شخص نال إشادة الشيخ الطبلاوي بعد تقليده في قراءة القرآن.. ماذا قال عنه؟
تاريخ النشر: 5th, May 2024 GMT
تاريخ خالد لشيخ المقرئين المصريين ونقيب القراء في رحاب القرآن الكريم، بمجرد أن تسمع صوته في التلاوة العطرة تدخل في حالة تلقائية من الخشوع، الشيخ محمد محمود الطبلاوي صاحب الصوت الخاشع، تحل اليوم ذكرى وفاته الرابعة، بعد أن وفته المنية يوم 5 مايو عام 2020.
ولد الطبلاوي، في مركز تلا بمحافظة المنوفية، وبدأ قراءة القرآن وحفظه في الـ9 من عمره، بحسب حديثها مع الفنانة إسعاد يونس في برنامج «صاحبة السعادة» على قناة «dmc»، وفي اللقاء نفسه تحدث عن شخص وحيد أجاد القراءة بمثل طريقته.
روى محمد محمود الطبلاوي، نقيب وشيخ المقرئين الراحل عن عالمنا في عمر 85 عاما، أن صديقة الشيخ عبدالباسط عبد الصمد، قال له إن عنده ولد يجيد تقليده بشكل كبير، وهو «ياسر»، حينها قال«الطبلاوي»: «طب ابعتهولي وأنا أسمعه، سمعته ولحد النهاردة ياسر ما شاء الله عليه، قالي يا عمو وأنا صغير كنت بقلدك، خلفته كلهم ولاد حلال ياسر وطارق ماشيين على المنهج».
وكان للشيخ محمد محمود الطبلاوي في حياته 11 شريطًا في الإنشاد الديني، إذ قال: «كان ليا قصة في الإنشاد كان في منتج بيبيع شرايط روحت أخد منه 20 شريط، مكانش راضي ياخد فلوس، فيوم لقيته زعلان قالي يعني أنا راجل مسيحي، وعايز أعمل شرايط ابتهالات، طلبت فلان مرضيش وقفل السكة في وشي، قولت له يا أخي أنا اعملهملك، إيه الفرق بين القرآن والابتهالات، قالي ماشي قولت له بشرط أسجلهم في بيتي».
وتابع: «كان له أخ مهندس صوت اسمه كمال، قاله يا كمال خد المكنة والتسجيلات، وروح سجل للشيخ الطبلاوي، جبت معايا الشيخ ابراهيم الإسكندراني فنان ومبتهل من الدرجة الأولى، وعملنا له الـ11 شريط، جت كده من غير مناسبة».
المصدر: الوطن
كلمات دلالية: الشيخ الطبلاوي محمد محمود الطبلاوي
إقرأ أيضاً:
نوال تطلب الخلع: قالي أنا يتيم وطلع سارق أمه وطفشان
وقفت نوال أمام محكمة الأسرة في المعصرة بعدما تقدمت بدعوى خلع من زوجها، للتخلص منه بعد زواج استمر لمدة عامين فقط، بسبب كذبه عليها وقيامه باستغلال إحدى صديقاته للقيام بدور شقيقته الوحيدة، إلا أنها اكتشفت في النهاية أن أسرته طردته بسبب سرقة مشغولات والدته قبل سنوات من الزواج.
سردت نوال قصتها مع زوجها قائلة «عايشة مع واحد كذاب وكان جايب واحدة صاحبته عاملها أنها اخته الوحيدة وأن ابوه وأمه ماتوا في حادثة وأنه مالوش غير أخته، وساعة الجواز كان معاه اتنين رجالة كبار قال أنهم أعمامه ومشوفتهمش تاني وبالصدفة عرفت أن أبو وأمه عايشين.
وقالت نوال عن قصتها مع زوجها، الراجل طلع بيضحك عليا سنتين، عايشة معاه وهو يتيم وطلعت كل حاجة كدب في كدب وطلعت عايشة مع بني آدم غشاش ولما قولت له قالي هما طردوني وأنا معرفتش أعمل ايه واكتشفت إنه متجوزني بـ دهب أمه اللي سرقوا من البيت بعد ما طردته من البيت ولما طلبت الطلاق منه رفض.
وشرحت نوال قصتها مع زوجها، أنا عندي 29 سنة، وبتشغل وعايشة مع والدتي بعد ما والدي توفى واتقدم لي شاب وقال إنه شغال في شركة وعايز يتجوزني وجه هو واتنين رجالة كبار وقال أنهم أعمامه ومعاه واحدة قال أنها أخته وأن والده ووالدته ماتوا، ووافقت عليه واتجوزته بعد 8 شهور وفضلت عايشة بعد الجواز عادي لحد ما بدأت أشك فيه.
وتابعت نوال، كنت حاسة أن في حاجة غلط ديما وأن الجوازة دي فيها حاجة مش طبيعية، لحد ما بعد سنة و10 شهور لقيت الباب بيخبط وحد بيسأل عليه وقالي أن والده تعبان وعايز يشوفه قولت له والد مين ده والده متوفي قالي لا وحكالي قصته وأنه سرق دهب أمه وطردوه من البيت، وساعتها مكنتش عارفة أنطق، ولما سألت عن أخته دي قالولي في المنطقة دي وحيدة وعايشة مع والدها.
واختتمت نوال قائلة، روحت اتكلمت معاه وقولت له أنا عرفت كل حاجة وعايزة أطلق وأني مش هعيش مع بني أدم كداب قالي مفيش طلاق روحت رفعت عليه قضية خلع.
بأرقام الشاسيه.. حماية المستهلك: وقف التعامل على هذه السيارات الجديدة