لماذا يأكل الأقباط المصريين الفريك والعدس والفول في أسبوع الآلام ؟
تاريخ النشر: 1st, May 2024 GMT
تحتفل الكنيسة القبطية بحول اسبوع الالام وهو اقدس ايام السنة، ويصومون فيه الاقباط صوم انقطاعى، ويبتعدو عن أى أكل دسم حيوانى، والاعتماد فقط على الآكل النباتي البسيط..ويوجد تفسير معاني لهذا الطعام.. وأعطوا له معنى روحي يتناسب مع الصيام.
وقال القس بولس عدلي كاهن كنيسة الشهيد فيلوباتير أبي سيفين والقديسة دميانة القبطية الأرثوذكسية ببورسعيد، عبر صفحته الشخصية بموقع التواصل الاجتماعي “فيسبوك”، ليجيب فيه عن سؤال: لماذا يأكل الأقباط المصريين الفريك والعدس والفول في أسبوع الآلام، وما هي دلالات تلك العادات المصرية المتوارثة، حيث قال:”ليه بناكل فريك وعدس ونابت يوم الأربع والخميس والجمعة ؟.
وأضاف القس بولس: “بناكل فريك يوم أربع أيوب، لأن الفريك صِلب وقوي رمز قوة صبر أيوب، وبنستحمى في اليوم دا إشارة لأيوب لما اتطهر من المرض، ويقال لان يوم الأربع والمعروف بأربع أيوب لأنه اتحمل الآمات كتير وقصته تذكر في صلوات البصخة المسائية، وأيوب كان في العهد القديم بيرمز إلى الآم السيد المسيح في العهد الجديد ونهاية قصتهم المفرحة، واحدى الأقاويل تقول إن الفريك عشان مالوش شريك زي ما مفيش حد زي أيوب احتمل كل التجارب، وأقاويل آخرى تقول إنه استحم بنبات اسمه الرعرع وشفى من مرضه، وده كان يوم الأربعاء، عشان كدة احنا ربطنا الفريك أنه يتعمل يوم الأربعاء”.
واستكمل قائلًا: “بناكل عدس يوم خميس العهد لأنه هو الوجبة النباتية اللي كلها بروتين ودي حاجه تناسب يوم سعيد زي قداس خميس العهد والتاريخ بيحكي أن أقباط مصر كانوا بيهادوا “فته العدس” لجيرانهم المسلمين، ومعاها سمك وبيض لأنهم مش صايمين حتى اتعرف أسم خميس العهد بين جموع المصريين باسم خميس العدس”.
أما يوم الجمعة العظيمة فأجدادنا الأقباط اختاروا يأكلوا فيه الفول النابت؛ لأنه يحتاج لـ 3 أيام عشان ينبت وبيتغطى بقماشة، مبلولة لزوم التنبيت في إشارة للكفن وبيتاكل معاه فلافل لأن “تسوية الفول” و“قليه الفلافل” مش بياخدوا وقت كبير في الطبخ والتسوية ودا شيء مناسب لبعد يوم طويل في الصلاة بالكنيسة.
واختتم،” يجي شم النسيم ويستمر الأقباط في أكل البيض زي أجدادهم المصريين القدماء بس رابطين البيضة بشرح المجدلية، وتشبيه لخروج الكتكوت من البيضة، شبه خروج السيد المسيح من القبر خاصة وأن شم النسيم يلي أحد القيامة مباشرة”
المصدر: بوابة الفجر
كلمات دلالية: الصوم المقدس الكنيست اسبوع الالام
إقرأ أيضاً:
فريدة سيف النصر تشيد بـ إش إش: مبقولش كده عشان اشتغل مع محمد سامي
أشادت الفنانة فريدة سيف النصر، بمسلسل "إش إش"، بطولة الفنانة مي عمر، والذي يعرض ضمن مسلسلات رمضان 2025، كما أشادت بالمخرج محمد سامي مخرج العمل.
كتبت فريدة سيف النصر عبر حسابها الشخصي على فيسبوك: "إش إش ولا قش قش قشت كله ما شاء الله... ومش من حقكم تخلص لما الحكاية تحلو هوب تكروتوها في يومين لا والله بصوا أنا قاعدة وبتفرج وبأقيم وأنا مش سهلة".
وأوضحت: "إش إش وصلت لمرحلة الحدث الكبير الذروة يعني وقدامك كذا سكة اتفتحت متقوليش في يومين تخلص.. أصلا خلي إش إش على جنب.. هي حدوته لوحدها قمر، وماجد المصري تحفة بلا أفوره معلم على حق".
وتابعت: "وطبعا قولت قبل كدة على الجبابرة إدوارد، هالة، إيهاب، دينا، شيماء، شرنوبي، عصام، والست ندى، والصاوي، وانتصار الوحش، والباشا المخرج عاملهم عمولة مخصوص نقاوة على الفرازة إن في كده، فعلا شغل المعلم لابنه بمزاج والله وهي مي قرفتها حلوة".
وواصلت: "قصر الكلام.. من أجمل القصص البسيطة اللي جواها عقد كبيرة تتحل بمشاهد من غير فذلكة ولا افورة وتتصدق من حلاوة شخصيات الممثلين بجد.. عمل محترم كبير حتي لو على قصة سجن راقصة أو سرقه وخيانه..وانتقام ..موضوع لوحده عاوز سرد محترم يشبعنا من العمل..كلهم عباقره..شكرا على المتعة البصرية والسمعية".
اختتمت: “بص يا مخرجنا الفاهم من أين يؤكل الكتف بتوليفه جماهيريه بحته.. عائلة كابوريا عايزه تتقزقز على رواقه مايتشبعش منهم...وصلت، آه ماحدش يقول بتقولي كده علشان محمد سامي وشغل معاه وكده لاه اشتغلت معاه جعفر العمدة وماخدش باله مني وبحبه جدا بس خلاص.. ربنا يوفقه ويوفق الجميع....كملوا اش اش بليز".