أكد الرئيس عبدالفتاح السيسي، أن الدولة تستهدف تلبية احتياجات ومطالب المواطنين قدر المتاح، وتتحرك وفق موازنة محددة، وتسعى لتحقيق التوازن بين الموارد المتاحة والالتزامات المطلوبة، مضيفا: «أنت النهارده مش عاوز تيجي تمس حاجة الغلبان، عاوز تساعد من غير ما تؤذيه».

وأضاف الرئيس السيسي، خلال افتتاح عدد من المشروعات التنموية بجنوب الوادي، وعرضتها قناة «إكسترا نيوز»: «لو رغيف العيش النهارده بـ3 أو 4 أو 5 جنيه، فيه ناس تقدر تشتريه، بس مش كل الناس تقدر تشتري كده، فلازم نكون متفهمين، لأن الدولة في النهاية موازنة وطاقتها المالية كده».

وطالب الرئيس السيسي المسؤولين، بالتحدث إلى الرأي العام عن التحديات التي تواجه الدولة، قائلا: «اتكلموا وقولوا الحكاية إيه للناس، قولوا ليه الكهرباء بتقطع، ما تقولوا ليه؟ لو أخدت تمن الكهرباء الحقيقية هضاعف تمنها مرتين، طيب الغلبان هيروح مني فين؟ أقطع الكهرباء ولا أغلّيها؟ وأغلّيها قد إيه؟ اللي بيدفع جنيه هيدفع 2 و3، لو مواطن بيدفع 100 جنيه في الشهر هاخد منه 300 جنيه، طيب بنعمل إيه، أنا بتحمل المسؤولية أمام الله وقدامك علشان الكهرباء تستخدم 24 ساعة مفيش قطع كهرباء خالص لازم أخلي تمن الكهرباء قد تمنها مرتين 3، بقول تاني ليه مبزودش كده؟ علشان مديونية وزارة الكهرباء للبترول قد كده.. طيب اللي باخده أقل من التمن، وبالتالي أنا مديون لوزارة البترول، وأنا عندي مشكلة إني أجيب البترول بالتمن ده، وباقي الشركات اللي شغالة معانا ليها فلوس عندنا، طيب ده مديون وده مدين وده مش وليد النهارده، دي ممارسات ماشين فيها بقالنا سنين، عملنا خطة في 2016 علشان نخلي الحاجة علي قد تمن تكلفتها لكن لازم تحطوا في الاعتبار تحديات أزمة كورونا والأزمة العالمية والحروب اللي حوالينا وتأثيراتها علينا، ومواردنا مش كتير علشان تسمح لنا بالتعامل مع التحديات».

وواصل الرئيس السيسي: «واحنا بنعيب علي المعنيين حتي في التقارير الصحفية والمقالات اللي بتتكتب محدش بيتناول المسألة بشكل موضوعي خالص يا جماعة يا انتوا مش عارفين يا احنا مخبيين عليكم».. بكلمكم بمنتهي الصراحة الدول لا تدار كده، وانما تدار بالجدية والمسؤولية والفهم ولو الناس فهمت هتيجي معاك وبقولك البديل أهو.. ممكن الكهرباء تشتغل 24 ساعة طبعا بس بكام؟.

المصدر: الوطن

كلمات دلالية: الرئيس السيسي

إقرأ أيضاً:

المالية: 4.7 مليون أسرة مستفيدة من برنامج «تكافل وكرامة» تصرف 300 جنيه «مساندة إضافية»

تابع أحدث الأخبار عبر تطبيق

استعرض أحمد كجوك وزير المالية، الدكتورة مايا مرسي وزيرة التضامن الاجتماعي، الموقف التنفيذي للإجراءات الاستثنائية العاجلة ضمن حزمة الحماية الاجتماعية التى تستهدف الشرائح الأولى بالرعاية خلال شهر رمضان، وعيد الفطر المبارك، تنفيذًا للتكليفات الرئاسية، بالعمل على تحسين الأحوال المعيشية للفئات الأقل دخلاً بالدعم النقدي المباشر.

وأكد وزيرا المالية التضامن الاجتماعي، فى بيان مشترك، أن ٤,٧ مليون أسرة مستفيدة من برنامج «تكافل وكرامة» صرفت ٣٠٠ جنيه مساندة إضافية خلال شهر رمضان لكل أسرة بتكلفة إجمالية ١,٥ مليار جنيه، أتاحتها «الخزانة العامة للدولة» لوزارة التضامن الاجتماعي لصرف هذه «المساندة الإضافية» لهؤلاء المستفيدين؛ تنفيذًا للتكليفات الرئاسية.

وأضاف الوزيران، أنه ستتم زيادة قيمة الدعم  النقدي للمستفيدين ببرنامج «تكافل وكرامة» بنسبة ٢٥٪ اعتبارًا من أبريل ٢٠٢٥ بتكلفة إجمالية بنحو ١٣ مليار جنيه حتى يونيو ٢٠٢٦

كان قد بدأ برنامج الدعم النقدي المشروط «تكافل وكرامة»، عام ٢٠١٤ بعدد ١,٧ مليون أسرة مستفيدة وبتكلفة قدرها ٣,٥ مليار جنيه، وشهد تطورًا كبيرًا تنفيذًا للتوجيهات الرئاسية بالاهتمام بالأسر الأولي بالرعاية.

جدير بالذكر، أن برنامج «تكافل وكرامة» تم تقييمه كأحد أفضل برامج الحماية الاجتماعية في الوطن العربي، وستحتفل وزارة التضامن الاجتماعي خلال شهر مايو المقبل بمرور عشر سنوات علي إطلاقه.

يتميز هذا البرنامج بالمرونة، حيث يسمح بضم أسر جديدة، واستبعاد أخرى على ضوء توفر الشروط المقررة.

مقالات مشابهة

  • اللي بيتهد مابيرجعش| الرئيس السيسي: ننفذ تطوير عميق دون صخب ولا نهدم المؤسسات
  • أزمة الكهرباء في أفغانستان.. معاناة مستمرة وحلول محدودة
  • السيسي يتابع استعدادات استقبال الصيف من مخزون المنتجات البترولية لتلبية احتياجات المواطنين
  • مليار جنيه لدعم البحث العلمي.. تفاصيل مبادرة تحالف وتنمية برعاية الرئيس السيسي
  • محافظ الغربية: تكامل بين التنفيذيين والنواب لتحقيق التنمية وتلبية احتياجات المواطنين
  • المالية: 4.7 مليون أسرة مستفيدة من برنامج «تكافل وكرامة» تصرف 300 جنيه «مساندة إضافية»
  • 300 جنيه إضافية.. صرف مساعدات تكافل وكرامة عن شهر مارس 2025 خلال ساعات
  • فتاة تفوز بـ 200 ألف جنيه في مدفع رمضان.. ووالدتها تعلق: إيه اللي يثبت إنك مش شعبان أحويا
  • الرئيس السيسى يلتقي قادة القوات المسلحة عقب أداء صلاة الجمعة
  • محافظة الوادي الجديد: نسعى لتنفيذ المبادرات التي تمس احتياجات المواطنين اليومية