حلمي طولان: حسام حسن بيهد معنويات المنتخب وخسر اللاعيبة
تاريخ النشر: 15th, May 2024 GMT
انتقد الكابتن حلمي طولان نجم نادي الزمالك السابق، حسام حسن المدير الفني لمنتخب مصر بعد التصريحات الأخيرة التي أدلى بها بشأن لاعبي الدوري وأزمة المحترفين.
وقال حلمي طولان خلال مداخلة هاتفية ببرنامج "حضرة المواطن" الذي يقدمه الكاتب الصحفي سيد علي بقناة "ألحدث اليوم":"هل الكابتن حسام حسن مكنش عارف ماشة اللاعبين المصريين ووضع المنتخب الوطني قبل ما يكافح ويجند مصر كلها علشان يبقى مدرب المنتخب؟ أكيد كان عارف يعني".
وتابع:"حسام حسن بقاله 15 سنة بيدرب الأندية مش عارف إمكانيات اللاعيبة دي؟ يعني دلوقتي معندناش لاعيبة، وقبل كده ايام كيروش كان يطلع ويقول عندنا احسن لاعيبة، ايه التناقض ده والناس مبقاش بينضحك عليها".
وواصل:"انا فوجئت بالكابتن مدحت شلبي بيقول إن فيه بعض اللاعيبة المحترفة في منتخب مصر مش عايزة تيجي المنتخب، زي محمد صلاح وعمر مرموش وأحمد حجازي، وبعدين هل لما اطلع أقول التصريح في صالح المنتخب وفي صالحي انا كمدير فني؟ حسام حسن بيهد أدواته وبيخلص علي أدواته نفسيا".
وأكمل:"بعد تصريحات حسام حسن مين اللاعيب اللي هيبقى عنده الثقة انه يلعب معاه؟ مين اللاعب اللي هيبقى عنده الثقة انه مقتنع به، المفترض هو اللي يعلي معنويات اللاعيبة مش يهدها ويخليها زيرو، انا محاربش أدواتي وانا شخصيا قدام الرأي العام والصحافة بقول علي لاعيبتي احسن لاعيبة في العالم وضروري احميهم واكبرهم واحافظ عليهم لإن هما السلاح اللي بحارب بيها".
واستطرد:"حسام حسن جانبه التوفيق والصواب، وانا طبعا زعلان جدا من تصريحاته ومينفعش المدير الفني يغفل الجانب النفسي مع لاعيبته، هو بيخسر اللاعيبة بالشكل ده".
المصدر: بوابة الوفد
كلمات دلالية: حسام حسن حلمي طولان حسام حسن المدير الفني لمنتخب مصر منتخب مصر أزمة المحترفين الدوري
إقرأ أيضاً:
«أهلي 2005» يخسر أمام بيراميدز في دوري الجمهورية للشباب
خسر فريق الشباب لكرة القدم بالنادي الأهلي مواليد 2005 خارج ملعبه أمام بيراميدز، بهدفين دون رد، في المباراة التي أقيمت بين الفريقين اليوم الأربعاء، على الملعب الفرعي لاستاد الدفاع الجوي، ضمن منافسات الجولة 16 من دوري الجمهورية للشباب.
بهذه النتيجة توقف رصيد «أهلي 2005» عند 38 نقطة، من الفوز في 11 مباراة والتعادل والفوز بركلات الترجيح في مباراتين، والتعادل والخسارة بركلات الترجيح في مباراة واحدة، وخسارة مباراتين.
وفاز «أهلي 2005» على إنبي 2 - 1، وعلى القناة 3 - 0، وعلى غزل المحلة بنفس النتيجة، وخسر أمام سموحة 0 - 1، وفاز على طلائع الجيش 4 - 0، وعلى الزمالك 1 - 0، وتعادل مع فاركو سلبيًا وفاز عليه بركلات الترجيح 3 - 2.
كما فاز الأهلي على الجونة 4 - 1، وعلى النجوم 3 - 2، وتعادل مع مودرن سبورت 1 - 1، وفاز عليه بركلات الترجيح 4 - 3، وفاز على بتروجت 4 - 0، وعلى الاتحاد 1 - صفر، وتعادل مع زد 2 - 2، وخسر أمامه بركلات الترجيح.
وفاز أيضا على سيراميكا كليوباترا 1 - 0، وعلى حرس الحدود بنفس النتيجة، وخسر أمام بيراميدز 0 - 2، مسجلًا 30 هدفًا مقابل 9 أهداف في مرماه.
وكيل إمارة الرياض المساعد للحقوق يحضر حفل سفارة جمهورية اتحاد ميانمار بمناسبة اليوم الوطني لبلادها