عمر كمال يكشف المستور عن علاقته بـندى الكامل طليقة الفيشاوي

أثار الفنان عمر كمال حالة من الجدل عبر منصات التواصل الاجتماعي، بعدما كشف عن تفاصيل علاقته بسيدة الأعمال وطليقة الفنان أحمد الفيشاوي، وذلك بعد تداول أنباء عن ارتباطهما، مشيرا إلى أنه لم يكن في حالته الطبيعية.

تفاصيل علاقة عمر كمال وندى الكامل

وكشف عمر كمال خلال لقائه مع الإعلامية أميرة بدر عن تفاصيل علاقته بـ ندى الكامل، قائلا: لا أفضل الحديث عن علاقاتي السابقة سواء كانت شخصية أم عاطفية.

وأوضح أنه شعر بالكثير من الحزين بعدما علم الجمهور بعلاقته بها، لأن مردودها عند الناس «مكنش كويس ومش عارف الناس شافت الموضوع إزاي»

وأضاف: «أنا في الفترة دي مكنتش متزن نفسيًا ومكنتش بنام غير بأدوية ومهدئات، وسلوكي مكنتش مظبوط، والأدوية كانت مأثرة عليا لدرجة أن ممكن حد ياخد مني مبلغ وأنسى خالص».

وتابع: «كنت باخد الأدوية دي بدون علم وناس وصفتلي ودخلت في متاهة، والموضوع قلب معايا بهلوسة، ومرة مدير أعمالي راح جابني من على الدائري وأنا خابط العربية، وتاني يوم معرفتش أني عملت كده، والسنة والنص دي أثرت على شغلي».

وأردف: «ممكن الغلط يكون من عندي لأني عملت في نفسي كده، هي مكانتش فاتحة خير عليا والمفروض الإنسانة اللي معايا لما تلاقيني بميل ناحية الغلط متميلش معايا لأ تعدلني، تجربة مكانتش حلوة عليا السلبي فيها أكتر من الإيجابي، وأنا اللي خدت قرار الانفصال لأني كنت بقع ومش نفسي، أنا حبيتها أكيد ولكن التجربة ضرتني».

وواصل: «ربنا حبيبي، وفي كل موقف في حياتي كنت هقع فيه شالني، وربنا ده ممكن يكون علشان أمي أو إخواتي أو خير بعمله أو علشان براعي ربنا في فرقتي، أنا دايمًا بصحي نفسي ودايمًا عندي النفس اللوامة، وطول ما أنا بدخل ربنا في طرف الميزان همشي كويس».

اقرأ أيضاًوائل نور.. معلومات لا تعرفها عن الولد الشقي والفنان الوفي

«عميدة موسيقى الديوان النسوية».. وفاة الفنانة الجزائرية حسنة البشارية

«صحبي أطيب شخص في الدنيا».. الفنانة ميار الببلاوي تعلن وفاة عمها

المصدر: الأسبوع