«هنزل شغلي عشان مصاريف البيت».. تعليق جديد من عصام صاصا بعد أزمته الأخيرة | صورة

كشف مؤدي المهرجانات، عصام صاصا، عبر حسابه الرسمي بموقع تداول الصور والفيديوهات «إنستجرام» عن ما أحدثته الأزمة في حياته خلال الساعات القليلة الماضية، وذلك بعدما تورط في حادث دهس شاب على الطريق الدائري.

وكتب عصام صاصا عبر حسابه الرسمي بموقع «إنستجرام» عن أزمته، قائلا: «بسم الله الرحمن الرحيم، ربنا وحده يعلم أنا بكتب الكلام دا وانا عامل ازاى و في ايه، أنا بقالي أكثر من شهر قاعد من غير شغل ومعنديش أي حاجه اعملها غير اني قاعد وما باليد حيلة و مستني قضاء ربنا سبحانه وتعالي و محدش هيفهم او هيحس بالموضوع غيري».

وأضاف صاصا: «أنا مطلعتش اتكلمت وعدت وزدت في الموضوع كتير ومحدش شافني حته بفيديو قولت أي كلمة خالص، لكن انا عندي شغلي و عندي عقود والتزامات لما اعملها واخلصها يا أما هدخل في قصه تانية أنا مش قدها و شرط جزائي،

انا هنزل شغلي و هشتغل لاني مش بإيدي بايدن حاجة غير اني اعمل كده».

وواصل: «أنا عندي امي و عندي اخويا و عندي مراتي وابني وفرقه فيها اكتر من ٣٥ شخص في رقبتي انا شاب لسه ببدأ حياتي ولسة بقول يارب، مصاريف البيت و الأقساط و الحاجات دي كلها اللي انتو متعرفوش عنها حاجه مين اللي هيدفعها انا طالع اتكلم لأن ما باليد حيلة غير انكم لازم تفهموا».

وتابع: «أن كل اللي بتسمعوا مش صح الفلوس و القصور والعربيات كل ده مش صح و حال الناس اللي شاغلين معايا كل دول حالهم واقف بسببي انا كل دول ليهم بيوت وعيال ودنيا تانيه خالص، أنا عارف ومتاكد ان ربنا مش هيورينا الشر و مش هيوريني اي حاجه وحشه ده ابتلاء من عند ربنا سبحانه وتعالي».

وأضاف: «أنا راضي بكل حاجة و مش هقول غير الحمدلله على كل شئ والحمدلله و اللي ربنا كاتبهولي هشوفوا، سوا خير او شر محتاج من كل الناس اللي بتحبني تدعيلي من قلبها بجد انا عمري ما كنت شخص مؤذي و عمري ما كنت شخص وحش مع حد.. ربنا كبير، وحشتوني اوي يا احلي جمهور في الدنيا، عصام صاصا».

اقرأ أيضاً«كفاية ظلم».. أول تعليق من منظمة حفل عصام صاصا في الإمارات | صورة

مش هربان ومعايا في دبي.. زوجة عصام صاصا تستفز أسرة «ضحية الدهس» (صور)

نشرة حوادث «الأسبوع»| محامي ضحية عصام صاصا يكشف التطورات.. ومحاكمة الفنانة انتصار

المصدر: الأسبوع