مش بيدوس على الناس بفلوسه.. عنبه يدعم عصام صاصا بعد حادث الدائري ويوجه رسالة لأسرة الضحية (فيديو)

دافع مطرب المهرجانات عنبة، عن صديقه عصام صاصا، وذلك بعد أزمته الأخيرة التي تعرضها لها منذ أيام، وهي إتهامه بدهس شاب ووفاته أعلى الدائري في أول ظهور لعنبة بعد نجاته من حادث سير تعرض له نتيجة اختلال توازن سيارته.

عنبة يدافع عن عصام صاصا

وشارك عنبة، عبر خاصية «استوري» عبر صفحته الرسمية على موقع التواصل الاجتماعي «انستجرام» فيديو يدعم فيه عصام صاصا موضحا أنه يمر بفترة نفسية صعبة بسبب الحادث قائلا:«أول حاجة إنا لله وإنا إليه راجعون.

. أنا طالع بقدم خالص التعازي لأسرة ضحية حادث عصام صاصا ربنا يرحمه ويصبركم».

وتابع قائلا:«أنا حاسس بيكم لأن بنت عمي ماتت من 4 سنين أو أكتر وهي في زهرة شبابها وهي بتعدي برضه العربية خبطتها وجريت محدش وقف ليها» مضيفا:«أنا عارف إن مفيش فلوس في الدنيا هتعوض ابنكم».

واختتم حديثه: «بلاش حد يفهمكم حاجة عن الراجل اللي أنتم مش شايفين حالته بسبب الحادثة دي، الله يرحم الشخص اللي مات، الناس اللي على النت طالعين بس عاملين ينتقدوا فيه ومحدش مهتم يدعى للراجل، وده اسمه استغلال وتريند أبوس أيديكم يا تعزوا الناس لتسكتوا أفضل».

أزمة عصام صاصا

وكان مطرب المهرجانات عصام صاصا، تسبب في وفاة شخص يدعى أحمد مفتاح يبلغ من العمر 40 سنة، وذلك بعد دهسه أعلى دائري المنيب يوم الاثنين الماضي الموافق 6 مايو الجاري.

أول تعليق من عصام صاصا

وفي أول تعليق عصام صاصا بعد الإفراج عنه، استنكر هجوم الجمهور عليه بعد تسببه في وفاة شخص، ونشر عبر حسابه على الفيس بوك، وكتب: كل اللي بيحبوني واللي مبيحبونيش واللي شمتانين فيا يركزوا في الكلام ده، طبعا الحمد لله على كل حال وكل اللي يجيبه ربنا خير، بس ليه الناس شايفاني وحش؟ ربنا اللي يعلم إن الموضوع ده مأثر فيا قد إيه ويا رب ما حد يتحط في ربع الموقف اللي أنا فيه.

اقرأ أيضاًتحليل المخدرات لـ عصام صاصا يفجر مفاجأة.. اعرف آخر تطورات القضية (صور)

الإعدام لـ عصام صاصا.. محامي المجني عليه يفجر مفاجأة لأول مرة (فيديو)

تطور جديد.. قرار عاجل من النيابة بشأن مطرب المهرجانات عصام صاصا

المصدر: الأسبوع