إبداعات| «يوم في حياة تمرجى».. قصيدة لـ مصطفى التركي
تاريخ النشر: 22nd, May 2024 GMT
تابع أحدث الأخبار عبر تطبيق
لو غمّضت عينيا يموت العالم
عايز تبكي تعالى
عايزة الحزن تعالي
حزني خام ومثالي
هـ أحكي كتير
اعرفوا إني قبل ما تقروا
بـ اظهر طيّب وانا جوايا
شخص حقير
قبل ما اقول
إوعوا تقارنوا قصايدي بغيرها
شِعْري اتمَيَّز
عدّى خلاص الوقت اني اثبت
إني مُمَيَّز
آخر حاجة
هضرب نفسي
وهضرب غيري
وهمضغ قلبي
واتِفُّه
لو بتخافوا ما تمشوش عندي
إرجعوا، لِفُّوا.
كدب فِ كدب
أنا كداب
قلبي يدب
كسرت الباب
عايز أحضن
ناقص إيد
عايز ابوسك
ناقص شِفَّة
كل ما اقرّب
تبقي بعيد
ده مش تُقْل
ودي مش خِفَّة
أفهم إيه من كل كلامِك
أفهم إيه من باقي كلامها
أنا دلوقتي مش قدامِك
ولا قُدّامها
ولا في منامِك
ولا في منامها
أنا نكرة
في حياة الكل
عامل ايه
أنا زي الفل
أنا حشرة
تتداس بالجزمة
قلبي مالوش ولا أيها لازمة
حبيتك
وانتي رفضتيني
حبيتها
رفضتني التانية
حَبِّتني
ليه بتحبيني
طيب استنيني لثانية
واستنّتني
..
لو لسه ما شوفتوش الحزن
ف أنا الآن
كنت في أكتر حتة فِ روحي
فيها أمان
أنا صدري مكبوس بالقطن
وعينيا ملفوفة بشاش
باجري أعيط عند الركن
واطلع اقول أنا روحي قماش
"هنا مقص
وهنا مقص"
هنا هزايم
بتترص
شديت تفاح
شديت قص
ولعت سجارة وسجارة
والدخان شغال في الرقص
كنت معاها
وكنت معاها
لما كاوتشي كان مقطوع
وف وقت الحظر الممنوع
وطلبت حلالها المشروع
دلوقتي مش فاكر حاجة
والدمع فِ عيني مزروع
قالت؟
قالت
حسيت في إيديها بسخونة
وف نظرة عينها انها مالت
فارقت؟
فارقت
سرقت قلبي وبعدها صرخت
سألوني عنها وقلتلهم
باين اتسرَقِت
اكشفي ورقِك
قولي اسبابِك
ليه تسيبيني؟
أسناني الصفرا دِيّتها
جلسة لدكتور الأسنان
ولّا عشان قلبي القلقان؟
خايفة من سِم التعبان؟
راحة قارئ/
...
شرب الشاعر شَرْبِة مَيّة، من عينها مش م الحنفية
زاره الطيف قال بص عينيا، وغيابها عامل إيه فيا
...
رجوع للشعر/
العنوان الصادم لُقْطَة
والألفاظ الصادمة قبيحة
والقافية دي زي زُغُطَّة
لو زادت في الشعر فضيحة
لابس وش
وتحته وشوش
كنت حزين
أو كنت بشوش
كنت تمرجي
أو دكتور
هتلاقي
في الحلم وحوش
إنت وإنتي
اعرفوا إن الشعر مدينتي
وقصيدتي خليتها سفينتي
اعرفوا إني باعرف اقول
وابني السور وأبعد عن دول
وأقدر أخلّي الحرف بتول
تظهر أفعى من سِكّينتي
إنتوا عرفتوا؟
اعرفي إنتي...
المصدر: البوابة نيوز
كلمات دلالية: إبداعات البوابة
إقرأ أيضاً:
آسر ياسين عن قلبي ومفتاحه: معجب ومندهش مثل رد فعل الجمهور
قال الفنان آسر ياسين إن انطباعه وانطباع جميع نجوم مسلسل "قلبي ومفتاحه" كان مشابهًا لانطباع المشاهدين، مشيرًا إلى أنه استمتع بمشاهدة المسلسل وأداء كافة الفنانين، حتى أدائه وأداء مي عز الدين، بالإضافة إلى الحالة الفنية التي أحدثها المخرج الكبير تامر محسن.
وتابع خلال لقائه في برنامج "كلمة أخيرة"، الذي تقدمه الإعلامية لميس الحديدي على شاشة ON:"ردود أفعال الجمهور المرحّبة بالعمل وسعادتهم به، أرحّب بها وأتفق معها تمامًا."
وأوضح أن نجاح أعمال المخرج تامر محسن ليس أمرًا جديدًا، بل هو سِمة مميزة في جميع أعماله، مضيفًا:"مسلسل قلبي ومفتاحه له خصوصية شديدة، لأنه عمل يتميز بالعبقرية. تامر محسن دائمًا يخلق ظروفًا غير تقليدية للشخصيات في أعماله، ثم يُراقب كيف تتفاعل الشخصيات مع هذه الظروف، كما رأينا في لعبة نيوتن وقلبي ومفتاحه."
وأردف قائلًا:"هو لا يقدم الشخصيات والأحداث فقط لصناعة دراما، بل يحمل رسالة يريد إيصالها. فهو يختار ظرفًا معينًا بشخصياته ويناقش من خلاله قضايا مجتمعية هامة. مثلًا، أين نجد اليوم شخصية عزت؟ وأين الباحث العلمي الملتزم الذي يجد نفسه مضطرًا لفعل أشياء غير مشروعة وتمسكه بالمبادئ؟ وأين شخصية أسعد، التي قدمها دياب؟ فهو يرسم ملامح من المجتمع المصري الحالي ويناقشها من خلال شخصياته، في قالب درامي ممتع يشدّ أنظار وأفئدة المشاهدين."
محافظ بني سويف يؤدي صلاة عيد الفطر الميارك بساحة مسجد عمر بن عبدالعزيز