رسالة مؤثرة من أب لابنه في أثناء حفل زفافه.. «أنا كتفك وحضنك»
تاريخ النشر: 21st, May 2024 GMT
انتشر مشهد مؤثر لأب في أثناء حفل زفاف نجله، إذ بكى الوالد بطريقة هيستيرية أبكى الحضور، وهو يتذكر مواقف بينهما عبر له من خلالها عن حبه الشديد، وتفاعل الآلاف مع الفيديو المنتشر عبر منصّات التواصل الاجتماعي، بسبب تأثر الأب وكلماته.
رسالة من أب لابنه في حفل زفافهفي مقطع لا يتجاوز مدته دقيقة، ظهر الأب وهو يتحدث في الميكروفون خلال حفل الزفاف، ولمست كلماته القلوب بالمواقف التي جمعته بنجله تظهر حبه الشديد له وتأثره برحيله عن المنزل: «هفتكرلك موقف من 10 سنين، جيت صحتني 12 بالليل قومت منزعج، قولتلي أقعد قعدت وأنا مش فاهم في إيه، لقيتك في حضني وراسك على كتفي وقعدت تبكي، وأنا سيبتك وبعدين مشيت، وفهمت يومها إنّك مكنتش محتاج تتكلم بس كنت محتاج حضن وكتف».
ويكمل والده: «النهارده أنت بتسيبنا، وده أمر قاسي علينا، بس الرجل يترك أبيه وأمه ويكون بزوجته»، راويا موقفا آخر: «تاني موقف فارق معايا لما شوفتك بتلم هدومك عشان الجواز، أنا دخلت المكتب وبكيت بشدة»، وحاول الأب تغيير الموضوع لتعم الفرحة المكان: «بس الحقيقة مقدرش أنكر أني أتعزيت لأن أول مرة هشوف الأوضة مش مكركبة، وأن مامتك مش هتفضل مستنياك في الصالة لحد ما ترجع».
وصية مؤثرة للزوجةويقول ماهر صموئيل، لـ«الوطن»، أنه أراد أن يوضح للآباء والأمهات أنّ حبهم لأبنائهم لا بد أن يشاركوه معهم، ويظهروه لهم خاصةً في الأوقات الفارقة معهم هذه.
وأضاف أنّه لا بد أن يعرف الجميع التعاليم الأبوية الصحيحة، والتربية الإيجابية للأبناء: «لازم يحسوا أننا معاهم دايمًا وجمبهم، ونتشارك المواقف اللي حصلت بينا، وده كان لازم أقوله في فرح ابني العزيز».
وأوصى الأب زوجة ابنه: «ربنا معاكي يا حبيبتي، خلي بالكم من بعض، وهيفضل حضني وكتفي ليك لأخر يوم في حياتي»، ليقبل الابن رأس أبيه باكيًا، ويحقق مقطع الفيديو آلاف الإعجاب في دقائق.
المصدر: الوطن
كلمات دلالية: وصية أب حفل زفاف بكاء
إقرأ أيضاً:
شادي شامل: غيرت شكلي علشان مسلسل العندليب.. ومبقتش ألبس حلق بعد الانتقادات
تحدث الفنان شادي شامل، عن مسلسل “العندليب”، وعن الانتقادات التي لاحقته بسبب ارتدائه الحلق وكيف تعامل معها.
وقال شادي شامل، في حواره مع الإعلامية إنجي هشام، في برنامج "أوضة ضلمة"، المذاع عبر شاشة قناة هي تعليقًا على هجوم المخرج جمال عبدالحميد: "يعني إيه مسلسل نصباية، اللي بيقوله ده يدينه مع احترامي ليه، لما هو نصباية عملته ليه؟، ولو أنا مبعرفش أمثل عملت إزاي المسلسل؟، والمسلسل نجح وكسر الدنيا".
وأضاف: "أنا لما جيت أعمل مسلسل العندليب شكلي مكنش له علاقة بـ عبدالحليم حافظ على الإطلاق، وقالولي أنت متنفعش وقولتلهم أنا هعرف أغير شكلي، دي شغلانتنا".
وعن سبب عدم مشاركته في أعمال فنية بعد مسلسل العندليبعلق شادي شامل: "ممثلتش بعد العندليب لأني سافرت بعد الثورة وركزت في التلحين، والمنتجين كانوا بيقولوا عايزينك بطل العمل، ولكني بعدت وبدأت أرجع تاني، ولازم الدور يكون مكتوب حلو، ونفسي أعمل دور سايكو معقد، ومعنديش مشكلة أتخلى عن شكلي من أجل دور"
عن الانتقادات التي تلقاها بسبب ارتدائه الحلققال شادي : "با تقبل الانتقاد عادي جدًا ولا بيهمني، وأنا مبركزش مع الانتقادات، وأنا تداركت الموقف لما لقيت هجوم علشان لبست الحلق ومبقتش ألبسه، ولكن بمزاجي مش علشان حد هاجمني".