نزار العقيلي: (ما تعملو من الطين تورته)
تاريخ النشر: 23rd, May 2024 GMT
القرادة قالت ( انا و الجمل جبنا العيش من القضارف ) .. اتذكرت المقولة دي و انا بشاهد في ناس بتحاول تنسب مجهودات الجيش لنفسها .. و لو ربنا شاء بعد انتصار الجيش في المعركة ح ترتفع اصوات القراد و هي تتحدث عن ادوارها في المعركة و تتجاهل و تقزم دور القوات المسلحة .. المهم ده ما موضوعنا .. موضوعنا الاشاعات و الدعوات المستمرة لتدمير البنية التحتية للبلد .
يا جماعة الله يرضى عليكم ما تكونوا غشيمين ياااخ .. قبل يومين قلنا ليكم الجيش ما بيقدر يدمر المصفى و ما بيقدر يحطم كبري او يدمر مستشفى .. ما عشان ما بيستطيع .. بالعكس والله .. الجيش السوداني عندو قدرة تدميرية فوق ما تتصورو و عندو قوة مميتة قادرة إنو تمسح مئات الكيلومترات .. لكن بسبب طبيعة المعركة ما بيقدر لانها معركة حرب مدن و اي قوة مميتة يتم استخدامها او اي تدمير كلي للأعيان و المرافق الحكومية و البنية التحتية ح يفتح علينا ابواب ما بتتقفل باخوي و اخوك مع المجتمع الدولي و الاقليمي و القانون الدولي و الانساني .. الجيش ممكن يعمل تدمير جزئي في المصفاة او يضرب علبة او علبتين من اي كبري او يستهدف مخزن داخل مستشفى او اي مرفق حكومي .. لكن تدمير كامل دي ما بتحصل ياااااابشر .. دي بتجيب مشاكل مع المجتمع الدولي و مع القانون الدولي .. ح يطلع كائن يقول لينا طز في المجتمع الدولي البيتفرج على انتهاكات المليشيا تجاهنا .. و ده هو الكلام العاطفي .. اي خرق للقانون الدولي و الانساني بيدخلنا في عقوبات و مشاكل و ما ح نقدر نجيب لينا مسيرة او حتى لستك اسبير للاباتشي و بالتالي ح ينهار الجيش في اسرع وقت ممكن تتخيلو .. يبقى يا مؤمن .. دعوات التدمير الكلي للاعيان و المرافق هي دعوات للوقوع في الفخ .. و الجيش لا يمكن انو يستجيب لدعوات وهمية ذي دي .
المليشيا دي علاجها وااااحد .. ما محتاجة قوة مميتة او قوة تدميرية تقضي على الاخضر و اليابس .. تدمير المليشيا بيتطلب من الجيش إنو يواجهها بذات اسلوبها القتالي .. ودي الحاجة الشغال عليها الجيش حاليا” .. و باذن الله بعد اكتمال تدريبات المقاومة الشعبية و جاهزيتها تماما ح تشوفوا نهاية معركة تسر بالكم و تشفي صدوركم .
انشروا الوعي و ما تساهموا في دعم الموتورين البروجوا للتدمير الكلي للبنية التحتية .. و لا البروجو لاتهامات الخيانة داخل الجيش .. حاليا في بعض الاقلام تراجعت عن تخوين قيادة الجيش فجأة كده و بدت تمدح و تتكلم بي صوت العقل .. اها ديل نقول عليهم مطبلاتية ذي ما كانوا بقولوها لينا ؟؟ ولا نقول ( منافقين ) ؟؟ ولا نقول ليهم اتراجعتو بي ياتو ناحية ؟
اها البعض الاخر منهم قالو بي صريح العبارة ( كنا غلطانين و تاني ما بنهاجم البرهان ) اها ديل بنقول ليهم بي صوت حمادة عباسية ( احيييييييا ) … يا جماعة القلم ده أمانة كبيرة شديد و اذا ما بتقدر عليهو ( ما تشيلو )
نزار العقيلي
إنضم لقناة النيلين على واتسابالمصدر: موقع النيلين
إقرأ أيضاً:
بزشكيان: الجيش الايراني هو الحصن المنيع للدولة
الثورة نت/
قال رئيس الجمهورية الإسلامية الارانية ، مسعود بزشكيان، اليوم الجمعة إن الجيش الإيراني هو الحصن المنيع للدولة والشعب وسند لعزة المجتمع وزينة الولاية وركيزة الشعب والحكومة.
واضاف الرئيس بزشكيان في كلمة القاها في مراسم يوم الجيش الذي يصادف 18 ابريل أن أمن المجتمع واستقراره ممكن في ظل حضور الجيش القوي وجهوزيته، وإن لم تكن هذه القوة المباركة في المجتمع لكان الأمن يرحل من مجتمعنا.
واضاف أن ايران وبدعم من الجيش والقوات العسكرية والشرطية والأمنية تقدم نفسها كقوة راسخة في منطقتها. مؤكدا ان الجيش يواصل مساره وحركته بوصفه نموذجا تنظيميا واداريا منظما وفريدا في البلاد.
وقال بزشيكان “إن الأعداء حاولوا في بداية الثورة الاسلامية، تقويض الجيش لكن ذلك لم يحصل ببركة وجود قائد الثورة وبقي الجيش قويا”.
غدًا.. تدابير سير على الطريق البحرية من بيروت الى الضبيه