هل كثرة الذنوب تمنع التوبة؟.. خالد الجندي يجيب - فيديو
تاريخ النشر: 22nd, May 2024 GMT
كتب - مصراوي:
أجاب الشيخ خالد الجندى، عضو المجلس الأعلى للشئون الاسلامية، على سؤال فتاة يقول: "هل كثرة الذنوب تمنعنى من التوبة، وأحيانًا فى ناس بتشعر إن ربنا لا يتقبلها؟".
وأوضح عضو المجلس الأعلى للشؤون الإسلامية، خلال حلقة خاصة بعنوان "حوار الأجيال"، ببرنامج "لعلهم يفقهون"، المذاع على فضائية "dmc"، اليوم الأربعاء: " لا أحد من الناس يتكلم نيابة عن الله، وبالتالي مش من حق حد يقول ربنا زعلان منك، أنت مين أنت معاك تفويض مثلًا هو جالك وحي مافيش وحي بعد سيدنا النبي عليه الصلاه والسلام فبالتالي ماحدش يتكلم باسم الإله، أمراء الجماعات الإرهابية جريمتهم إيه انهم بيتكلموا باسم الله وكان في مسلسل اللي هو بتاع الحشاشين ده اللي قدمته الشركة المتحدة، كان مسلسل مهم جدا بيوجه الناس لحاجه في منتهى
الأهميه بيقول له انت كل القصة دايرة حوالين واحد أوهم غيره انه معاه مفاتيح الجنة، فهل هناك واحد معاه مفاتيح الجنة أكيد لا وبالتالي كل إنسان يؤخذ منه ويرد".
وتابع: "احتمال الخطأ والصواب وارد من كل إنسان فمافيش حد يمضي على بياض لحد وبالتالي عيب بعض الأولاد في الجيل في الجيل بتاعكم ويعني للأسف عيب البعض ما انا مش بعمم ان هما بيصدقوا كل ما يقعد في السوشيال ميديا بيقبلوا أي خبر من غير تريث أو تثبت ممكن يزعزع ثوابت عندك وثوابت عندي ودي مشكله كبيرة جدا يعني استعدادك لتصديق كل ما يقال ويكتب على السوشيال ميديا بعض الناس فاكرة ان واحد يكون عنده مدونة على النت انه ده سيدنا جبريل اللي بيكتب ده، بعض الناس فاكرة انه مجرد ان واحد بيقول رأيه في مسالة ان ده الإمام الشافعي اللي كتب رأيه الفقهي في المسالة".
المصدر: مصراوي
كلمات دلالية: معدية أبو غالب معبر رفح طائرة الرئيس الإيراني التصالح في مخالفات البناء أسعار الذهب مهرجان كان السينمائي الطقس سعر الدولار سعر الفائدة رد إسرائيل على إيران الهجوم الإيراني رأس الحكمة فانتازي طوفان الأقصى الحرب في السودان الشيخ خالد الجندى
إقرأ أيضاً:
اليوم.. أطول رجل في مصر والطفل المعجزة ضيفا برنامج "واحد من الناس"
في حلقة خاصة من برنامج واحد من الناس في التاسعة والنصف مساء اليوم الاثنين، علي شاشة الحياة ، يستضيف الإعلامي د. عمرو الليثي الطفل المعجزة محمد والذي ظهر من ١٠ سنوات دون انف وأصبح حافظ للقران، ويمتلك البصيرة والموهبة والعطاء الرباني.
حالة محمد ابهرت كل من راها أو شاهدها وسمعها، وموجود منها 7 فقط على مستوى العالم وواحدة فقط فى مصر والشرق الأوسط.
والطفل محمد تم استضافته من 10 سنين فى واحد من الناس وكان عمره شهور، ويعاني من عيوب خلقية كثيرة فهو بلا أنف وبلا فم أو حلق وربنا سبحانة وتعالى حرمة من نعمة البصر
ورغم كل ذلك فهو يملك البصيرة والموهبة والعطاء الربانى الذى عوضة عن كل النعم اللى اتحرم منها.
ويتحدث محمد عن أسرته وأخواته وكيف حفظ القران وايضًا يستطيع الاستماع إلى الموسيقي والعزف علي الدف.
كما يلتقي مع اطول رجل في مصر " ابو العلمين " طولة وصل مترين و٣٠ سم ويتحدث عن العديد من المواقف الطريفة بسبب طوله واحيانا يتعرض إلى تنمر بسبب طوله.
واحد من الناس يذاع في التاسعة والنصف مساء اليوم الاثنين علي شاشة الحياة