قطر والقروش مطر.. في ناس أكلو كترت عدس ما أكلو في حياتهم كلها في السودان
تاريخ النشر: 15th, May 2024 GMT
تعليقا على منشور أمس بخصوص قطر
أنا من زمان عندي نظرة للاغتراب
و انو ما هو بالوردية البتخيلوها بعض الشباب
يعني شوف انت قاعد في السودان أوعك ثم أوعك تفكر تشتري إقامة وتجي دولة من دول الخليج دي ما دام ما جاك عقد عمل
شوف قطر دي فعلا قطر و القروش مطر
فيها قروش زي القروش والله و بلد متطورة للحد البعيد
مثلا عادي تلقى كوريلا ٢٣ تاكسي
شوارع تأكل فيها مستشفيات تقول القصر الجمهوري حقنا سابقا يعني ماشاء الله تبارك الله
مساجد اللهم بارك زي الفنادق ال٧ نجوم
ولاندكروزر دي بتشوفها في قطر زي الركشة عندنا
لكن ده ما معناهو تمشي تشتري ليك إقامة وتقول حتلقى شغل
الشغل هنا صعب جدا جدا
أنا جيت زيارة للممارضة
لكن حاولنا نشمشم ساي كده لعل وعسى نلقى لينا شغلة لكن والله صعبة جدا
مثلا المجالات التقنية دي كلها الهنود فيها ما بتحصلو
و المجالات الهندسية برضو فيها فطاحلة كبار و مستوى المنافسة صعب شديد
يعني الانجليزي ده لازم تكون منجضو بشهاداتو دي حاجه أساسية أكتر من الأساسية
حتى مجالنا الشرعي ده المنافسة فيهو صعبة جدا جدا وعلى ذلك قس
عشان كده أكبر غلط انك تشتري إقامة وتجي تقول تفتش شغل هنا
والله في ناس أكلو كترت عدس في قطر ما أكلو حياتهم كلها في السودان
و في سودانيين والله ما بلقو أكل و في ناس ما بلقو مكان ينومو فيهو و في ناس بمشو السفارة عشان ترجعهم
و المسكين تلقى اشترى إقامة ممكن ب ١٥ ألف ريال
١٥ ألف ريال دي حتى لو عشرة اشتري ليك ركشة وممكن تجيب ليك ركشتين وممكن تجيب كريز كمثال و دقش بيها أحسن ليك مليون مرة من انك تفكر تشتري إقامة ساي
و من المفاهيم الخاطئة انو المغتربين ديل مرطبين
هو مبدئيا كده في مغتربين مرطبين اللهم بارك
لكن غالبيتهم تعبانين والله تعب شديد
ممكن تلقى لابس سمح وسائق عربية نحن في السودان بنشوفها سمحه وشايل آيفون
لكن صدقني دي كلها ما بتعكس ليك حقيقة الوضع
عادي تشتري آيفون ١٥ برو ماكس بأقساط شهرية ٢٠٠ ريال
وعادي تشتري عربية بأقساط ٥٠٠ريال
و الوضع ده زاتو ما أي زول بقدر عليهو
و برضو الملابس حقتهم بتشوفها نضيفة لانو البلد ديك ما فيها ذرة غبار و نضيفة نضافة شديدة اللهم بارك ومويتهم ما عكرانه
نحن ملابسنا دي ضيعتها مويتنا العكرانه دي ساي
و برضو في مغتربين وديل كمية كبيرة عايشين حياة أحسن منها حياتك في السودان
الواحد تلقى بطلع من صلاة الفجر و يجي آخر الليل و ياخد قروش بسيطة جدا
و السبب في ده انو ما عندو مؤهلات تخلي ينافس مع الفطاحلة الكبار
المهم ما جاك عقد عمل مضمون
ما تشتري اقامة
ما تقول اشتري و أجي أفتش شغل لأنك حتندم
و برضو أوجه رسالة شكر
للمغتربين الشالو حمالة كبيرة جدا في فترة الحرب
في مغتربين و غالبيتهم والله هكذا
بحرمو نفسهم من أبسط الأشياء عشان يرسل لأهلو في السودان فجزاهم الله خيرا وبارك الله فيهم .
مصطفى ميرغني
المصدر: موقع النيلين
كلمات دلالية: فی السودان فی ناس
إقرأ أيضاً:
في ذكرى الاستقلال.. «المنفي» يتلقى مزيدا برقيات تهنئة من رؤساء دول حول العالم
تلقى رئيس المجلس الرئاسي محمد المنفي، مزيدا من برقيات تهنئة بمناسبة يوم الاستقلال، من رؤساء العديد من الدول العربية والعالمية، بينها دول موريتانيا واليونان وهولندا والصين، وتمنوا جميعا للشعب الليبي الرخاء والاستقرار .
حيث تلقى رئيس المجلس الرئاسي، “محمد المنفي”، برقية تهنئة بمناسبة ذكرى الاستقلال، من رئيس الجمهورية الإسلامية الموريتانية، “محمد ولد الشيخ الغزواني”.
وجاء في نص البرقية، ” صاحب الفخامة والأخ العزيز بمناسبة احتفال بلادكم بعيدها الوطني، يسرني أن أعبر لفخامتكم عن أحر التهاني، متمنياً للشعب الليبي الشقيق المزيد من التقدم والرخاء، كما أجدد لكم حرصنا على العمل مع فخامتكم سوياً لتعزيز وتطوير علاقات التعاون القائمة بين بلدينا خدمة لمصالح شعبينا الشقيقين”.
كما تلقى رئيس المجلس الرئاسي، “محمد المنفي”، برقية تهنئة بمناسبة ذكرى الاستقلال، من رئيسة الجمهورية اليونانية، “كاترينا ساكيلاروبولو”.
وجاء في نص البرقية، ” بمناسبة العيد الوطني لبلادكم، يسرني أن أعبر لكم باسمي وباسم الشعب اليوناني عن خالص التهاني وتمنياتنا الصادقة بموفور الصحة لشخصكم والتقدم والازدهار للشعب الليبي الصديق. العلاقات بين شعبينا ذات تاريخ طويل وتتسم بمشاعر ودية واحترام متبادل. اليونان ستواصل دعمها الثابت والعملي لمسيرة ليبيا نحو تحقيق الاستقرار السياسي والازدهار في البلاد”.
حكم فرض الحكومة وغيرها مبالغ كبيرة لشراء كراسة العطاء