«أكثروا الدعاء وقت نزول القبر».. تامر ضيائي ينشر وصيته بعد نجاته من جلطة (10 بنود)
تاريخ النشر: 13th, May 2024 GMT
كشف الفنان تامر ضيائي عن وصيته حال وفاته، بعد تعرضه في الفترة الأخيرة إلى وعكة صحية وإصابته بجلطة وخضع لعملية في القلب.
وصية تامر ضيائيونشر تامر ضيائي منشورا عبر صفحته الرسمية على موقع التواصل الاجتماعي «فيسبوك»، تحت عنوان «وصية».
وكتب ضيائي: «بوست الوصية.. ده هيفضل باين على صفحتي لحد ما أموت، الحقيقة اللي كلنا عارفينها ومتأكدين منها أننا كلنا ربنا كاتبلنا إننا نموت في ميعاد محدد غير معروف، وعشان كده كتبت الكلام ده لأنى محتاج حاجات معينة تتعمل وحاجات خايف تتعمل وأنا مش عايز حد يعملها لمجرد إنها معروفة، ووقتها طبعًا مش هعرف أقولها لحد».
وصية الفنان تامر ضيائيبنود وصية تامر ضيائيوذكر تامر ضيائي تفاصيل وصيته، والتي تتمثل في 10 بنود، قائلا:
1- صلاة الجنازة أهم من العزاء وهي اللي كل ما العدد زاد كل ما ثوابى ما كان أكتر، فأرجوكم تصلوا عليا.
2- مش شرط تيجى العزاء وياريت لو اتعمل فى البيت أو مكان بسيط بفلوسه تطلعولي صدقة جارية أفضل.
3- من فضلكم لم يثبت أو يتفق عليه عمل ختمة قرآن للمتوفى إنها هتوصله، بس مثبت إن الدعاء والصدقة بيوصلوا للميت، فرجاء دى بالذات بلاش وادعولي الوقت اللى هتقروا فيه جزء فضوا نفسكم واقعدوا ادعوا فيه.
4- بلاش صدقة جارية تقليدية وسهلة ومش مستفاد بيها يعنى المصاحف كتير فى مصر أوى وكل بيت فيه كتير فممكن نحط الفلوس فى جامع بيتبنى أو كرسى متحرك فى مستشفى يستفيدوا بيها المرضى أو دخول مياه لبيت غلابة أو بناء سقف لبيت فقراء، حاجات ناس تستفيد بيها لمدة طويلة.
5- دي نقطة مهمة أوى بالنسبة ليا.. محدش يقول لحد بتعيط عليه ليه، ومتعيطش عشان هو بيتعذب!! الكلام دة غلط، سيبوهم يعيطوا لحد ما يطلعوا كل الشعور اللى عندهم ومفيش حاجة بتقول إن العياط معناه عدم رضا بقضاء ربنا "وأبيضت عيناه من الحزن فهو كظيم.
تامر ضيائيوصية تامر ضيائي بعد تعرضه لجلطة6- أهم حاجة تاني هي الدعاء وبس والصدقة.
7- من فضلكم تكثروا الدعاء وقت نزول القبر وتتصدقوا بأى حاجه بنية إن ربنا يجعل قبري روضة من رياض الجنة ويثبتني عند السؤال لأن ده أهم وقت ليا وياريت كمان بعد ما تدفنوني أقعدوا معايا شوية ومتستعجلوش تمشوا عشان تونسوني في ليلة زى دي.
8- الموت علينا كلنا حق وإحنا كلنا أمانات ربنا وهيردنا تانى، فالحزن على الفراق هونوا على نفسكم بالدعاء ليا عشان أبقى في سعادة لحد ما أقابلكم تاني.
9- "اللي بيحبوني يدعولي كتير عشان لو مفيش حد يدعيلي.
10- دى مهمة أوي عاوز الكل يسامحني على أي حاجه عملتها فيه بقصد أو بدون قصد.
تامر ضيائيتامر ضيائي يكتب وصيتهواختتم تامر ضيائي وصيته قائلا: «اللهم إن كثر موت الفجأة من حولي وكثر موت الشباب غفلة، يارب إن كنت أنا القادم فأحسن خاتمتي و يسّر طلوع روحي و هوّن عليّ سكراتي فإني أحب أن أرحل في هدوء و سكينة و طمأنينه، ولا تقبض روحي إلا وأنت راضٍ عني لكي أكون عبدا مقبولا عندك حتي أليق بلقائك العظيم و إن كان لي من العمر باقي فأغفر لي ذنوبي و معاصي نفسي الأمّارة بالسوء و أعفو عني و أمحو لي كل ما يعرقل طريقي إليك و ردّني إليك ردّاً جميلاً يارب العالمين».
تامر ضيائيآخر أعمال تامر ضيائيوكانت آخر أعمال الفنان تامر ضيائي، مشاركته في مسلسل «فراولة» الذي عرض في النصف الثاني من موسم رمضان لعام 2024، وكان من بطولة النجمة نيللي كريم والفنان صدقي صخر.
اقرأ أيضاً«بداية جلطة دعواتكم».. الفنان تامر ضيائي يطلب من جمهوره الدعاء
الفنان تامر ضيائي: العين صابتني.. وعكة صحية مفاجأة ادعولي
بعد تعرضه لجلطة.. تامر ضيائي يخضع لعملية قسطرة في القلب
المصدر: الأسبوع
كلمات دلالية: تامر تامر امين الفنان تامر ضيائي تامر ضيائي الفنان تامر ضيائى ضيائي تامر ضياء تامر أمين اليوم الفنان تامر ضیائی
إقرأ أيضاً:
أكرم حسني: في حالة التعاون مرة أخرى مع تامر حسني «مش هاخد أقل منه»
كشف الفنان أكرم حسني المعاير التي على أساسها يقرر المشاركة في العمل، مؤكدا أن أدوار البطولة لا تشغله بقدر اهتمامه بأن يكون المشروع ناجحًا ومؤثرًا، معقبا: «مفيش حاجة اسمها بطل ودور تاني.. في حاجة اسمها فيلم حلو».
وأشار أكرم حسني، خلال لقائه ببرنامج «حبر سري»، الذي تقدمه الإعلامية أسما إبراهيم عبر قناة «القاهرة والناس»، أن فيلمه «البدلة» مع النجم تامر حسني كان مكتوب بشكل جيد، ولم يفكر حينها في مسألة من هو البطل الأول أو الثاني، بل كان التركيز على قوة السيناريو ومدى تأثير الشخصية في العمل، قائلًا: «أكيد لو بعمل فيلم مع تامر حسني.. أكيد أجره يبقى أعلى مني واسمه يبقى قبل مني.. ده واقع مش مجاملة».
وأكد، أنه يحترم الخبرة والنجاحات السابقة لأي فنان، موضحًا أنه لا يمانع أن يكتب اسمه في المرتبة الثانية أو الثالثة طالما أن الدور قوي والمشروع مؤثر، مستشهدًا بمثال الفنان أحمد أمين في مسلسل «جزيرة غمام»، لكنه قدم واحدًا من أقوى الأدوار في العمل، مما جعل الجمهور يتحدث عنه كثيرًا.
وأضاف أكرم حسني: «أنا بشتغل وبجتهد عشان أتقدم خطوات للأمام، والأجر ده جزء من التقدير، فأنا مش هطلب أكتر من حقي، لكن في نفس الوقت مش هاخد أقل منه».
عرض لـ الفنان أكرم حسني مؤخرا مسلسل الكابتن، وذلك ضمن مسلسلات النصف الأول من رمضان 2025، وحقق العمل نجاح جماهيري كبير.
مسلسل الكابتن، من بطولة الفنان أكرم حسني إلى جانب كوكبة من نجوم الفن أبرزهم: آية سماحة، وأحمد عبد الوهاب، وسوسن بدر، ورحمة أحمد، وأحمد الرفاعي، ومحمد رضوان، وسامي مغاوري، وعمر شوقي، ومؤمن نور وميمي جمال، ووئام مجدي»، وأخرين من الفنانين، وهو من تأليف عمرو الدالي وإخراج معتز التوني، ومن المقرر أن يتكون من 15 حلقة.
أحداث مسلسل «الكابتن»دارت أحداث مسلسل الكابتن، في إطار كوميدي اجتماعي، ويجسد أكرم حسني، شخصية كابتن طيار يتسبب في حادث طائرة يؤدي إلى وفاة الركاب، هذا الحادث يضعه في سلسلة من المواقف الكوميدية غير متوقعة، التي تؤثر بشكل كبير على مسار حياته المهنية والشخصية، وبينما يسعى للتعامل مع تبعات الحادث، يكتشف بطل العمل العديد من التحولات الشخصية والمهنية التي تقوده إلى مواجهات مليئة بالكوميديا والدراما الإنسانية.
اقرأ أيضاًمسلسل الغاوي لـ أحمد مكي.. مواعيد العرض والقنوات الناقلة
مسلسل «العتاولة» الحلقة 17.. عدولة وراء اختطاف ابنة نصار
خبير إسرائيلي: الشرع مستعد للتعاون مع إسرائيل بشرط واحد