض الأحيان زي "ما زال النيل يجري"، عرضه عليٌا محمد فاضل قولتوله لأ مش هعمله لأني عملت الدور ده كتير قبل كده، واللي أصر أني أعمل الدور ده أسامة أنور عكاشة علشان قالي أنه هيزعل مني وهو زعله كبير".
وأشارت فردوس، إلى أن حجم الدور لم يفرق معها، وانسحبت من مسلسل ليالي الحلمية الجزء الثاني ليس بسبب مساحة الدور، ولكن أهمية الدور هو الفارق وعندما قدمت الجزء الأول من العمل جلست مع أسامة أنور عكاشة لكي تعرف امتداد دورها فيما بعد وشرح لها أسامة أنور عكاشة التفاصيل، وعندما عرضوا عليها الجزء الثاني لم تجد ما قاله لها والأمر أختلف كثيرًا.
وأختتمت فردوس عبد الحميد، أنها ذهبت لـ أسامة أنور عكاشة وحكت له ما قرأته في الجزء الثاني ليرد عليها بقول:"هو الدور كده وخلاص مفيش غير كده"، وبعدها أعتذرت عن العمل.
جدير بالذكر أن برنامج تفاصيل يعرض يومي الأحد والاثنين والاربعاء في تمام الساعة الثامنة مساء عبر فضائية صدى البلد 2 وهو من تقديم الإعلامية نهال طايل، ويستضيف البرنامج عدد من نجوم الفن للحديث معهم عن أعمالهم الفنية وأبرز تفاصيل حياتهم كما أنه برنامج إجتماعي خدمي.
المصدر: بوابة الفجر
إقرأ أيضاً:
سماح أنور: كنت عارفة إني هقوم من محنة المرض وهلعب كورة.. عشان كان فى حاجة ربانية جوايا
تابع أحدث الأخبار عبر تطبيق
أكدت الفنانة القديرة سماح أنور أنها تعرضت لحادث مروع كاد أن يفقدها كيانها.
وقالت «سماح»، فى حوار لبرنامج «كلم ربنا»، تقديم الكاتب الصحفي أحمد الخطيب، على الراديو «9090»: «لما عملت حادثة قالولى إنى مش همشي تانى ولا همثل، وخضعت لـ24 عملية جراحية، لمدة 11 سنة، كنت قاعدة على كرسي متحرك، لكن ربنا أراد إنى أرجع أمشي تانى، وماكنتش لا بعيط ولا بلطم ولا حاجة، فهى تجربة كان عليا فيها اختار، أعيش أو أموت، والاختيار ده ربنا اللى ألهمنى بيه إنى أعيش، لأنه حط ده فى قلبي، وبعدها روح ربنا فينا عايزة تعيش وعايزة تكمل، وقتها لما كانت كل الناس بتيجي تزورني سواء هنا فى مصر أو فى أمريكا ولا جنيف لأنى لفيت العالم، وكأن كله فى ضهري، لدرجة إن لما حد بيدخل عليا بيعيط كنا بضحكه وأقوله نكت عشان كنت بحس نفسي كويسة، لكن فى المقابل كنت قاعدة متربطة».
وقالت الفنانة القديرة: «أنا شفت ربنا فى أزمتى، شفته فى الناس اللى بتزورني، كأني على الحافة وشالنى ورجع تانى، لكن فى خلال الـ11 سنة عملت لنفسي وحياتى حاجات كتيرة، لأن ربنا عظيم ومش هيخلق حاجة فاشلة، بل حاجات عظيمة، وكأنى قالى هديكى قدرة مش موجودة مع حد غيري، وهى كن فيكون، لأنى ضد الفكرة اللى اتقالت فى فيلم جرى الوحوش، لما قاله: (كل إنسان له 24 قيراط)، جملة مغلوطة وده كلام غير صحيح، لأن كل إنسان له حاجات خاصة، كلنا يومنا 24 ساعة ومحدش معاه 25، والإنسان مش بيتعرض لحاجة غير لما يكون هو عايزها تحصله، فمثلا هو اللى بيضايق نفسه، يعنى معنى كدة إنه اقتناع شخصى وقدرات ربنا فينا».
وتابعت: «اللحظة اللى قمت فيها ومشيت على رجليا، كانت حلوة بس مش عندى، لكن عند والدتى ووالدتى، كنا يومها عملنا الإشاعات وقولولى: (قومى اقفي)، وقمت وروحت وفاجأت أنى وأبويا، لكن كان حصل كتير قبلها ومكنش في نصيب، وروحت ماشية على رجليا ضربت الجرس، أمى لما شافتنى ذهلت وكمان أبويا وابنى، وكان عندى يقين إنى هخف، وهلعب كورة، وكان حسبن الإمام عنده ملعب كبير فى البيت الأوروبي، وكنت بقوله دائما: والله هنلعب كورة، رغم إن الكل والدكاترة كان بيقولوا مفيش أمل، فمكنتش قلقانة لأن دى حالة الوصل مع ربنا»، مشيرة إلى أنها الإنسان هو الذى بيختار ويفعل».
ختام دور الـ16 من الدوري الأوروبي وتحديد مواجهات ربع النهائي