إبداعات| بسكاليا.. قصيدة: لـ «محمد الكاشف»
تاريخ النشر: 22nd, May 2024 GMT
تابع أحدث الأخبار عبر تطبيق
النيل خجول
لكنه صادق في المواجهة
وفي المساعدة
وفي المساندة لطمي روحي
اكمن بوحي
بالمقارنة أو المشابهة زي حاله
عايش في باله
زي ما انتي في روحي عايشة
يجوز ظروفنا لسّاها حايشة السكة منا
لكن مسيرنا باللي بيِنَّا
هانلاقيها وتلاقينا
مع براح الحلم فينا
تخلق مدينة
مش مدينة لأي حد بأي حاجة
لسه فاكرك في كل حاجة
وكل شيء
ما أنت الطريق
اللي ندهني لما رميت بُعد المسافة للنهار وروحت ماشي
يمكن فرار لكن ما جاشي في الغياب وهز كوني
اللي اتكتب كان من جنوني
وكان بديل لحزن ثابت في الوشوش
لو كان يحوش تقل البكا
ما كانش ولول واشتكى من صبري
«ضيفي الخفيف»
واللي يضيف عالسيرة زرعي
أكيد هيحصد كل اللي فايته من شهور
متخيلة ريحة البخور اللي بتسبق حضرتك عند المقام؟
مفيش كلام يوصف هيامي بكل حاجة بتلمسيها بنظرتك
ما أنت الغرام
اللي بدايته في طلتك كانت حياة
حتى اللي تايه من عينينا النيل لقاه مع حضن منك
وده لأنك
أول ما كنتي بتغزليني
بتسبيني للحلم فيكي
فأقوم وأغني بين ايديكي
كأني -ومن بين التمني- شفت فيكي سري بيكي
ساعتها بس القُرب خانّي بالدموع
ما أنا مش يسوع
ولا حتى كنت في يوم يهوذا
لكني شارع في العجوزة ما احتملش الزحمة مرة
والغربة مُرة عاللي فاهم
وكان مُساهم في الغواية على شط ليلك
مستحيلك ما كانش عادي
وما كانش عندي مستحيل
والدليل فارد شراعه عالمراكب
يمكن يواكب ريحي العصية
فيقوم يبوح
بعد السلام والتحية من غير جنوح
يوهبني روح
من كل معنى حرفه ليا كان صديق
وكان آدان
جامع صلاتي في قلب خصرك
لله درك
من فَجر سِحرك
شفت بعينيا وردة خجولة بتنولد بين الكفوف
وكات تغني للندى يمكن يشوف
طعم الوجود ويحس بيه
فتعود إليه
مع كل لحظة
يشتريها وتشتريه
فتعدي بيه يم البراح
تفتح بيبانه بالسماح
تفرد جناح من ضحكتك
ما يخلينيش للحظة أفكر في المصير
بالله عليكي
زيدي الخطاوي في سكتك يمكن نطير
ما كانتش صدفة إني أشوفك من كتير
في كل سيما دخلتها
لسه فاكر قلب فاطمة الملتهب بُحب يوسف مع شكلها
وهي بتناجي سيدها المغربي
بكل حاجة وبالنبي
لأجل ما تنول القبول
ويكون صبي في روحها مرة
ولسه فاكر ندهة صباح وهي برة على منتصر
حديت عينيها بيختصر كل الكلام
حتى فريدة
اللي لقيتها في الزحام
لما قابلت ضعف يحيى من غير ملام
كانت له طوق
بل العروق من بعد صمت
كلهم مع كل طلة خدوني ليكي
خلوني قمت
وفي النيل غسلت
دهشة كانت متلبساني
يمكن معاها الرؤية توضح
ويعود زماني لحضني تاني
بالمرة يشرح
ليه حنانك مع حناني شابكين ايديهم؟
والعمر ليهم مع كل قول
واديني اهوه من غير ما أخبي
على طول بأقول
لو لسه فاكرة مالبداية قلت لك: النيل خجول
لكني فيكي عمري ما أخجل
.المصدر: البوابة نيوز
كلمات دلالية: إبداعات البوابة
إقرأ أيضاً:
عضو بـ«الشيوخ»: 30 يونيو حققت مكاسب سياسية واقتصادية لا يمكن إغفالها
هنأ وكيل اللجنة الدينية بمجلس الشيوخ نادر يوسف نسيم، الرئيس عبد الفتاح السيسي، والشعب المصري بمناسبة الذكرى الـ11 لثورة 30 يونيو، قائلا: «كانت فاتحة الخير والتنمية الشاملة، ومجيء القيادة السياسية الوطنية ممثلة في الرئيس السيسي للحكم، وهو الزعيم الذي جسد أحلام المصريين ورؤاهم بوعيه بمشكلات وأزمات الدولة المصرية ووطنيته الشديدة».
ثورة 30 يونيو أنقذت مصر من مخطط الدمارولفت «نسيم» في تصريحات صحفية اليوم، إلى أن 30 يونيو حققت مكاسب سياسية واقتصادية وتنموية للوطن لا يمكن إغفالها، فقد أنقذت مصر من مخطط للدمار والفتنة الطائفية ومن جماعة عاجزة عن إدارة الدولة لا ترى غير مصالحها وأجنداتها، موضحا أن ثورة 30 يونيو مكسب وطني كبير، شارك فيه عشرات لملايين من المصريين لضرب مخطط الأخونة ووقف مد التيار الديني.
مصر حجر الزاوية في سياسات الشرق الأوسطوشدد عضو مجلس الشيوخ على أن الاحتفال بـ30 يونيو هذا العام يختلف عن كل الأعوام السابقة، حيث يأتي في وقت نحتاج فيه إلى تكاتف وترابط الشعب بأكمله، لإجهاض المؤامرة والتصدي لبعض المشكلات الطارئة، فتكاتف وترابط المصريين خلف قيادتهم السياسية هو ميزان استقرارها، كما أن مصر حجر الزاوية في سياسات الشرق الأوسط كله.
ثورة 30 يونيو نقطة فارقة في تاريخ مصركما أوضح أن ثورة 30 يونيو كانت نقطة فارقة ومهمة في تاريخ الدولة المصرية؛ وأنقذت مصر من حرب أهلية كانت ستتسبب في تفشي الإرهاب وانعدام الأمن والاستقرار فيها لسنوات طويلة.
واختتم النائب نادر يوسف نسيم تصريحاته بالإعراب عن سعادته بالإنجازات التي حققتها دولة 30 يونيو تحت قيادة الرئيس السيسي، من بينها المشروع الوطني للطرق وبناء مليون وحدة سكنية وإعادة تأهيل البنية التحتية لإنشاء العاصمة الإدارية الجديدة والعلمين الجديدة ومشروعات حياة كريمة وتكافل وكرامة الذي ضم ملايين المستفيدين.
بالعلامة الكاملة.. فنزويلا تحجز مقعدها في ربع نهائي كوبا أمريكا