في أول ظهور لها.. زوجة عصام صاصا ترد على شقيق ضحية الحادث

عبرت جهاد ماهر، زوجة مطرب المهرجانات عصام صاصا، عن غضبها من تصريحات شقيق ضحية صاصا، موضحة إنه يعاني من حالة نفسية سيئة جراء الحادث.

وقالت زوجة عصام صاصا، في مقطع فيديو عبر خاصية ستوري بحسابها بموقع تبادل الصور والفيديوهات إنستجرام: أنا شُفت فيديو لـ أخو المتوفي، بيتكلم على البوست اللي عصام نزله أول ما خرج من النيابة وأنه حاسس بالذنب، هو لغاية دلوقتي حاسس بالذنب ولكن مش عشان غلطان زي ما أخو المتوفى بيقول، أنت حقك تشوفه غلطان وقت زعلك، ولكن تهدى وتسمع الشهود وتعرف أن أخوك كان بيعدي الطريق مش واقف على الرصيف زي ما أنت بتقول.

وتابعت زوجة عصام صاصا: محصلش والعربية هي اللي تثبت، ولازم عصام يحس بالذنب ولكن مش علشان هو غلطان، عشان هو حاسس أنه سبب في وفاة واحد، لو خبطت كلب وأسفة أني بقول كده، أو أي حيوان معدي هزعل عليه، ما بالك أنا خبطت روح وأتوفت، قضاء ربنا وحصل حادثة ومات، مش طبيعي يبقى حاسس بالذنب وتعبان؟، ومش قادر ولا ينطق ولا يأكل ولا يشرب.

 

إلقاء القبض على عصام صاصا

يشار إلى أنه قامت الأجهزة الأمنية بمديرية أمن الجيزة، بإلقاء القبض على مطرب المهرجانات الشعبي عصام صاصا، بتهمة دهس شخص أعلى دائري المنيب.
 
 

عصام صاصا يدهس شخصا أعلى دائري المنيب 

وفي نفس السياق قال مدير أعمال عصام صاصا في تصريحات صحفية: المطرب كان معدي على الطريق بالعربية أعلى دائري المنيب وكانت في لمه هناك بسبب حادث على الطريق، وهو واقف بالسيارة الناس افتكرته هو اللي المتسبب في الحادث، وتم القبض على عصام صاصا وحاليًا يتم التحقيق معه في القسم.
وتلقت مديرية أمن الجيزة، بلاغًا من مستشفى الهرم بوصول جثة هامدة لشخص جراء حادث تصادم أعلى الطريق الدائري، وعلى الفور تم اتخاذ.

وجاء في  تحريات الأجهزة الأمنية، أنّ الواقعة بدأت بعد تلقي بلاغ بمصرع شخص إثر تعرضه لحادث تصادم سيارة ملاكي قيادة المطرب الشعبي عصام صاصا فجر اليوم، على طريق دائري المنيب قبل نزلة المريوطية بمنطقة الهرم.
 
وعلى الفور انتقلت قوة أمنية إلى المستشفى، وبالفحص والمعاينة تبين أن عصام صاصا كان يسير بسيارته أعلى الطريق الدائري نطاق قسم شرطة الطالبية، وفي أثناء ذلك صدم شخصًا مما أسفر عن وفاته متأثرًا بجراحه بكدمات وكسور متفرقة بالجسم.
 

المصدر: بوابة الفجر