إلهام شاهين: مش عارفة أنام بسبب اللي يحصل في فلسطين
تاريخ النشر: 28th, May 2024 GMT
أكدت الفنانة إلهام شاهين، أن فرحتها بتكريمها من الجمعية المصرية لكتاب ونقاد السينما ينقصها الكثير، بسبب حزنها على ما يحدث في فلسطين على يد قوات الاحتلال الإسرائيلي، موضحة أن هناك ألم كبير بداخلها نتيجة لما حدث.
وقالت إلهام خلال أثناء تكريمها في أكاديمية الفنون، مساء أمس الإثنين: «الفن يعلمنا الإنسانية والجمال والمحبة، والمفروض أكون مبسوطة من التكريم ولكن فرحتي ناقصة، ومعرفتش أنام من امبارح بسبب اللي بيحصل في فلسطين».
وأوضحت أن نجوم الوسط الفني يسيطر عليهم حالة كبيرة من الحزن بسبب ما تشهده فلسطين، ولكن هذا لا يمنعهم من حضور المهرجانات والمواصلة في تقديم أعمالهم الفنية، لأن الحياة يجب أن تستمر بأي شكل من الأشكال.
وأضافت إلهام شاهين: «إسرائيل بتقول إنها بتحارب الإرهاب، فمش فاهمة فين الإرهاب في إن ناس تدافع عن أرضها، لو كل واحد دافع عن بلده يكون إرهابي انا بعلن إني إرهابية من دلوقتي، وأنا أول واحدة هنزل أحارب لو حد قرب من مصر».
المصدر: الأسبوع
إقرأ أيضاً:
سماح أنور: كنت عارفة إني هقوم من محنة المرض وهلعب كورة.. عشان كان فى حاجة ربانية جوايا
تابع أحدث الأخبار عبر تطبيق
أكدت الفنانة القديرة سماح أنور أنها تعرضت لحادث مروع كاد أن يفقدها كيانها.
وقالت «سماح»، فى حوار لبرنامج «كلم ربنا»، تقديم الكاتب الصحفي أحمد الخطيب، على الراديو «9090»: «لما عملت حادثة قالولى إنى مش همشي تانى ولا همثل، وخضعت لـ24 عملية جراحية، لمدة 11 سنة، كنت قاعدة على كرسي متحرك، لكن ربنا أراد إنى أرجع أمشي تانى، وماكنتش لا بعيط ولا بلطم ولا حاجة، فهى تجربة كان عليا فيها اختار، أعيش أو أموت، والاختيار ده ربنا اللى ألهمنى بيه إنى أعيش، لأنه حط ده فى قلبي، وبعدها روح ربنا فينا عايزة تعيش وعايزة تكمل، وقتها لما كانت كل الناس بتيجي تزورني سواء هنا فى مصر أو فى أمريكا ولا جنيف لأنى لفيت العالم، وكأن كله فى ضهري، لدرجة إن لما حد بيدخل عليا بيعيط كنا بضحكه وأقوله نكت عشان كنت بحس نفسي كويسة، لكن فى المقابل كنت قاعدة متربطة».
وقالت الفنانة القديرة: «أنا شفت ربنا فى أزمتى، شفته فى الناس اللى بتزورني، كأني على الحافة وشالنى ورجع تانى، لكن فى خلال الـ11 سنة عملت لنفسي وحياتى حاجات كتيرة، لأن ربنا عظيم ومش هيخلق حاجة فاشلة، بل حاجات عظيمة، وكأنى قالى هديكى قدرة مش موجودة مع حد غيري، وهى كن فيكون، لأنى ضد الفكرة اللى اتقالت فى فيلم جرى الوحوش، لما قاله: (كل إنسان له 24 قيراط)، جملة مغلوطة وده كلام غير صحيح، لأن كل إنسان له حاجات خاصة، كلنا يومنا 24 ساعة ومحدش معاه 25، والإنسان مش بيتعرض لحاجة غير لما يكون هو عايزها تحصله، فمثلا هو اللى بيضايق نفسه، يعنى معنى كدة إنه اقتناع شخصى وقدرات ربنا فينا».
وتابعت: «اللحظة اللى قمت فيها ومشيت على رجليا، كانت حلوة بس مش عندى، لكن عند والدتى ووالدتى، كنا يومها عملنا الإشاعات وقولولى: (قومى اقفي)، وقمت وروحت وفاجأت أنى وأبويا، لكن كان حصل كتير قبلها ومكنش في نصيب، وروحت ماشية على رجليا ضربت الجرس، أمى لما شافتنى ذهلت وكمان أبويا وابنى، وكان عندى يقين إنى هخف، وهلعب كورة، وكان حسبن الإمام عنده ملعب كبير فى البيت الأوروبي، وكنت بقوله دائما: والله هنلعب كورة، رغم إن الكل والدكاترة كان بيقولوا مفيش أمل، فمكنتش قلقانة لأن دى حالة الوصل مع ربنا»، مشيرة إلى أنها الإنسان هو الذى بيختار ويفعل».
حكام الإمارات يعزون خادم الحرمين في وفاة الأميرة نورة بنت بندر بن محمد