بعد نجاته من الجلطة.. تامر ضيائي يكشف عن وصيته

كشف الفنان تامر ضيائي، عن وصيته، وذلك بعد نجاته من الجلطة التي تعرض لها خلال الأيام الماضية، وخضوعه لعملية قلب، مشيراً إلى ضرورة المشاركة في جنازته، لأن حضور الجنازة في رأيه أهم من العزاء، وذلك حتى يزيد من ثوابه.

وصية تامر ضيائي

وكتب تامر ضيائي، عبر صفحته الرسمية على موقع التواصل الاجتماعي «فيسبوك» قائلا: «وست وصية، ده هيفضل باين علي صفحتي لحد ما أموت، الحقيقة إللى كلنا عارفينها و متأكدين منها إننا كلنا ربنا كتبلنا إننا نموت فى ميعاد محدد غير معروف، وعشان كده كتبت الكلام ده لأنى محتاج حاجات معينه تتعمل و حاجات خايف تتعمل وأنا مش عايز حد يعملها لمجرد إنها معروفه، ووقتها طبعاً مش هعرف أقولها لحد».

وتابع: «و دي وصيتي، ١) صلاة الجنازة أهم من العزا و هى إللى كل ما العدد زاد كل ما ثوابى ما كان أكتر، فأرجوكم تصلوا عليا، ٢) مش شرط تيجى العزا وياريت لو إتعمل فى البيت أو مكان بسيط بفلوسه تطلعولى صدقة جارية أفضل، ٣) من فضلكم لم يثبت أو يتفق عليه عمل خاتمة قرآن للمتوفى إنها هتوصله، بس مثبت إن الدعاء والصدقة بيوصلوا للميت، فرجاء دى بالذات بلاش وإدعولى الوقت اللى هتقروا فيه جزء فضوا نفسكم وإقعدوا ادعوا فيه».

تامر ضيائي

وأكمل: « ٤) بلاش صدقة جارية تقليدية وسهله ومش مستفاد بيها يعنى المصاحف كتير فى مصر أوى وكل بيت فيه كتير فممكن نحط الفلوس فى جامع بيتبنى أو كرسى متحرك فى مستشفى يستفادوا بيه المرضى أو دخول مياه لبيت غلابه أو بناء سقف لبيت فقراء، حاجات ناس تستفيد بيها لمدة طويلة، ٥) دى نقطة مهمه اوى بالنسبة ليا.. محدش يقول لحد بتعيط عليه لية، ومتعيطش عشان هو بيتعذب!! الكلام دة غلط، سيبوهم يعيطوا لحد ما يطلعوا كل الشعور اللى عندهم و مفيش حاجه بتقول إن العياط معناه عدم رضا بقضاء ربنا "وأبيضت عيناه من الحزن فهو كظيم»

وأضاف: « ٦) أهم حاجة تانى هى الدعاء وبس والصدقة، ٧) من فضلكم تكثفوا الدعاء وقت نزول القبر وتتصدقوا بأى حاجه بنية إن ربنا يجعل قبرى روضه من رياض الجنه ويثبتنى عند السؤال لأن ده أهم وقت ليا وياريت كمان بعد ما تدفنونى تقعدوا معايا شوية ومتستعجلوش تمشوا عشان تونسونى فى ليلة زى دى، ٨) الموت علينا كلنا حق وإحنا كلنا أمانات ربنا وهيردنا تانى، فالحزن على الفراق هونوه على نفسكم بالدعاء ليا عشان أبقى فى سعادة لحد ما أقابلكم تانى، ٩) اللي بيحبوني يدعولى كتير عشان لو مفيش حد يدعيلى»

واختتم:« ١٠) ودى مهمة أوى أوى أوى عاوز الكل يسامحني علي أي حاجه عملتها فيه بقصد لو يدون قصد، "اللهم إن كثر موت الفجأة من حولي و كثر موت الشباب غفلة، ف يا رب إن كنت أنا القادم فأحسن خاتمتي و يسّر طلوع روحي و هوّن عليّ سكراتي فإني أحب أن ارحل في هدوء و سكينة وطمأنينة، ولا تقبض روحي إلا و انت راضٍ عني لكي أكون عبدا مقبولا عندك حتي أليق بلقائك العظيم و إن كان لي من العمر باقي فأغفر لي ذنوبي و معاصي نفسي الأمّارة بالسوء و أعفو عني و أمحو لي كل ما يعرقل طريقي إليك و ردّني إليك ردّاً جميلاً يارب العالمين».

.«بداية جلطة دعواتكم».. الفنان تامر ضيائي يطلب من جمهوره الدعاء

بعد تعرضه لجلطة.. تامر ضيائي يخضع لعملية قسطرة في القلب

آية سماحة توجه رسالة لصناع العمل بعد حكاية كاملة «فيديو»

المصدر: الأسبوع