هيثم نبيل: أنا أهلاوي أوي..و زعلت على رمضان صبحي لما مشي من الأهلي
تاريخ النشر: 4th, May 2024 GMT
نجح المطرب والملحن هيثم نبيل في خطف قلوب الجماهير بأحدث ظهور له ببرنامج سبوت لايت،مع الإعلامية شيرين سليمان،المذاع عبر قناة صدى البلد.
وتحدث هيثم عن حبه للنادي الأهلي وغيرها من الأمور.
وقال :"أنا أهلاوي من وأنا صغير بابا كان عاملي اشتراك الاستاد وبعامله معاملة النادي" .
وأضاف :"رقم 1 عندي حسام حسن، لأنه أكتر لاعب أنا بحبه في حياتي، والنادي الأهلي مليان نجوم كتير بحبهم، ومن قبله كابتن محمود الخطيب، وبعد حسام حسن بحب كل "جيل تريكة"، تريكة، وائل جمعة، عماد متعب، المصريين بالأجانب، كل الجيل".
هيثم نبيل :زعلت على رمضان صبحي لما مشي من الأهلي
وتابع :" أنا بحب اللاعب اللي اتربى في النادي الأهلي، وأنا من الناس اللي زعلت على رمضان صبحي لما مشي من الأهلي، وبحب حسام غالي ووليد سليمان، وحاليًا محمد الشناوي، ومحمد هاني".
وأشار : "معلول بالنسبة لي أهلاوي مصري صميم تحس أنه مولود في الجزيرة".
وواصل :" لحنت ولد الغلابة والبرنس وجعفر العمدة والونش والكثير من الأعمال و بتمتع لما بيغني ألحاني فنانين كبار مثل تامر حسني وأحمد سعد وعمر كمال".
والجدير بالذكر آخر أعمال هيثم نبيل أغنية شغلاني بيكي، والذي تصدرت التريند فور نزولها، وحازت على إعجاب الجمهور.
المصدر: بوابة الفجر
كلمات دلالية: اﻻهلي حسام حسن اخر أعمال هيثم نبيل هيثم نبيل
إقرأ أيضاً:
إيه الزلزال اللي حصل؟ عمرو أديب يعلق على هزيمة الأهلي من باتشوكا
علق الإعلامي عمرو أديب على هزيمة الأهلي من باتشوكا المكسيكي في بطولة الإنتركونتيننتال: "أنا دايما رأيي إن الأهلاوية مابيعرفوش يخسروا، بيعرفوا يكسبوا بس، الأهلاوي عقله متركب على الانتصار والمكسب بس، ما يعرفش الهزيمة".
وأضاف عمرو أديب خلال برنامج "الحكاية" المذاع على فضائية "إم بي سي مصر": "امبارح فيه ناس أهلاوية كانت بتشتم القائد محمد الشناوي يعني لدرجة إن الراجل قال لهم خلاص أنا ماشي، ماتش اتغلبتوه حصل إيه يعني؟ إيه الشيء المرعب إيه الزلزال اللي حصل، عندك لاعب أو اتنين مضايقينك مشيهم في الانتقالات الشتوية اللي جاية وخلاص وربنا معاك".
وتابع عمرو أديب: "إحنا وصلنا لمرحلة يا جماعة أنا مصدقتهاش، من المستحيلات اللي مكنتش متخيلها أنا لقيت أهلاوية كاتبين إن الإدارة دي مش نافعة وحصل لي نوع من الزلزال النفسي، أنت مش بتهاجم المدرب ولا الفرقة أنت بتهاجم الرمز بتاع الكيان، هل إحنا وصلنا إنك بتهاجم الرمز بتاع الكيان وإدارة النادي الأهلي شخصيا، عادي يا جماعة ماتش وراح إيه المشكلة، لسه فيه بطولات كتير".
برلماني: مش معقول كل ما الحكومة تتنزنق تلجأ للاقتراض