الرئيس السيسي يتحدث عن أزمة زراعة القصب بالصعيد وأهمية الجوجوبا الاقتصادية

أكد الرئيس عبد الفتاح السيسي رئيس الجمهورية، أن مصر تمتلك 350 ألف فدان تتم الزراعة فيها لمحصول القصب في الصعيد ومن الممكن زراعة البنجر بنصف كمية المياه التي يحتاجها القصب.

السيسي: ندعو المستثمرين للمشاركة في المشروعات التي تنفذها الدولة عاجل| السيسي يفتتح عددا من المشروعات التنموية بجنوب الوادي عبر الفيديو كونفرانس أزمة مياه الري

وقال الرئيس السيسي خلال مؤتمر افتتاح عدد من المشروعات بجنوب الوادي، إنه من الصعب إقناع المزارعين وأصحاب الأرض بزراعة البنجر بدلًا من القصب لتوفير كميات المياه وزراعة مساحة أكبر من خلال هذه المياه.

وأوضح الرئيس السيسي: "غيرتوا مسألة زراعة القصب؟، أنت مستني لما مشكلة المياه تبقى مشكلة كبيرة وتضطر تحرم من كمية المياه دي بنفس الحجم، أنا مش بخوف الناس من حاجة، ماحبش نتعامل مع الموضوع إن هي أزمة قد تكون محتملة، بما إن هي أزمة قد تكون محتملة لازم أواجهها واشتغل عليها".

وأضاف الرئيس السيسي: "إنتو كوزارة الري مع المحافظة مع إخوانا الفلاحين أو المزارعين، إن يا جماعة القصب ده بياخد كميات مياه إنت مش حاسس بيها لإنك بتاخدها من نظم المياه الموجودة، لكن في النهاية على مستوى المياه الموجودة محتاجين نزرع بنص الكيمة دي بنجر لو عاوزين سكر أو أي محاصيل أخرى".

وتابع الرئيس السيسي: "لو أنا النهاردة عاوز أطلع كمية المياه بتوع الـ350 ألف فدان دول، واعملها تحلية، أو حتى معالجة مياه صرف زراعي، طب ما المحطة دي بتتكلف مليارات ثم تشغيلها بيتكلف مليارات، وساعتها مش هاقدر استخدم المياه دي لكل المحاصيل لإن درجة ملوحتها بتبقى زيادة شوية".

ولفت الرئيس السيسي إلى أنه: "في الإعلام والمسلسلات بتاعتنا ما بنتكلمش عن القضايا بتاعتنا وإزاي هذه القضايا تتحول لأفكار نعالجها ونقنع الناس بيها، والأراضي اللي بتتري بالغمر من غير نظم ري حديثة، إحنا هنا مكلفين فلوس كتير عشان محاولين بما إننا بنزرع الأراضي دي يبقى من الأول نحط كل النظم اللي تخلينا نستخدم أقل حجم من المياه في الإنتاج.

وأكد الرئيس السيسي: "إحنا بنتكلم عن 4 مليون فدان، وكتير هيسأل المياه دي جايبنها منين، إحنا جايبنها من الآبار، بنتكلم عن عين دالة على طبيعة أرض وطبيعة مياه، ملوحتها مش مساعدة وطبيعة الأرض مش مساعدة فبيتزرع فيها الجوجوبا، وبتتزرع في كل أنواع الأراضي ومياه الصرف حتى الصرف الصحي، طب إحنا كل مياه الصرف الصحي اللي ما بيستخدمش اتزرعت بيها جوجوبا؟، لأ، طب لأ ليه؟".

وتابع: "هي الجوجوبا مش لما تتزرع وتتاخد البذور بتاعها كوقود حيوي العالم عايزها وإحنا عاوزنها، وهتشغل ناس، وعوائدها مناسبة، طب ما نعمل بقى، ما نديش فرصة يبقى في مياه صرف صحي من غير ما نحط عليها عدد من الأفدنة تطلع الجوجوبا دي، وهي صالحة لها وهي ما بتتاكلش".

المصدر: بوابة الفجر