المؤبد للمتهم بقتل صديقه وتقطيع جثته بمنشار كهربائى فى منطقة عابدين
تاريخ النشر: 23rd, May 2024 GMT
قضت محكمة جنايات القاهرة برئاسة المستشار وائل زهران بمعاقبة المتهم بقتل صديقه وتقطيع جثته بمنشار كهربائى بالسجن المؤبد.
عقدت الحكم بعضوية المستشارين جابر الجزار ومحمود رشدان وعبدالله سلام.
كانت حصلت "اليوم السابع" على نص تحقيقات النيابة فى القضية رقم 279 لسنة 2023 جنايات عابدين والمتهم فيها مدرب كرة قدم بقتل صديقه وتقطيع جثته بصاروخ كهربائى داخل شقته فى منطقة عابدين، حيث أدلى المتهم باعترافات تفصيلية فى تحقيقات النيابة.
"اللى حصل أن يوم السبت 14 يناير 2023، جالى جارى أشرف "المجنى عليه" ونده عليا من تحت بيتى وطلب يطلع عشان اديله أكل وأنا طلعته عشان أعمله أكل لأنه غلبان ولما طلع عندى طلب منى اعمله كوباية شاى قبل الأكل فأنا دخلت المطبخ عشان اعمله أكل وخرجت فى الصالة لقيته ماسك الشنطة بتاعتى وأول ما شافنى على الكرسى اللى فى الصالة، فأنا قولتله أنت بتعمل إيه بالشنطة بتاعتى فقالى بيدور على السجاير والولاعة فأنا دورت فى الشنطة ولقيت 300 جنيه ناقصين، ولما قفشته لقيت معاه الفلوس فى جيب قميصه.
وأضاف المتهم فى التحقيقات: "روحت ضربته فى وشه وفى رأسه فهو داخ ووقع من الضربة على طرف الطرابيزة اللى فى الصالة ونزل دم من رأسه، وفضلت حوالى 10 دقائق لغاية ما تأكدت أنه مات، فروحت جبت سكين من المطبخ وضربته فى رأسه وفى صدره، وبعد كده نقلته للحمام وفتحت عليه حنفية الدش عشان أغسل الدم بتاعه، وبعد كدة فكرت إزاى اتخلص من الجثة فقولت فى بالى لازم اقطع جثته حتت كبيره عشان اعرف اتخلص منها فى أكثر من مكان ومحدش يكشف اللى عملته، وحاولت اقطع جثته بالسكينه بس منفعش عشان عضمه ناشف، فجت فى دماغى فكرة أنى اجيب صاروخ كهربائى من عند جارى عنده محل، فروحتله الورشة وخدت منه الصاورخ وعلمنى إزاى اشغله.
وتابع المتهم: "رجعت البيت تانى وشغلت الصاروخ وقطعت جثه أشرف وبدأت بالذراع الأيمن وبعد كدة ذراعه الشمال وبعد كده رجله اليمين قطعتها على أربع حتت ورجله الشمال على أربع حتت، وبعد كده فصلت رأسه عن جسمه وحطيتها فى حلة وغليت المياه عليها عشان تتطرى واعرف اكسرها، وبعد كده حطيت أجزاء الرجلين فى سبع شنط والجزء اللى فوق لفيته فى كرتونه وحطيته تحت سريرى اللى فى اوضتى، وكمان حطيت الرأس فى شنطة فى نفس المكان تحت السرير وحطيت الشنط فى الدولاب ورشيت عليهم ديتول وكلور عشان الريحة، ونضفت الشقة".
المصدر: اليوم السابع
كلمات دلالية: اخبار الحوادث جنايات القاهرة وبعد کده
إقرأ أيضاً:
اليوم.. استكمال محاكمة قاتل صديقه بـ حجر في الجيزة
تنظر محكمة جنايات القاهرة، المنعقدة اليوم الثلاثاء، في مجمع محاكم زينهم، محاكمة متهم في قضية قتل عمد بالجيزة.
تعود وقائع القضية إلى شهر يونيو 2024، حيث كشفت التحقيقات أن المتهم اعتدى على المجني عليه بإلقاء حجر على رأسه، مما تسبب في إصابته بكسور في الجمجمة أدت إلى وفاته لاحقًا، وفقًا لتقرير مصلحة الطب الشرعي.
وأوضحت التحقيقات أن الحادث وقع على خلفية مشادة كلامية بين الطرفين، سبقها خلاف نشب بينهما قبل الواقعة بأسبوعين، بسبب دخول المجني عليه إلى عقار يخص المتهم، وتصاعد الخلاف بينهما حتى انتهى بقيام المتهم بإلقاء حجر على رأس المجني عليه، مما أدى إلى إصابته التي تفاقمت لاحقًا وأدت إلى وفاته نتيجة مضاعفات صحية.
العدوان الأمريكي البريطاني يستهدف أمانة العاصمة ومحافظات صنعاء والجوف وصعدة